CNE Sei Servisu Hamutuk Ho KI no Instituisaun Media ba Iha Kobertura EA

Relasiona ho eleisaun antesipada ne’ebe sei realiza iha tempu badak nia laran, media nia knaar importante, atu habelar informasaun ne’ebe lolos no esplika lalaok eleisaun antesipada liu hosi edukasaun sivika. Bainhira Prezidente Comisaun Nasional Eleisaun [CNE], Alcino Barris, hasoru malu ho Prezidente da Republika, iha palacio prezidensia, 29/01, ba jornalista sira Prezidente CNE hateten, iha tempu agora fasil liu atu koopera ho media sira, bainhira CNE komesa hahu ba terenu, no media sira sei akompanna halo kobertura. CNE sei servisu ho Konselho Imprensa atu hametin liutan servisu media nianho CNE.

“Esperiensia iha 2017 ne’e ami lao ho media, ne’e iha eleisaun ida ne’e kooperasaun ne’e ami sei halo ho konselho imprensa no instituisaun media sira, hodi garante kobertura. Se tempu ne’e to’o, ami sei halo debate tan”, hateten Alcino Barris.

Entretantu bainhira TAFARA.TL halo konfirmasaun ho Prezidente Konselho Imprensa [KI], Virgillio Guterres, kona ba servisu hamutuk ho CNE, Prezidente KI hateten, prontu atu servisu ho instituisaun relasiona ho eleisaun nian hanesan CNE no STAE, tanba kobertura media importante atu halo kobre informasaun sira ba publiku, liga o sistema eleisaun antisipada, lalaok kampanna partidu politiku sira no importante liu media sira presiza hatene lei sira ne’ebe liga ho eleisuan nian.

Esperiensia liu hosi eleisaun parlamentar 2017, media sira balun lamenta ho dekretu ne’eb governu fo sai katak, jornalista sira ne’ebe laos mai hosi Radio Televisaun Timor-Leste labele vota livre ka labele vota iha fatin ne’ebe nia halo kobertura ba. Diskriminasaun enre media hosi Televisaun, radio, jornal no online mos akontese iha eleisaun parlamentar tina kotuk liuba.*[Zevonia Vieira | TAFARA.TL | 29.01.2018]

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.