Thursday , May 23 2019
Home / Sosial & Politika / CNRT, PLP no KHUNTO Iha Intensaun Rejeita Programa VII Governo Konstituisionál
Primeiru Ministru, Dr. Mari Alkatiri iha Uma Fukun Parlamentu Nasional 16/10. [Foto: Zinho MD | TAFARA.TL | 16.10.2017].

CNRT, PLP no KHUNTO Iha Intensaun Rejeita Programa VII Governo Konstituisionál

VII Governo Konstituisionál hatur pilar importante hat iha programa prioridade, ida mak Dezenvolvimentu Sosiál, Dezenvolvimentu Infraestrutura, Dezenvolvimentu Ekonómiku, Modernizasaun Instituisionál. Maibe deklarasaun inisiu hosi CNRT, PLP, no KHUNTO rejeita kedas proposta governo nian.

Iha loron 16/10, Primeiru Ministru Dr. Mari Alkatiri  no membru governo VII Governo Konstituisionál submete programa governo tinan lima nian ba iha uma fukun Parlamentu Nasionál.

Iha dokumentu programa VII konstituisionál ho objetivu sira  iha pilar hat ne’e,inklui  ida mak Apoiu ba Ema Vulneravel Sira iha Dezenvolvimentu Sosiál,  hadiak liutan sustentabilidade insfraestrutura sira, nudar parte hosi Dezenvolvimentu Infraestrutura, hasa’e Rendimentu Liu Husi Kriasaun ba Empregu, iha Dezenvolvimentu Ekonómiku no Garantia ba Defeza, Seguransa no Estabilidade Nasionál ,no Modernizasaun Instituisionál.

Hafoin VII Governo Konstituisionál aprezenta programa tinan lima nian ba parlamentu nasionál, bankada opozisaun kompostu husi partidu tolu rejeita programa refere.

Iha intervensaun husi Deputada Bandaka CNRT ne’ebé aprezenta husi  Terezinha Viegas  mos rejeita katak programa ida ne’e laiha estrutura ne’ebé di’ak no la realistiku.

“Depois de simu, le no analiza Programa VII Governu Konstituisional nebe hatoo mai Parlamento Nacional atu hetan apresiasaun hosi Deputados sira hotu, ami nota katak programa ida nee la hatudu koerensia estrutural nebe diak. Maior parte husi programa sectoriais hotu la halo aluzaun ba realidade iha rai laran, la hatudu objetivu klaru husi intervensaun sira neebe Governu pretende atu halo no la hatudu eskala proridade husi programa oin-oin nebee apresenta. Abordagem jenerika nebe apresenta iha programa nee´ karece esplikasaun hodi justifica kualker intensaun nebe hatoo,” dehan Terezinha Viegas.

Nia mós hatutan tan programa ida ne’ebe sei difikulta tebes, ate imposibilita deputadus sira atu  elabora instrumentos akompanhamentu, monitorizasaun, fiskalizasaun no avaliasaun programa sira nee iha futuru. Tan neé, ami la hare oinsa Programa VII Governu nee atu rezolve problema sira neebe Povu Timor-Leste enfrenta iha seitor oin-oin.

Iha sorin seluk mos iha intervensaun husi Deputado Bandaka PLP ne’ebé aprezenta husi Fidelis magalhães la aseita ho programa ida ne’e tanba buat hotu prioridade no importante.

“Ami haree katak programa ida ne’e laiha prioridade ida ne’ebé  klaru, iha programa ida ne’e buat hotu importante, prioridade e loke nafatin para atu fó flexibilidade atu aumenta tan programa balun tuir dalan.”

Fidelis mós hateten katak iha programa ne’e laiha dadus ka data ruma ne’ebé bele hatudu, “Pelo gerál husi epresaun motivu, promesas katak kompremetidos ba pontus barak maibé laiha dadus ruma ou baseline data ruma que ami bele uza, atu haree katak se intensaun hanesan ne’e, nia intensaun arankus husi pontus partidu ne’ebé e atu halo saida ba oin e programa ida ne’e geral liu. Se atu atinji objetivu sira karik, oinsá no atu halo saida los?”

Iha parte seluk mós Bankada KHUNTO ne’ebé aprezenta husi Deputadu  Luis Roberto, iha nia intervensaun hateten katak programa governu dahitu ida ne’e laiha sistematiku.

Programa VII governo ho vizaun “Povu ka populasaun Timor-Leste nia kualidade moris aumenta di’ak liu tan, liu husi aumentu as liu tan sira nia kualidade saúde, kualidade edukasaun, aksesu ba enerjia no be mos, kualidade alimentasaun, habitasaun ne’ebé dignu, no ho nune’e populasaun ho sidadaun ida-idak sei moris iha kondisaun, situasaun no ambiente ne’ebé livre, dame, justu, aolidaria, toleransia, no seguru liu tan.”

Programa ne’e elabora bazeia ba komponente tolu; Ida, Konstituisaun husi programa no atividade VI Governu; Rua, PEDN 2011—2030, liliu implementasaun PEDN segunda faze (2016-2020) no ODS; Tolu, Komprimisio eleitoral partidu FRETELIN no PD, nomos fo konsiderasaun as ba preokupasaun husi partidu hirak ne’ebé iha asentu parlamentar hanesan Partidu CNRT, PLP no Partidu KHUNTO;

Tuir observasaun jornalista TAFARA.TL , iha plenaria ne’e hetan partisipasaun masimu husi membru deputadu lejislatura dahat nian no membru governu dahitu nian . Nune’e mos hetan partisipasaun husi sosiedade sivil, militantes partidu nian.* [Maria do Ceu & Jesuino M. de Jesus | TAFARA.TL | Editor: Ato ‘Lekinawa’ Costa | 16.10.2017].

 

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *