CNRT Desidi ho Unaminidade Sai Nudar Opozisaun iha VII Governu Konstituisional

Konferensia Partidu Congresu Nacional Reconstrução Timor-Leste [CNRT] loron daruak, halo ona desizaun unanimidade hodi aprova desizaun hodi sai nudar opozisaun. Konferensia ne’e partisipa hosi  Quadrus Partidu CNRT.

Liu husi intervista via whatsapp hosi jornalista TAFARA.TL, ho Conselho Dirativa Nasional Municipio Manufahi, ho naran kodigu Ailaran Teodora katak husi delagadus 250 pessoas aprova ona rezolusaun.

“Delegadu sira hotu konsege hetan ona aprovasaun por unaminidade ba iha rezulusaun konaba oposizasaun partidu CNRT nian iha VII Governo Konstituisional tuir artigu 106 no artigu 85 alinea 2 Konstituisaun RDTL,”  dehan Teodora. Liafuan ne’e hato’o ba Jornalista TAFARA.TL, ohin kalan, 05/08.

Delegadu ne’e mos hatutan “desizaun ne’ebe ami foti hanesan komprimisiu ne’ebe durante ami nia kampanna ami sempre hateten karik CNRT mak la hetan 33 kadeira ami sei sai opozisaun no sai opozisaun ne’e diak liu par bele prepara-an diak liu tan ba oin, iha politika lakon ou manan ne’e normal.

Desizaun ne’e tuir saida mak Sekretario Jeral Partidu CNRT, Francisco Kalbuady Lay hateten iha abertura Konferensia iha loron primeiru.

“Agenda ohin lokraik ita atu deskuti ou halo evaluasaun ba rezultadu eleisoens ba 2017 dadauk liu no iha loron segundu ita sei diskuti desizaun partidu ninian sobre desizaun ida ne’ebe mak importante teb-tebes atu hare’e pozisaun partidu nian. No mos kona ba ita nia rai nia no future ba oin partidu ne’e atu deside hanusa no iha loron domingu sei hare linha gerais ba programa tinan 5 oin mai, ne’ebe mak sei orienta husi Presidente Partidu Maun Bo’ot Kay Rala Xanana Gusmão,” esplika Kalbuade iha abertura ba konferensia partidu CNRT.

Iha koferensia ne’e hetan partisipa husi Kay Rala Xanana Gusmão, CDN partidu CNRT, Menbru CPN Orgaun Central Partidu CNRT, kordenador KP, OMP, OJP, kordenador Municipio no estrutura reprezenta municipio ida-idak.* [Jesuino Marcal de Jesus | TAFARA.TL | Editor: Ato “Lekinawa” Costa].

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.