Wednesday , October 24 2018
Home / Eleisaun Parlamentar / CNE Entrega Material Eleisaun Ba TR, Deolindo: TR Foti Desizaun Tuir Lei
Prezidente CNE hamutuk ho komisariu CNE sira prepara material eleisaun nian hodi lori ba TR. [Foto: Zelia Ximenes | 20.05.2018]

CNE Entrega Material Eleisaun Ba TR, Deolindo: TR Foti Desizaun Tuir Lei

“Foti desizaun tuir saida mak Lei estabelese, tuir kalendario eleitoral, entaun ne’e mak tribunal sei haree no foti desizaun. Prazu atu ba reklamasaun ne’e 72 oras no prazu haree ba rekursu ne’e 48 oras, entaun Tribunal sei haree mak rekursu reklamasaun hotu tiha, hafoin Tribunal sei haree ba proklama rezultadu eleisaun”. Deolindo

Comisaun Nasional Eleisaun [CNE] finalize ona aupramentu nasional durante loron tolu nia laran. Iha loron 20/05 CNE sei entrega material sira ba Tribuna Rekursu.

Prezidente CNE, Alcino Barris ba jornalista sira iha sede CNE, hateten depois apuramentu nasional, CNE kunklui material sira ne’e, no tenke hatoo hotu ba iha Tribunal Rekursu [TR] tanba seidauk halo apresiasaun validasaun no komulga sai buat ne’ebe sei prosesu hela. TR bele uza nia kompetensia tomak iha prazu ne’ebe iha hodi apresia no foti desizaun.

“Material ne’ebe ohin mai entrega iha Tribunal Rekursu, ne’e material ne’ebe sensitive, CNE tuir nia kompetensia, prazu ne’ebe atribui ba CNE, konklui ona no sei konklui iha 72 oras. Tuir Lei 72oras, no ,fo 48 oras karik iha reklamasaun ruma”, hateten Alcino, 20/05.

Alcino mos esplika katak TR iha kompetensia rasik, maske husi CNE konklui ho ninia transparansia, konklui ho kontinua abertu ba publiku. Konkorente sira mos iha kompetensia no iha direitu atu kestiona prosedimentu sira ne’ebe, tuir sira katak iha fundamentu ne’e mak sira foti mai iha ne’e, “CNE la bele dikte TR atu halo tuir A ka B, tanba nia proprio kompetensia, sira uza atu lori haree ba prosesu rekursu ne’e rasik ho desizaun final ne’ebe sira foti”.

Iha parte seluk Prezidente Tribunal Rekursu, Deolindo dos Santos hateten, CNE lori ona rezultadu apuramentu provisoriu nasional mai iha Tribunal Rekursu tuir Lei hateten.

“Komesa ohin ba oin Tribunal sei haree, atu oinsa bele foti desizaun tuir saida mak Lei estabelese, tuir kalendario eleitoral, entaun ne’e mak tribunal sei haree no foti desizaun. Prazu atu ba reklamasaun ne’e 72 oras no prazu haree ba rekursu ne’e 48 oras, entaun Tribunal sei haree mak rekursu reklamasaun hotu tiha, hafoin Tribunal sei haree ba proklama rezultadu eleisaun. Ate prazu ba reklamasaun termina iha Partidu FRETILIN mesak mak hatama rekursu”, esplika Deolindo.

Prazu Anunsio ba rezultadu ne’ebe Tribunal fo sai seidauk determina, tanba ne’e prosesu ida, sei notifika interesante sira, Tribunal sei fiksu prazu no Tribunal sei deside iha tempu badak nia laran. * [ Zelia Ximenes | Editor: Zevonia Vieira | TAFARA.TL | 20.05.2018 ]

About Zelia Ximenes

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *