Friday , August 17 2018
Home / Divertimentu / Bintang Festival Sei Realiza Konsertu ba Daruak iha Timor-Leste.
Bintang Festival sira halo konferensia imprensa ho jornalista sira. [Foto: Zelia Ximenes | 13.07.2018]

Bintang Festival Sei Realiza Konsertu ba Daruak iha Timor-Leste.

Banda Musika rai laran no Jamrud hosi Indonesia sei anima komunidade Timor sira iha municipio Baucau, Bobonaru no Dili.

Bintang Timor-Leste realiza Bintang festival ba daruak iha Timor-Leste. Objetivu hosi festival ne’e, hodi fo halibur komunidade sira liu hosi musika, ne’ebe reprezenta hosi banda rai laran no banda musika hosi Indonesia ne’ebe famouzu ho naran Jamrud.

Liu hosi konferensia imprensa, ba jornalista sira, Marketing Manager, Benjamin Kwek, hateten katak Bintang halao festival ba daruak, ne’ebe sei halao iha Baucau, Bobonaru no ikus liu iha Dili. Banda musica lokal hamutuk 10 resin, sei halibur malu iha Baucau iha loron 21/07 no iha Maliana loron 04/08, no ikus sei hamutuk ho banda musika rock hosi Indonesia Jamrud, ne’ebe sei realiza iha loron 18/08, iha Tasi Tolu.

Benjamin mos informa katak, banda foun New Comer iller, sei kolabora ho banda konnesidu hanesan Galaxi, Klamar, Alcatraz no Moriveu. Alende ne’e banda famozu Infernu, sei anima povu iha konsertu Bintang Festival.

“Serveza bintang nia mensajen, atu halibur komunidade sirra ho haksolok iha momentu ne’ebe espesial duni. Konsertu Bintang Festival, nu’udar eventu ne’ebe organizadu didiak ho musika ho kualidade mak oportunidade perfeitu atu lori mesanjen ne’e ba komunidade”, dehan Benjamin Kwek.

Iha fatin hanesan, komisaun organizador, Domingos da Crus esklarese katak fundus hodi halao eventu refere ne’e, mai hosi serveza ho marka Bintang rasik, ida ne’e hanesan eventu annual ida ne’ebe kompanha HEINEKEN hakarak halibur povu Timor-Leste tomak.

“Ita foin hahu tinan kotuk no ita sei halo iha tinan ne’e no ba beibeik ne’ebe boot, furak no diak liu tan”, hateten Domingos.

Serveza ho marka Bintang ho orgullho produs iha Timor-Leste, iha Fabrika hera. Inisiu hahu Heineken Timor S.A mak subsidiariu ida ne’ebe nia nain mesak mak HEINEKEN iha Timor-Leste. Kompana ne’e asina akordu investimentu espesial ida ho Governu iha janeiru 2015 no hahu ni produsaun local iha 2017.

Kompana ne’e produs no fa’an serveza ho marka oinoin hanesan Heineken ( serveza premium no.1 iha mundu tomak), Bintang Tiger, Sagres, ABC, no bebidas non-Alko’ol. HTSA mak investor estranjeiru primeiru no plamtasaun fabrikasaun bebidas ho padraun internasioanl ne’ebe mak estabele iha rai laran.

Konferensia imprensa ne’ebe halao iha Brewery Hera, 13/07, hetan antusiasmu barak hosi artisita Timor, no sira hatudu esperansa katak liu hosi festival ida be’e, bele motiva banda sira, hodi kolabora no hananu. Tema festiva ba tinan ida ne’e ho naran “Hamutuk ho Bintang” no mos iha video ba mesajen, ne’ebe hatoo hosi artista sira, ne’ebe produs hosi Pixelasia Production Dili. * [ Zelia Ximenes | Editor: Zevonia Vieira | TAFARA.TL | 16.07.2018 ]

About Zelia Ximenes

Check Also

Tempu Badak Filme A[R]MANDA Sei Realiza, Eufrasia: Filme Ne’e Konaba Dame Laos Funu

“Istoria A[R]MANDA, filme ida ne’e koalia konaba dame ho background Timor nia kultura, ho tradisional …

Leave a Reply

Your email address will not be published. Required fields are marked *