Sunday , June 24 2018
Home / Sosial & Politika / CNC Estabelese Biblioteka Chega Iha Eskola Canossa
Director CNC, Vice II Prezidente PN, Diretora Eskolah Canosiana no Madre lansa biblioteka Chega1. [Foto: Dokumentu CNC | 21.02.2018]

CNC Estabelese Biblioteka Chega Iha Eskola Canossa

Centru Chega nia planu atu loke ba eskola hotu-hotu, fulan hira nia laran sei loke iha eskola sira iha Díli. Centru Chega fornese armariu ho Publikasaun sira ne’e, maibé kondisaun primeiru mak eskola sira ne’e tenke iha biblioteka”. Hugo Fernandes

Centro Nasional Chega! estabelese biblioteka Chega iha eskola Sekundaria Santa Madalena de Canosa. Iha atividade refere, Diretor Ezekutivu CNC, Hugo Fernandes, ba jornalista sira hateten Chega ne’e entrega tiha ona ba iha Estadu 2005, maibé sedauk konsege halo dezeminasaun hotu, liu-liu tanba rekomendasaun Chega nian ne’e, introdus Chega ba kurikulu, tanba ne’e mak inisiativa ida harii biblioteka iha eskola sira ne’e nudar inisiativa sosiál ida, dahuluk nian oinsa maka introdus relatoriu CAVR naran Chega ne’e ba estudante sira iha eskola.

Hugo Fernandes informa katak, alende Canosa, CNC mos hahu ona iha eskola publiku 4 de Septembru, hein katak estudante sira la presiza ba too iha antigo komarka Balide atu hetan publikasaun sira nee, maibe publikasaun sira ne’e agora iha ne’e, sira bele mai lee, depois sira bele apreende mesak, saida mak iha relatoriu Chega ne’e nia laran.

Hugo Fernandes mos afirma katak CNC nia planu atu loke ba eskola hotu-hotu, fulan hira nia laran sei loke iha eskola sira iha Díli, CNC fornese armariu ho Publikasaun sira ne’e, maibé kondisaun primeiru mak eskola sira ne’e tenke iha biblioteka, no estudante sira hakarak apreende duni.

“Relatoriu final ne’e mak ita bolu naran Chega, maibe iha armariu ne’eba iha publikasaun oin-oin kona ba audensia publika, ne’ebe mak uluk iha CAVR halo, audensia publika iha kategoria oioin, Direitu labariik nian, Direitu feto nian, Direitu kona ba autodeterminasaun, konflitu internál, ema hamlaha, ema deslokadu, iha Livru ho títlu oin-oin no alin sira iha ne’e bele lee, bele apreende liu tan”, hatete Hugo ba jornalista sira.

Iha fatin hanesan,Directora Escola Secundária Santa Madalena de Canossa Comoro, Felicidade da Ressurrucão, sente kontente ho lansamentu ida ne’e, tanba ho motivasaun ne’ebe di’ak tebes atu motiva alunus sira ne’ebe la hatene diak kona ba istoria pasadu, sira nia terus rasik mak bele liberta rai timor no ohin loron ita hotu goza liberdade hanesan Timor oan lolos.

Diretora Felicidade mos informa katak, eskola Canosa iha professor sira ne’ebe sufsiente, hodi lori estudan sira, atu hatene liutan istoria Timor, no biblioteka ne’e sei enkoraza estudante sira, atu bele iha vontade diak atu hatene lee buat hotu ne’ebé hakerek ona.

Aktivida estabelesimentu biblioteka Chega ne’ebe halao iha loron 21/02, halo mos lansamentu ba livru Chega, ne’ebe mak realiza iha Salaun Canossiana Has Laran. *[ Emanuel A. de Araújo | Editor: Zevonia Vieira | TAFARA.TL | 22.02.2018]

About Emanuel Andrade

Check Also

Sistema Online Iha Klinika Becora, Fasilita Inan Isin Rua Sira

Saude nudar seitor importante iha ema ida nian moris, ho saúde ne’ebe diak sei salva …

Leave a Reply

Your email address will not be published. Required fields are marked *