Tuesday , March 26 2019
Home / Sosial & Politika / Bankada Fretilin Kontinua Eziji Dialogu ba Sitausaun Aktual
Lider Partidu CNRT no Fretilin hamutuk iha pose IV Legislatura Parlamento Nasional.[Foto: Zinho MD | TAFARA.TL | 05.09.2017].

Bankada Fretilin Kontinua Eziji Dialogu ba Sitausaun Aktual

Liu husi konferensia imprensa ne’ebe  bankada Fretilin no PD konvoka iha sala bankada Fretilin hafoin remata plenaria iha loron segunda, Prezidente Bankada Fretilin, Francisco Branco hateten so dialogu deit mak foin bele fo solusaun ba situasaun ida hanesan agora.

Francisco Branco informa katak IV Legislatura Parlamentu Nasional eziste ona iha fulan haat liu ba, maibe nafatin seidauk bele halo sira nia servisu ho situasaun normal, tanba la iha partidu ida mak fo ulun ba malu, hafoin povu hili tiha liu husi eleisaun jeral 2017. Iha IV Legislatura ida ne’e sitausaun diferente ho I no III legislatura tanba opozisaun mak maioria hodi domina iha IV legislatura nia laran.

“Liu husi domina ne’ebe opozisaun iha, fo presaun bo’ot los ba koligasaun Governu hodi bele hatoo sira nia programa no proposta seluk, ne’ebe mak oras ne’e lao hanesan Programa Governu ne’ebe la liu iha aprezentasaun premeiru no orsamentu retifikativu ne’ebe ho karakter urjensia. Ho situasaun ida ne’ebe agora lao opozisaun ho nia hanoin ida katak saida deit mak akontese iha oras ne’e ema hotu lao tuir deit saida mak konstisaun haruka. Seraque ida ne’e mak razaun fundamental ba opozisaun hodi kontra ba VII governu ne’ebe oras ne’e egiste ho sen programa (la iha programa ne’ebe bele halao durante tinan 5 nia laran)”, esplika Branco.

Branco informa mos katak ema hotu preokupa ho sitasuan politika agora makA hanesan funsionariu kontratadu, balun hahu ona tauk tamba sira sei labele simu osan iha tinan oin, taNba la tama ona fulan Dezembru governu ho parlamentu seidauk iha serteza ba debate Orsamentu Jeral Estadu 2018 nian. Iha problema seluk mak oras ne’e tuir aprezenta iha orsamentu ratifikativu ho razaun balun ne’ebe husu atu selu divida ba projetu ne’ebe governu anterior husik hela.

Liga ho asumtu programa VII Governu ne’ebe sei ba halo aprezentaun ba daruak, seidauk ba aprezenta? Bainhira TAFARA.TL dada lia ho advogadu Manuel Tilman nudar eiz deputadu iha II Legislatura hateten sitausaun mak agora Timor hasoru ne’e, atu bele rezolve nia dalan maka  Xanana tenke Koalia ho Presidente RDTL Lu Olo, la iha ema seluk mak bele rezolve situsaun ne’e.

Dialogu mak nudar dalan ba rezolve problema tuir Primeiru Ministru, Dr. Mari Alkatiri hateten, bainhira hasoru malu ho Prezidente da Republika, hodi halo dialogu ne’ebe Presidente RDTL konvoka. Ema hotu eziji dialogu, maibe to agora Xanana Gusmao seidauk fila mai Timor, bainhira Xefe Negosiador Fronteira Maritima ne’e husik hela Timor hodi ba rezolve kestaun FM ho Australia.* [Jesuino Marcal de Jesus | TAFARA.TL | Editor: Zevonia Vieira | 20.12.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

Leave a Reply

Your email address will not be published. Required fields are marked *