Saturday , April 20 2019
Home / Sosial & Politika / CI Sei Atribui Karteira Profesional ba Jornalistas Ne’ebe Iha estatutu editorial no Independen
Virgilio Silva Guterres, Presidente Conselho de Imprensa (klaran) momentu halo konferensia imprensa [Foto: www.conselhoimprensa.tl].

CI Sei Atribui Karteira Profesional ba Jornalistas Ne’ebe Iha estatutu editorial no Independen

Conselho Imprensa sei artibui karteira professional ba jornalista sira ne’ebe iha esperiensia tinan lima ba leten, ne’ebe halao knaar jurnalismu nian.

Liu hosi konferensia imprensa Prezidente CI, Virgilio Guterres ba jornalista sira hateten katak Conselho Imprensa loke ona rejistu ba jornalista sira, hahu iha loron 22 Septembru to 20 Outubro. CI halo ona prosesu no prepara kriteriu ne’ebe sei aplika ba joralista sira ne’ebe merese atu hetan titlu jornalista professional.

“Objetivu ba kualidade jornalista sira nian, atu fo mos rekonyesementu ba sira nia obra entaun CI bazea ba Lei Komunikasaun Sosial, hamosu ona regulamentu ho mekanizmu sira ne’ebe nesesariu atu bele fo atubruisaun ho karteira professional ba maluk jornalista sira ne’ebe halo servisu, nudar jornalista liu tinan lima”.

Bazea ba baze legal ne’ebe fo kompetensia ba CI atu atribui karteira professional ba jornalista sira mak Leu No 5/2014, loron 19 Novembru Lei Komunikasaun Sosial, Artigu 13 no Regulamentu no 6/2017, 21 Abril, Artigu 3 kona ba titlu professional.

Hatan ba perguntas hosi TAFARA.TL kona ba liga ho esperensia jornalista sira iha tinan 2 no 3 ba leten sei kontinua ho estajiu?

Prezidente CI hateten katak iha difinisaun ne’e sei hare esperiensia jornalista tinan rua no tolu ba leten sei hare fila ho esepsaun (pengecualian. Red)

“Agora menus hosi tinan rua ne’e mak tenke estajiu. Portantu tinan rua no tinan tolu nian sei iha pengecualian balun. Estajiu tuir Lei iha kategoria tolu ba sira ne’ebe hasai lisensiadu Bachelor (komunikasuan ka jurnalismu) sira nia estajiu fulan neen, sira ne’ebe lisensiadu laos areas jurnalismu tinan ida, sira ne’ebe D1 no D2 estajiu tinan ida ho balun”, esplika Virgilio Guterres.

Bainhira TAFARA.TL mos konfirma kona status media RTM no fungsionariu jornalista sira iha RTTL ne’ebe mak hili sai hanesan funsionariu publiku, sei hetan karteira professional?

Virgilio Guterres esklarese katak CI nia pozisaun klaru katak atribui ba media sira ne’e, tuir registu iha CI no estatutu eleitorial.

“RTM to agora sedauk aprezenta nia estatutu legal, CI sei konsidera hanesan orgaun komunikasaun social non lukrativu no dutrinariu, katak ne’e media partidu politiku nian, ne’ebe partidu uza hodi halao programa partidu nian no laos media publiku.

Ami fo servisu media professional, iha estatutu editorial no mantein independensia. Ba jornalista  RTTL sira ne’ebe hili sai hanesan funsionariu publiku iha RTTL, sira mos sei simu karteira refere maibe depois sira entrega fila fali, se karik aban bainrua sira hakarak sai jornalista mak CI fo fila fali”, hateten Virgilio.

Iha tempu hanesan Konselhor Hugo Fernandes, iha edefisiu CI iha Kintal boot, loro 22/9, mos afirma ba TAFARA.TL katak, jornalista sira ne’ebe sai hanesan freelance ka koresponden ba media iha rai liur maibe sir iha Timor, halao servisu iha instituisaun governu, sira laiha direitu hodi hetan karteira professional hosi Consleho Imprensa.* [Zevonia Vieira | TAFARA.TL | 22.09.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *