Wednesday , June 19 2019
Home / Sosial & Politika / Bloku AMP Sei Hatama Mosaun Sensura Iha Plenaria Segunda Semana Oin
Partidu PLP, CNRT no KHUNTO asinal plaraforma politika maioria parlamentar. [Foto: Zevonia Vieira | TAFARA.TL | 12.10.2017].

Bloku AMP Sei Hatama Mosaun Sensura Iha Plenaria Segunda Semana Oin

Ami hateten katak ami sei elabora hela tamba ezijensia Deputadu sira nian sira vota kontra sira dehan tamba programa ne’e la mai ho dadus programa ne’e la iha base line”. Adriano Nascimento

Haree programa governu ne’ebe besik ona tama fulan ida hafoin programa VII governu la pasa iha plenaria iha data 19/10, nune’e bloku Aliansa Maioria Parlamentar ezize VII Governu hodi aprezenta fila fali tuir Konstituisaun haruka.

Hafoin enkontru lider bankada iha sexta-feira 17/11 iha uma fukun Parlamentu Nasional, jornalista TAFARA.TL halo konfirmasaun ho Prezidente Bankada KHUNTO, Luis Roberto da Silva hateten hare’e ba regras normal VII Governu tenke aprezenta ona programa ba segunda vez.

“Ami bloku AMP mos hare’e ba regras normal katak ami hein mak segundu programa VII Governu nian maibe ate data seidauk to mai, ami mos simu karta ida husi Premeiru Ministru katak sira sei buka hela dadus konkreta husi todos ministeriu hodi mai aprezenta ba Segundo programa ninian, maibe hare’e ba tempu hela deit loron 2, para kompleta 30 dias ne’ebe ami bloku AMP mos hare’e ba Konstituisaun haruka ami sei prepara mosaun sensura plenaria iha segunda feira agora”, hateten Presidente Bankada Khunto.

Iha fatin hanesan Ministro na Presidensia de Conselho de Ministro, Adriano do Nascimento, ba jornalista sira hateten programa Governu seidauk bele aprezenta tamba oras ne’e daudaun Governu sei elabora hela dadus tuir deputadu sira hakarak.

“Deputadu sira xefe das bankada sira husu bainhira mak programa mai, ami hateten katak ami sei elabora hela tamba ezijensia Deputadu sira nian sira vota kontra sira dehan tamba programa ne’e la mai ho dadus programa ne’e la iha base line sira ne’e entaun governu halibur hela dadus ne’e”,  hateten Adriano.

 Lideransa husi Partidu Demokratidu ne’e mos salienta liu tan katak governu hare hela ba base line implementasaun planu dezenvolvimentu estrategiku, ne’ebe nudar matadalan hodi hare implementasaun ba PEDN ne’e porsentu hira ona.* [Jesuino Marcal de Jesus | TAFARA.TL | Editor: Zevonia Vieira | 17.11.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *