Home Sosial & Politika Mudansa Klimatika Bele Afeita Ba Ema nia Saude, Jornalista Kontinua Halo Advokasia

Mudansa Klimatika Bele Afeita Ba Ema nia Saude, Jornalista Kontinua Halo Advokasia

210
0
SHARE
Mudansa Klimatika Bele Afeita Ba Ema nia Saude, Jornalista Kontinua Halo Advokasia

Caption: impaktu hosi mudansa klimatika, halo rai maran, rai manas no menus bee. [Foto: copyright Kompas | 09.10.2019]

“Jornalista sira bele aprende diak liu tan, kona ba impaktu ambiente nune’e bele fahe informasaun diak ba comunidade, atu kuida sira nia saúde, nune’e mos bele fo kontribuisaun ba programa ne’ebe mak governo implementa, liu husi adaptasaun no motivasaun iha terenu”. Julio

Preokupasaun ba problema ambiental ne’ebe fo risku ba ema no animal sira, kontinua fo atensaum. Movimentu no advokasia kontinua lao nasaun barak. Mudansa klimatika fo mos impaktu ema nia saúde.

Liu hosi treinamentu konaba Jurnalizmu ho tema Salva Ambiente, Sekretariu Executivo Interino Autoridade Nasional Ambiente, Juliao dos reis  Ph.D, lori materia ho topiku impaktu meio ambiente ba ema nia moris no ba saúde, hateten katak impaku meio ambiente iha problema barak hare husi rai manas, polusaun, rai maran, bee maran, moras  asma [dada iis boot] hirak ne’e hotu bele fo ameasa ba ema nia moris no saúde.

“Bainhira udan tun la tuir tempo, tanba impaku husi mudansa klimatika udan tun la regular ona, no fo impaktu barak liu mak konaba ema nia saúde”, hateten Julio, 09/10

Julio ho esperança boot katak liu hosi treinamentu ne’e jornalista sira bele aprende diak liu tan, kona ba impaktu ambiente nune’e bele fahe informasaun diak ba comunidade, atu kuida sira nia saúde, nune’e mos bele fo kontribuisaun ba programa ne’ebe mak governo implementa, liu husi adaptasaun no motivasaun iha terenu

Sorin seluk Dosente Komunikasaun Sosial UNTL, Marcelino Magno, kongratula tebes ba Konselho Imprensa, UNDP liu husi SEA (Secretaria Estado Meio Ambiente), bele trasa programa ida ne’e nune’e bele tulun jornalista sira hodi komprende klean ba asuntu meio ambiente

“Atu hakerek notisia ne’ebe diak liga ho asuntu lixo nian, presiza aprezenta ho maneira interesantem nune’e bele dada intensaun husi audensia, se hakerek deit mak la iha dezenho, video, la dun dada ema nia atensaun”, hateten Marcelino. * [ Francisco Jose de Almeida | Editor: Zevonia Vieira | TAFARA.TL | 09.10.2019 ]