Friday , January 18 2019
Home / Sosial & Politika / CNC Ho MEJD Asina Nota Entendementu, Ministra Dulce Husu Asegura Implementasaun Chega!
Ministeriu Edukasaun Juventude e Desportu hamutuk ho Centro Nasional Chega! asina Nota Entendementu. [Foto: Copyright media CNC | 04.12.2018]

CNC Ho MEJD Asina Nota Entendementu, Ministra Dulce Husu Asegura Implementasaun Chega!

Centro Nasional Chega! (CNC) asina nota entendimentu ida ho Ministeriu Edukasaun Joventude no Desportu (MEJD). Ministra Dulce de Jesus Soares husu ba dirijentes MEJD hodi tau prioridade no asegura implementasaun Chega!. Nota entendimentu ne’e sai ba baze kooperasuan servisu Institusional hodi integra Relatoriu Chega! iha kurikulu edukasaun nian.

Ministra Edukausaun Joventude no Desportu, Dulce de Jesus Soares hato’o iha nia intervensuan iha eventu Asina Nota Entendementu ne’e hodi dehan katak ne’e nota intendementu ida hodi implementa Rekomendasaun Chega!, liliu hatama Chega! iha kurikulu edukasaun nian.

Asina nota entendementu ne’e fo biban/kbiit bo’ot ba Ministeriu Edukasuan Joventude no Desportu (MEJD) hodi implementa rekomendasuan Chega!, liu-liu atu integra Chega! iha Kurukulu edukasuan nian, nune’e mos ho kooperasuan ne’e sei bele dezenvolve motodolojia peskiza no aprendizajen ba nivel Ensino Primari, Ensino Secundariu no Superior nian,” Dulce hatete lia hirak ne’e iha Ministeriu Edukasaun, ohin (04/12).

Ministra Dulce mos reafirma katak, “kooperasaun ne’e laos deit asina nota no ida-ida hala’o servisu, maibe kooperasuan ne’e sei halo Centro Chega! servisu besik liu tan ba Ministeriu hodi fasilita no elabora enkuadramentu monitorizasuan no avaliasuan ba implementasuan Rekomendasuan sira Chega! nia iha Edukausan”.

MEJD Dulce rekoinese katak lolos ne’e Ministeriu Edukasuan hahú ona iha tinan 2014 hodi integra Chega iha kurikulu Edukasaun inan. Maibe seidauk lao ho diak, tanba ne’e, liu husi nota entendimentu ne’e, MEJD husu ba iha nia dirijente sira, liu-liu Diretur Nasional sira hodi tau prioridade no asegura implementasaun Rekomendasaun Chega! iha seitor edukasaun nian. Nia husu dirijente sira hodi tau importansia no finaliza integra Chega! iha kurikulu ba Eskola Sekulu 6° no Sekulu 8° nian.

Iha fatin hanesan, Presidente Konsellu Administrasaun Centro Nacional Chega!, Ines Almeida, iha ninia deskursu hatete katak asina nota entendimentu ne’e nudar aktu ida kooperasaun ida hodi materializa Politika VIII Governo Konstitusional nian hodi introdus Relatoriu Chega! no nia Rekomendasaun sira iha materia apreendijazen sira iha eskola.

“Nota de Intendementu ida ne’e, fo biban no kbiit ba Centro Chega! ho Ministeriu Edukasaun Juventude no Desportu hodi koopera no fortalese instituisaun rua ne’e atu implementa Rekomendasaun sira Chega! nian. Liu-liu hodi integra Rekomendasaun sira Chega! nian ne’e iha materia aprendizajen istoria, direitus umanus no mos siensia sosiais sira seluk,” Ines haklean tan.

Ines Almeida mos deklara dehan, “ho nota entendimentu ne’e, Centro Chega! sei fo apoiu maximu ba Ministériu Edukasaun Juventude no Desportu atu elabora enkuadramentu sira ba monitorizasaun o avaliasaun nian ba implementasaun atividade rekomendasaun Chega! iha Ensinu Sekundaria no Ensino Superior sira iha teritóriu RDTL laran.”

Atu asegura kooperasun entre Instituisaun rua ne’e, MEJD ho CNC sei elabora fali nota politika ida hodi nune’e bele hamosu nota agrimentu ida hodi haforsa diak liu tan no regula kooperasuan servisu nian. Halo ida ne’e hodi hadutu katak governasaun bele troka maibe programa integra Chega! iha Edukasaun sei kontinua.

CNC sei kontinua ko’opera ho instituisaun Edukativu sira hodi dezenvolve metodolozia sira peskiza istoriku nian, kontinua halo peskiza no mos oinsa mak loke asesu ba estudante no peskizador sira ba arkivu sira iha CNC.

Nota de Intendementu ida ne’e, sei tulun instituisaun rua ne’e hodi dezenvolve modul ne ébe’ bele guia prosesu aprendizajen nian iha insinu primeira no segunda siklu iha Timor-Leste, nomos kontribui hodi dezenvolve kapasidade pesoal no funsionariu sira nian tuir area respeitivu ida-idak nian.

Nota Entendimentu ne’e asina husi Diretur Ezekutivu Centro Nasional Chega!, Hugo M. Fernandes hamutuk ho Diretur Jeral Planeamentu, Monitorizasaun no Evaluasaun Ministeriu Edukasuan Joventude no Desportu nian, Antoninho Pires no asiste husi Ministra Edukasuan Joventude Desportu, Dulc de Jesus Soares, no Presidente Konsellu Administrasaun Centro Nasional Chega! (CNC), Inés de Almeida. Partisipa iha eventu ne’e dirijentes hosi MEJD no CNC nian. * [ Kontributor – Nelson Miranda | Editor: Ato “Lekinawa’ Costa’ | TAFARA.TL | 04.12.2018]

About Other Source

Check Also

OJE 2019, TMR: PR Sei Desidi Tuir nia Kompetensia, Hau Uluk Mos Veta No Haruka Fila Fali Ba PN

“Prezidente iha tempu para estuda, kuandu nia promulga nia bele halo, mais se imi hare …

Leave a Reply

Your email address will not be published. Required fields are marked *