Monday , March 25 2019
Home / Sosial & Politika / CdM Reafirma, Programa Edukasaun no Saude Nudar Prioridade
Secretário de Estado do Conselho de Ministro e da Comunicação Social, Matias Freitas Boavida halo entrevista ho jornalista sira iha Palacio do Governu. 10/10. [Foto: Zevonia Vieira | TAFARA.TL | 10.10.2017].

CdM Reafirma, Programa Edukasaun no Saude Nudar Prioridade

VII Governu Konstituisional halo enkontru Conselho Ministru (CdM) hodi konfirma aprovasaun programa VII Governu Konstituisional ne’ebe haruka tiha ona ba Parlamentu Nasional.

Secretário de Estado do Conselho de Ministro e da Comunicação Social, Matias Freitas Boavida, hato’o lia hirak ne’e ba jornalista sira hafoin remata Conselho Ministru, loron 10/10, iha Palacio do Governu.

“Membru governu sira haree hamutuk fila fali programa VII Governu ne’ebe entrega ona ba Parlamentu Nasional. Atu bele haree klean liutan oinsa atu bele koalia iha Parlamentu Nasional”, esplika Matias Boavida.

Matias hatutan katak liu hosi Conselho Ministru, ministru sira mos ba dala uluk, hodi  koalia kona ba orsamentu ratifikativu ba ano fiscal agora dadauk nian. Ne’e hanesan pontus prinsipais ne’ebe koalia iha Conselho Ministru.

Bazea ba dokumentu programa VII Governu Konstitusional ne’ebe aprovadu iha Konselho Ministru, iha loron 6/10, asina hosi Premeiru-Ministru, Dr. Marí Bim Amude Alkatiri.

Liga ho parte edukasuan governu ida ne’e sei garante igualidade no opurtunidade.  Iha area ensino baziku nian, governu sei aumenta numeru eskola no salah eskola, hamenus alumnus iha klase laran, preparasaun ne’ebe adekuadu ba rekursu humanu edukasaun, hodi bele hanorin no administra eskolah sira ho kompetensia.

Ba iha Ensino Secundario no tekniko vokasional sei hadiak asesu no promove kualidade ensino hosi profesores no alunus. Ba Ensino Superior esensial tebes atu garante rekusu humanu kualifikadu liu hosi elabora no aprova politika jestaun no organizasaun ba ensino superior hodi promove kualidade hanorin no pratika iha ensino superior publiku no privadu.

Governu mos sei kontinua fo bolsu estudu liu hosi Fundu Dezenvolvimentu Kapital Humanu (FDCH) ba area prioridade no estratejiku ba dezenvolvimentu nasional iha nasaun sira iha CPLP no ASEAN.

Iha parte saude sei reforsa kapasidade governasaun Servisu Nasional Saude ho lejislasaun apropriadu asesu saude ho efetivu no prestasaun servisu ba koidadu saude, preventive, kurativa no rehabilitasaun, kontinua promove Saude iha Familia, reforsa no dignifika servisu nain  saude nian.

VII Governu hein posibilidade kalendariu hosi Parlamentu Nasional, hodi nune’e Premeiru Ministru hamutuk ho membru governu sira hodi ba aprezenta iha Parlamentu Nasional, liu hosi plenaria.* [Zevonia Vieira | TAFARA.TL | 10.10.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

Leave a Reply

Your email address will not be published. Required fields are marked *