Tuesday , March 26 2019
Home / Sosial & Politika / CNE Hasoru Malu Ho PR Ba Preparasaun EA, Alcino: Kalendario EA PR Mak Sei Desidi
Prezidente CNE, Alcino Barris halo entrevista ho jornalista sira iha palacio prezidensia. [Foto: Zevonia Vieira | 29.01.2018]

CNE Hasoru Malu Ho PR Ba Preparasaun EA, Alcino: Kalendario EA PR Mak Sei Desidi

Comisaun Nasional Eleisaun hasoru malu ho Prezidente da Republika, Dr. Francisco Guterres Lú Olo, hodi hatoo kona ba lalaok no preparasaun CNE nian ba iha eleisaun antesipada.

Hafoin remata enkontru ba jornalista sira, Prezidente CNE, Alcino Barris esplika CNE ho strutura tomak, hodi informa hanoin balun relasiona ho preparasaun ba halo atendimentu eleisaun antesipada, fo hanoin mos kona ba kalendariu markasaun loron ba eleisaun nian, inklui edukasaun sivika ba eleitor sira.

“Ami informa ba PR kona ba atividades ne’ebe ami iha nanis tiha ona. Oras ne’e CNE prepara hela no intensiva hela kona ba oinsa atu halo edukasaun sivika, ba iha teritoriu tomak, fahe informasaun ne’ebe pertinenti kona ba situasaun resenti, no sei hare hamutuk ho STAE no Ministeriu Negosiu Estrangeiru, atu halo edukasuan sivika iha rai liur [Australia, Korea do Soul, Englatere, Irlandia, Portugal], halo resesiamentu ka atualizasaun baze de dadus iha rai liur ne’ebe maluk sira iha liur la konsege atualiza sira nia dadus iha eleisaun 2017”, hateten Alcino.

Alcino Barris mos informa katak, liu hosi enkontru refere, informa mos kona ba parte seguransa nian [PNTL no FFDTL] kona ba lei sira tanba lei mak garante no atu asegura servisu ne’ebe ho diak. Iha tempu badak CNE sei nomeia delegadus tanba tuir Lei CNE tenke hili nia delegadu, hodi halo servisu iha municipiu.

Ba TAFARA.TL liga ho kalendario ba kampanna eleitoral no eleisaun sei hahu bainhira? Alcino responde katak, tuir lei minumu loron 60, ba masimu Prezidente da Republika mak sei desidi, tanba tetu mos ho atividade sira ne’e hotu. Konkretamente Prezidente da Republika mak sei desidi kalendariu tanba ne’e kompetensia hosi Prezidente da Republika.

Liga ho prosidementu no regulamentu ne’ebe partidu politiku sira tenk kumpri hahu hosi apresenta lista kandidatura to iha emblema sira ne’ebe partidu politiku sira halo tuir. Ba TAFARA.TL Alcino esplika katak iha Lei esplika klaru, lei konaba aprezentasaun lista kandidatura.

“Kandidatu sira labele uza emblema rezistensia, labele uza atributu sira seluk. Tuir Lei sira hotu tenke kumpri. Iha esperiensia 2017 tenke halo tuir, tanba Lei mak ezizi antes halo imprimisaun. Ba oin ami sei briefing nafatin partidu politiku sira, bainhira PR estabelese ona kalendariu ba eleisaun prosesu ida ne’e, tanba sira tenke halo prosedimentu legal hanesan oinsa atu halo koligasaun, oinsa sira atu hatama lista kandidatura sira. Ba oin sira tenke hatama kalendario kampanna tanba tenke aprova para CNE halo monitorizasaun”, esplika Alcino Barris, iha palacio prezidensia, 29/01.*[Zevonia Vieira | TAFARA.TL | 29.01.2018]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

Leave a Reply

Your email address will not be published. Required fields are marked *