Saturday , April 20 2019
Home / Sosial & Politika / CNRT La Garante VII Governu Implementa PEDN
Deputadu Bankda CNRT Deonizio Babo dada lia ho Primeiru Ministro Mari Alkatiri hanoin deskansa loraik iha planaria aprezentasaun programa VII Governo.[Foto: Gabinite Primeiru Ministru].

CNRT La Garante VII Governu Implementa PEDN

PEDN sai nudar matadalan ba Dezenvolvimentu Nasional ne’ebe Xanana Gusmão lao ho lider balun hodi lori ba aprezenta no rona husi povu tomak husi Oe-cusse to Tutula hodi hatur prosesu dezenvolvimentu husi 2011 to’o 2030. PEDN mos mak sai baze ba programa VII Governo nian. Maibe Deputadu Husi Bankada CNRT Aderitu Hugo hateten la garante VII Governo ida ne’e atu implementa Programa Planu Estratejiku Dezenvolvimentu Nasional (PEDN) tamba parte CNRT la iha laran.

Hatan Ba perguntas husi jornalista TAFARA.TL konaba VII Governu hatama mos PEDN iha planu ba tinan lima nian, Aderito Hugo hatan katak PEDN nudar obra estadu, durante CNRT nia ukun fornese dokumentu ida atu guia dezenvolvimentu ne’e ba 2030 iha ninia mandatu 10 ne’e klaru.

“PEDN nudar obra estadu, durante CNRT nia ukun fornese dokumentu ida atu guia dezenvolvimentu ne’e ba 2030 iha ninia mandatu 10 anus ne’e klaru. Hanesan ita hotu hatene katak mudansa ne so Governu maquina estadu ne’e lao nafatin obra ne’ebe CNRT kontribui ba estadu ne’e obra ba povu. Tamba ne’e mak ami konsen ho ami nian katak sese mak ba ne’e tenke ho lejitimidade, para ba komprimisiu ne’ebe atu halo ne’e halo ho rigor labele ba para depois la halao. Se ami mak iha laran ami hatene liu atu halao hanusa mais ema seluk mak ba ho tan minoria tan, bele lao kalae? Hau labele kompremetidu ho forsa politika ida que hau la iha laran para atu halo komprimisiu ba povu hamutuk dehan katak tenke halao programa ida ne’e. Se programa ida ne’e la lao se mak kulpadu, hau iha kompremetidu ho governu minoria ne’e ou governu minoria ne’e mak kulpadu. Tamba nia la halao tamba governu ne’e la iha apoio masimu husi parlamentu ne’e questaun regras Konstituisional. Orden Konstituisional ne’ebe ita halao, ita laos la gosta ema ida la gosta partidu ida lae,  ita respeita buat hotu hotu. Respeta ema, respeita partidu, respeita programa tamba ne’e mos regras mak lao mai. Dr. Marí rasik foti kestaun asuntu tolu ne’e, “La gosta programa, lagosta ema, ou la gosta Fretilin” la podia foti perguntas ida ne’e,” dehan Aderito.

Eis Presidente parlamentu III Lgislatura ne’e mos salienta liu tan katak,  lalaok ida lao agora ne’e tuir regras deit, orden konstituisional deit, ita hotu exerse knar ida ne’e deit. Atu fo ba kualker desizaun ne’ebe que estadu halo ne’e kredibel, lejitimu no fo mensajen ba povu katak povu iha konfiansa. Se ita dehan katak hau mai, hau lori hotu tiha programa partidu hotu nian, sira ne’ebe la iha asentu iha parlamentu mos hau kaer hotu tiha, como e possible ema bele fiar. Se ho Governu ida maioria, sim ita fiar katak bele lao, mais Governu ida minoria ne’e Fretelin ho PD deit. Hau bele kompremetidu tau hau nia programa ba sira halao, depois la lao hau nia eleitor ne’e julga se? julga sira ou julga CNRT.

Bainhira Jornalista TAFARA.TL halo konfirmasaun ho Presidente Partidu PD, hanesan mos Ministru Rekursu Minerais, Mariano Assanami Sabino, liga ba preukupasaun husi partidu CNRT konaba la garante VII Governu Implementa PEDN, Mariano hateten Planu Estratejiku Dezenvolvimentu Nasional ne’e baze ba programa ne’ebe ke iha.

“Planu Estratejiku Dezenvolvimentu Nasional ne’e baze ba programa ne’ebe ke iha I ema lubuk ida mai husi partidu demokratiku ne’ebe involve iha governu ida ne’e uluk mos involve iha hakerek Planu Estrajiku Dezenvolvimentu Nasional. Hau hanoin opsaun ne’ebe deputadu sira foti opsaun politika, substansia ba material ne’e Planu Dezenvolvimentu Estrategiku Nasional ne’e planu povu nian.

Eis Ministro Agrkultura ne’e sublinna liu tan katak, “PEDN ne’e revizaun deit, hadia liutan halo klean liu tan, reajusta ba iha Planu Denzenvolvimentu Nasional ne’ebe mak 2002 iha ne’ebe ne’e laos razaun ida. Justru Timor ne’e quandu ho postura governu hanesan ne’e, hodi nune’e para governu ida ne’ebe kaer ukun tenke aselera serbisu halo didiak tamba kontrola ne’e bo’ot. Maibe se ita sente dehan parlamentu mos konfia iha leten ne’eba mos konfia, dala ruma tamba ita dehan konfia hotu ita ba parlamentu pasti pasa ne’e diak ka ladiak mos kaundu intensaun politiku deit mos bele pasa.”* [Jesuino Marcal de Jesus | TAFARA.TL | 23.10.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *