Friday , September 21 2018
Home / Sosial & Politika / Branco: Lei Elisaun Jeral Serve Ba Elisaun Hotu, Regula Mos Ba Elisaun Tuir Mai
Prezidente Bankada Fretilin, Francisco Branco no Prezidente Bankada PD, Maria Teresa da Silva Gusmao Halo entrevista ho jornalista sira iha palacio prezidensia. [Foto: Zevonia Vieira | 11.01.2018]

Branco: Lei Elisaun Jeral Serve Ba Elisaun Hotu, Regula Mos Ba Elisaun Tuir Mai

“PD não ba Elisaun Antisipada ho objetivu atu hametin governasaun ida ne’e to tinan lima no Fretilin sim ba elisaun antisipada, atu mos ho objetivu ida deit, atu hametin ukun ida ne’e to tinan lima”. Teresa

 Bankada Fretilin no PD aproveita tinan foun, hodi hasoru malu no komprementa Prezidente da Republika.

Hafoin remata enkontru iha palacio prezidensia, 11/01 ba jornalista sira Prezidente Bankada Fretilin, Francisco Branco informa katak nudar reprezentante povu iha uma fukun, hakarak mai fo boas entradas no susesu ba Prezidente da Republika nia knaar durante ne’e diak tebes, tanba hatur iha Konstituisaun nia leten.

Hatan ba Media STL nia pergunta kona ba preokupasaun publiku liga ho krizi instituisional iha Parlamentu. Branco responde katak, se publiku dehan mosu krizi instituisional iha parlamentu, ne’e katak publiku observa lolos duni asaun boikota total hosi opozisaun ba atividades parlamentu iha komisaun sistematikas. Bainhira hahu funsaun iha IV Lejislatura iha dia 5 Septembru 2017.

Bainhira TAFARA.TL konfirma bankada koligasaun liga ho deklarasaun hosi AMP katak laiha sedauk iha Lei hodi regula Elisaun Antisipada no laiha razaun atu dissolve parlamentu. Branco hatan katak ne’e hatudu premeiru deskonnesementu total lejislasaun pais ida ne’e nian.

“Lei elisaun jeral ne’ebe regula elisaun liu ba, bele deit regula mos elisaun tuir mai. Lei ne’e serve ba elisaun hotu-hotu”, hateten Branco

Branco mos reafirma katak liga ho elisaun antisipada, desizaun sei mai hosi Xefe Estado no prontu atu kumpri kona ba saida mak Prezidente da Republika sei determina bainhira foti desizaun atu dissolve parlamentu.

Iha tempu hanesan TAFARA.TL halo konfirma ho Prezidente Bankada PD, Maria Teresa da Silva Gusmão kona ba informasuan ne’ebe sai iha publiku katak partidu PD rejeita ho elisaun antisipada.

Teresa klarifika katak pozisaun Partidu Demokratiku la aseita elisaun antisipada tanba firmi katak elisaun parlamentar tinan lima dala ida, povu fo votu maioria ba partidu Fretilin atu ukun no lolo liman ba PD atu lao hamutuk, hodi forma governu ida ne’e. Ne’e duni laiha razaun atu halo elisaun antisipada. Maske PD não ba Elisaun Antisipada ho objetivu atu hametin governasaun ida ne’e to tinan lima no Fretilin sim ba elisaun antisipada, atu mos ho objetivu ida deit, atu hametin ukun ida ne’e to tinan lima.

“Sim ho Não iha koligasaun ne’e ho nia objetivu ida deit atu nafatin garantia governu koligasaun ida ne’e to tinan lima. PD sei kontribui, desizaun as liu iha Prezidente da Republika nia liman, ne’e quandu Prezidente halo desizaun saida deit PD kumpri atu halo”, hateten Teresa.

Hare ba impaktu politika ne’ebe lao hela iha povu nia leet, Branco hateten katak liu hosi observasaun hatudu povu sira ne’ebe iha base, “komesa hatudu momos katak sira nia produtu laiha ona folin, no iha merkadu mos iha perkura komesa menus ne’e tanba komesa sente ona resesu ekonomia iha ita nia nasaun, entaun ho resesu ekonomia sei frajuliza liu [sei fraku liu. Red] iha ita nia pais. Se mak responsabiliza ba ida ne’e, tanba it ahalo politika, hakarak hatun malu, maibe prioridade ba nasaun no estadu maka povu nia moris, no povu nia moris maka orsamentu.*[Zevonia Vieira | TAFARA.TL | 11.01.2018]

 

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Lú Olo: Estadu Tenke Halo Knaar Importante Ba Ekonomia, Presiza garante Bens no servisu Publikus

“Estadu tenke haree oinsa mak bele asegura finansiamentu ba despeza públika liu hosi reseitas hosi …

Leave a Reply

Your email address will not be published. Required fields are marked *