Wednesday , January 17 2018
Home / Sosial & Politika / CNC Komemora Tinan 12 Relatoriu Chega! Chega Ba Violensia
Banner ba komemorasaun tinan 12 CAVR entrega relatoriu Chega!.[Foto: Zinho MD | TAFARA.TL | 30.10.2017].

CNC Komemora Tinan 12 Relatoriu Chega! Chega Ba Violensia

Centru Nasional Chega! Komemora ainversariu relatoriu Chega! Ba dala 12, ho tema “Chega ba violensia no lansamentu ba Dili sidade istoriku”.

Centru nasional Chega! (CNC), nudar instituisaun ba dala uluk,hodi komemora aniversariu relatoriu Chega! hodi lembra fali karak iha tinan 12 ba kotuk iha tinan 2005, iha istoria ne’ebe bo’ot mosu iha tempu ne’eba no CNC! Iha tempu ida ne’e ba oin, hakarak fo atensaun primeiru ba seitor edukasaun.

Iha diskursu Presidente Konselho Administrasaun Centru Nasional Chega! Ines Almeida hateten tinan 12 liu ba CAVR entrega relatoriu Chega ba Presidente Republika Xanana Gusmão iha tinan 2005. Relatoriu ho pajinas 1205 ho nia rekomendasaun 204.

“Relatoriu nakonu ho sakrifisiu, ran, ruin ne’ebe haklekar iha teritoriu tomak, relatoriu ne’e sai estoriu Timor.  Timor nia riku soin no rekursu nasional”, Dehan Ines iha salaun CNC balide Dili, 30/10.

Ines informa liutan katak, CNC  foti dadus hahu husi Dili hodi preserva memoria ne’ebe importante teb-tebes hodi ita nia zerasaun ohin no aban bainrua labele halu ita nia istoria.

Iha tempu hanesan Secretário de Estado do Conselho de Ministro e da Comunicação Social, Matias Freitas Boavida, iha deskursu hatete katak faktu tinan 12  ba kotuk, Timor oan sira ho apoio hosi Nasoens Unidas, Timor-Leste konsege halibur dadus ne’ebe importante, atu bele rekonsilia ba malu, rona buat hotu ne’ebe akontese iha pasadu.

“Ita tenta atu tau hamutuk, nune’e ita mai ho kultura ida dehan katak, hahu dame oinsa ita hahu kria domin iha ita nia le’et”, hateten Matias Boavida.

Iha fatin hanesan Vice Ministru Edukasaun Jose Neves ba Jornalista TAFARA.TL hateten Komemorasaun ne’e fó hanoin nafatin mai sosiedade tomak, ba governo, instituisoens estadu ninian para refleta iha  nia servisu tomak kona-ba liafuan Chega!.

“Barak liu ita liga ho pasadu, liga ba violensia, oinsá mak hapara violensia iha aspeitu hotu, para atu bele iha kondisaun di’ak para dezenvolvimentu bele la’o. Iha aspeito edukativu, Chega! ne’e la’os mensagen de’it maibé oinsá mak traduz liafuan Chega! iha sistema edukasaun tomak e ministeiru sistema edukasaun fó konsiderasaun ba ida ne’e ona, presiza tan atu bele kapitaliza didi’ak, reforsa didi’ak iha nivel edukasaun hotu”, hateten Jose Neves.

CNC nia serbisu hodi promove rekomendasaun Chega! ne’ebe iha ona, hodi publiku kontinua hatene konaba istoria pasadu iha Timor-Leste. Iha loron komemorasaun refere hetan partisipasaun hosi NGO nasional, membru governu, membru parlamentu no media sira.* [Jesuino Marcal de Jesus | TAFARA.TL | Editor: Zevonia Vieira | 30.10.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Luis: PPN Blokea Ajenda Hosi AMP, Branco: AMP Husu Ajenda Ba Sira nian Interese

“Akontese maka ajenda deit, ba interese grupu ninian, atu hadau poder, entaun ami hare katak …

Leave a Reply

Your email address will not be published. Required fields are marked *