Monday , March 25 2019
Home / Sosial & Politika / Bankada Fretilin Preokupa Iha Tentativa Taka Dalan Harii Inkeritu Parlamentar
Vice Prezidente Bankada Fretilin, Francisco Miranda Branco halo konferensia imprensa ho jornalista sira. [Foto: Copyright Media Bankada Fretilin | 12.10.2018]

Bankada Fretilin Preokupa Iha Tentativa Taka Dalan Harii Inkeritu Parlamentar

Bankada FRETILIN mós nota katak adjudikasaun ba projetu 142 ne’e inklui medida oioin ministru sira ne’e foti atu evita intervensaun husi Kámara de Kontas tuir Segunda Alterasaun ba Lei no. 13/2009 kona-ba Orsamentu ho Jestaun Finanseira, ne’ebé vigora dezde dia 23 jullu 2013.

Relasiona ho Komisaun Enkeritu Parlamentar ne’ebe to’o agora sedauk harii, liu hosi komunikadu imprensa ne’ebe distribui ba media sira, Bankada Fretilin hatoo preokupasaun tanba tuir sira iha tentative atu difikulta prosesu harii komisaun parlamentar.

Vice Prezidente Bankada Fretilin, Franciscio Miranda Branco deklara katak, inkéritu parlamentár ida ne’e importante tebes, tanba liga ho osan estadu nian, ho prosedimentu legál.

“Antes ita halo pagamentu ba projetu sira ne’e, ita tenke verifika uluk legalidade tomak iha prosesu adjudikasaun sira ne’e. Ami la kompriende, tansá iha fali tentativa atu taka dalan ba inkéritu parlamentár ida ne’e, ne’ebé sei buka atu hatuur desizaun hotu iha lei nia okos”, deklara Branco, 12/10.

Branco hatutan katak tentativa ne’e mai duni husi meza parlamentu nian, “bankada FRETILIN preokupa tebes tanba até agora, meza seidauk halo ninia knaar loloos atu asegura estabelesimentu ba komisaun parlamentár ida ne’e. Tan ne’e ami hakarak alerta ba públiku kona-ba tentativa ida ne’e”.

Liu hosi komunikadu imprensa refere bankada Fretilin hatudu dadus katak iha suspeisaun forte katak, prosesu halo ajudikasaun ba projetu 142 ho valór $345.671.344.61 ba kompañia lubuk ida, la tuir prosedimentu legál aprovizionamentu no akizisaun beins no servisus.

Bankada Fretilin mos informa katak Diretór Sekretariadu Grandes Projetos (SGP) rasik, Crispim Fernandes, iha nia karta ba Ministru Planeamentu ho Investimentu Estratéjiku, 3/8/2017, informa katak projetu sira ne’e tama kategoria projetu foun no seidauk tama faze planeamentu, orsamentasaun, no mós seidauk hetan aprovasaun husi Parlamentu Nasionál (PN) no promulgasaun husi Prezidente da Repúblika.

Bankada FRETILIN mós nota katak adjudikasaun ba projetu 142 ne’e inklui medida oioin ministru sira ne’e foti atu evita intervensaun husi Kámara de Kontas tuir Segunda Alterasaun ba Lei no. 13/2009 kona-ba Orsamentu ho Jestaun Finanseira, ne’ebé vigora dezde dia 23 jullu 2013.

“Segunda alterasaun ba lei no. 13/2009 aumenta tan artigu ida hodi hatete katak kontratu hotu-hotu ne’ebé boot liu $5 miloins tenke sujeita ba jurisdisaun Kámara de Kontas nian. Maibé iha indikasaun katak ajénsia governu nian hanesan ADN fahe fali projetu boot sira, ne’ebé ho valór liu $5 miloins atu hatún ninia folin, hodi nune’e lalika hetan eskrutíniu husi Kámara de Kontas. Ida ne’e presiza hetan justifikasaun ida di’ak,” Reprezentante Francico Branco esplika.

Irregularidade sira ne’e obriga Bankada FRETILIN, ho apoiu husi Bankada Partido Democrático, halo rekerimentu ida hodi harii Komisaun Parlamentár ne’e iha dia 7 de Setembru. Maibé iha semana tuir mai hafoin hatama rekerimentu ne’e, Prezidente Parlamentu deside hapara atividade Parlamentu tomak durante semana ida. Desizaun ne’e atraza hotu prosesu oioin, inklui estabelesimentu ba komisaun parlamentár ida ne’e.

“FRETILIN iha kompromisu boot ida ba boa governasaun no sei tane aas nafatin interese Estadu nian. Nune’e, Bankada FRETILIN sei kontinua ho esforsu hotu-hotu atu garante kumprimentu ba ninia kompromisu ida ne’e. Inkéritu parlamentár ida ne’e halo parte husi ami nia kompromisu ba Povu tomak, atu mantén governasaun ida moos, di’ak, no serví duni povu ho estadu. Inkéritu parlamentár ne’e tenke la’o ba oin”, esplika Branco

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

Leave a Reply

Your email address will not be published. Required fields are marked *