Wednesday , June 19 2019
Home / Eleisaun Parlamentar / CNRT Hatama Ninia Kandidatura, Fretilin Hili Jerasaun Foun
Lider Partidu CNRT no Fretilin hamutuk iha pose IV Legislatura Parlamento Nasional.[Foto: Zinho MD | TAFARA.TL | 05.09.2017].

CNRT Hatama Ninia Kandidatura, Fretilin Hili Jerasaun Foun

Deputadu Fretilin, Fransisco Branco, simu karta hosi Sekretariu Jeral CNRT, Fransisco Kalbuady Lay kona ba kandidatura CNRT nian ba Presidensia Meja Parlamentu Nasional. Fretilin hili ninia jerasaun foun ba tur iha Presidensia Meja.

Jornalista  TAFARA.TL  hetan informasaun kandidatura CNRT nian liu hosi Deputadu Fretilin, Fransisco Branco, kona ba proposta CNRT nian ba Presidensia Meja Parlementu. Hatan ba Jornalista TAFARA.TL, Branco hatete, “iha karta asina hosi Sekretariu Jeral CNRT, Fransisco Kalbuady kona ba kandidatura hosi CNRT nian.”

Ligadu ho Presidensia Meja Parlementu nian hosi Partidu Fretilin, Deputadu Branco esplika, “Kandidatu Fretilin mak Aniceto Guterres tan haree ba agora ne’e ita iha prosesu historiku ida, prosesu historiku atu halo tranzisaun jerasional. Tanba ne’e ami haree katak Presidente da Republika ema antigu ida, Premeiru Ministru mos posivelmente ema antigu ida, nune’e Fretilin hakarak hili jerasaun foun ida hodi fo mensajen ida klaru ba publiku, ba povo tomak katak Partidu Fretilin mos iha politika ida atu halo tranzisaun jerasional ba aban bainrua.

PLP rasik iha ninia hanoin kona ba kandidatura Presidensia Meja Parlementar nian ne’e. Vise-6 PLP, Fidelis Magalaes informa katak, Fretlin sei lao ho ninian kandidatura, no PLP sei eskolla ninian kandidatura.

“PLP sei nomea nia kandidatura rasik ou PLP sei apoia kandidatura hosi partidu seluk. Ami nia preokupasaun ne’e laos katak PLP tenke derigi meza do parlamentu, informasaun ne’ebe durante ne’e espalla ne’e la los”, tenik fidelis.

Tuir prinsipiu PLP katak lakohi fasilita katak partidu ida labele kaer orgaun soberania sira hotu, ida ne’e nudar prinispiu ida ne’ebe PLP komunga.

Tuir orariu eleisaun Presidensia Meja Parlementu sei halao iha tuku 3 lokraik, ohin, iha Parlementu Nasional.* [Zevonia Vieira | TAFARA.TL | 05.09.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *