Thursday , May 23 2019
Home / Sosial & Politika / CNE Sei Hahu Servisu Kona Ba Edukasaun Sivika Ba Eleitor Sira Iha Tempu Badak
Prezidente CNE, Alcino Baris. [Foto: Dokumentu CNE]

CNE Sei Hahu Servisu Kona Ba Edukasaun Sivika Ba Eleitor Sira Iha Tempu Badak

Liga ho deklarasaun hosi Prezidente da Republika, Dr. Francisco Guterres Lú Olo, ne’ebe deklara hodi husu ba povu atu vota fila fali, iha elisaun antesipada.

Liga ho preparasaun elisaun antesipada ne’ebe akontese iha tempu badak nia laran, TAFARA.TL halo konfirmasaun hos Prezidente Comisaun Nasional Elisaun, Alcino de Araujo Baris. Ba TAFARA.TL alcinno esplika katak ohin foin mak demisaun, desolve parlamentu, loron ba elisaun Prezidente da Republika sedauk dekreta, maibe bainhira Prezidente da Republika dekreta, iha tempu ne’e kedas, minimu iha loron 60, para atu bele dehan loron ba elisaun.

“Saida mak CNE bele halo uluk mak kona ba kalendariu operasional STAE no CNE tenke aprova. Partidu politiku sira iha loron 30, sira tenke hatama sira nian lista kandidatura, para iha loron 30 tuir mai sira bele konkore iha kampanna eleitoral. Agora ami tenke reajusta hamutuk ho STAE, kona ba konklui ba ema sira ne’ebe sedauk halo aklizasaun baze de dadus ka resesiamentu tenke konklui iha rai laran no rai liur. Ami mos tenke prepara hodi halo edukasaun sivika iha tempu badak, tuir desizaun hosi plenaria no iha inisiu Fevereiru ami komesa ona halo edukasaun sivika”, hateten Alcino

Liga ho orsamentu ba elisaun antesipada, ba TAFARA.TL Alcino Baris hateten, laiha problema ho orsamentu, tanba ne’e desizaun hosi Prezidente da Republika, ne’e hanesan desizaun estadu, “hau hanoin preokupasaun boot liu mak desizaun ida ne’e, maibe laos kona ba orsamentu . Estadu Timor lalebe hanoin katak orsamentu laiha la halo buat ne’e. Estadu iha osan, se labele estadu tenke halo emprestimo, para halo intendimentu ida ne’e. Elisaun ne’e destinhu pais nian no labele kestiona orsamentu, Estadu labele tanba osan, la halo segimentu ba desizaun ne’ebe mak Prezidente da Republika fo”. *[Zevonia Vieira | TAFARA.TL | 26.01.2018]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *