Monday , June 17 2019
Home / Eleisaun Parlamentar / CNRT: Labele Iha Tan Konflitu, Hodi Tulun Dezenvolvimentu Ba Oin
Kampanha Partidu CNRT iha Municipio Dili, Postu Administrativu Dom Aleixo.[Foto: Nelio Morsoa].

CNRT: Labele Iha Tan Konflitu, Hodi Tulun Dezenvolvimentu Ba Oin

Iha 2010 CNRT tau kedas liafuan lavele iha tan konflitu. Liafuan ne’e hato’o husi Prezidente PArtidu CNRT, Key Rala Xanana Gusmão, iha kampanna halibur masa ne’ebe hala’o iha kampu Kulau.

Prezidente Partidu CNRT, Kay Rala Xanana Gusmão, hato’o katak: “hafoin konflitu 2007, CNRT iha 2010 hatete adeus konflitu benvindu dezenvolvimentu. Ida ne’e iha 2010 ita tau kedas labele iha tan konflitu iha rai ida ne’e   para ita bele tulun dadaun dezenvolvimentu ba oin.”

Iha nia kampanna ne’e mos nia hato’o kona ba dezenvolvimetu lokal hirak ne’ebe mak CNRT konsege harii ona, hanesan PNDS no RDP, ne’ebe mak atu hakbesik governu ba povu. Tuir nia , ida ne’e CNRT sei kontinua iha tempu tuir mai wainhira ukun.

CNRT mos laos deit sei haree ba asuntu ida ne’e deit maibe sei kontinua mos kona ba politika promosaun igualdade jeneru ne’ebe uluk iha ona wainhira iha tempu CNTR ukun. CNRT garantia partsipasaun feto sira nian iha area hotu-hotu tuir lei mak hatuur ona. Hanesan haktuir Kandidata Partidu CNRT numeru 9, Carmelita Caetano Moniz,“saida mak hau halo hau kontiua deit, li-liu ba feto sira, hau kontinua deit hau nia knar nu’udar membru Parlamentu Nasional, ba lei sira ne’ebe ke ami atu aprova, lei sira ne’e tenki fo vantajen ba feto, tenki fo oprotunidade ba feto, para bele hola parte mos iha pozisaun politika sira iha pais ida ne’e nia laran, lei ne’e fo oprtunidade ba feto sira mos atu involve an diretamente iha prosesu dezenvolvimentu pais ida ne’e”. Nia hatutan katak, “Politika CNRT nian klaru tebtebes ba feto sira iha area saida deit, edukasaun, justisa, kualker area dezenvolvimentu pais nian, ho hanoin atu promove liu tan politika igualdade de jeneru.

Jornalista TAFARA.TL mos dadalia ho joven husi munisipiu Baucau ne’ebe nu’udar mos estudante Universitariu iha UNITAL, Aldino Mario Freitas, nu’udar foinsa’e ativista ida ne’ebe mak ativu hodi akompana partidu politiku sira nia kompromisiiu ne’ebé halo ba povu hato’o nniia esperansa.

“Hanesan juventude, esperansa katak ita uluk ne’e, hakilar ba nasaun ne’e la iha rekursu humanu, maibe dadauk ne’e, ita iha rekursu humanu ne’ebe mak dadauk ne’e konsentra iha partidu ida idak, tan ne’e mak ita mai akompaña katak sira nia programa ne’e di’ak, ita bele espera katak bele lori dezsenvovlimentu ba ita nia nasaun ida ne’e ho diak, “ haktuir Aldino.

Nia ho nia belun sira mos badinas atu akompana kampana kada partidu sira, Tuir Aldino katak, nu’udar foinsa’e importante tebes atu akompanna partidus Politiku sira nia kompromisiu nune’e iha loron votasaun karik sei la fo deit votus ne’e ho saugati.

Kampaña ida ne’e mos hetan afiliasaun husi militante partidu balu mai CNRT, hanesan militante hosi Partidu Politiku Fretilin, Partidu Demokratiku, PLP, grupu Nazare, Grupu Kadalak Sulimutuk, Grupu Naroman, hodi sai nu’udar militante partidu Politika CNRT. afiliadroes sira ne’e simu pose husi Prezidente do Partidu, Kay rala Xanana Gusmão, liu husi fo hatais farda ka kamizola partidu nian.

Kampaña ne’e nia laran mos, tuir Jornalista Tafara hare katak iha mos partisipasaun labarik sira nian. Maske Partidu liuhusi Komisaun Organizadora fo aviza ba labarik sira atu hadook an husi fatin kampana no atu labele hatais kamizola partidu nian ne’ebe uja hodi halo kampana. Maibe nafatin iha labarik inosente sira ne’ebe partisipa. Tuir observasaun katak ida ne’e akontese tanba, fatin kampanna ne’e mos besik liu ba komunidade nia uma ka fatin hela, liu-liu fatin ne’eba mos dala barak liu labarik sira gosta halimar iha kampu refere.

Kampanne refere halao iha kampu Kulau., Dili 14/07. Atividade ida ne’e, hetan mos observasaun husi observador internasional hanesan UNIaun Europeia.* [Yane Maia | TAFARA.TL | Editor: Ato ‘Lekinawa 14.07.2017].

About Yane Elfrida Maia

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *