Wednesday , April 24 2019
Home / Sosial & Politika / CNRT Realiza 2 Konferensia hodi Foti Fila Fali Xanana ba Presidente Partidu
Taur Matan Ruak hato'o hela nia diskursu iha konferensia CNRT nian.[Foto: Zinho MD | TAFARA.TL].

CNRT Realiza 2 Konferensia hodi Foti Fila Fali Xanana ba Presidente Partidu

“Hau ho Naimori fo ami rua nia apoio tomak ba CNRT, liu liu ba maun Xanana ninia determinasaun nafatin hodi lidera CNRT”. Taur Matan Ruak

Partidu Congresso Nasional de Construção de Timor-Leste (CNRT) realiza fila fali 2a konferensia partidu nian iha Cede Partidu, bairus dos Grilhos Dili Timor-Leste.

Iha Diskursu Sekretariu Geral Partidu CNRT, Francisco Kalbuady Lay esplika katak Konferensia ida ne’e, organiza tamba bazeia ba Lei partidu ninian, i kuandu iha Aliansa maioria Parlamentar, tenke halo konferensia kada partidu ida-idak, tamba ida ne’e hahu konferensia iha ohin.

“Konferensia ida ne’e mos tenke revoga fali rezolasaun ne’ebe mak ita halao tia ona, desidi katak ita nia maun bo’ot hili rezigna an husi partidu maibe ita hotu la konkorda depois maun bo’ot konkorda hela nafatin ho ita iha partidu ne’e, maibe nia la iha pleno poder tamba ne’e ohin iha pontu rua deit, ita halo konferensia ida ne’e, ida ita revoga fila fali poder ne’e ba maun bo’ot hanesan Presidente Partidu para bele halao knar ida ne’e ba oin, I Segundo ita mos revoga katak ita desidi tenke halao duni konferensia ida ne’e para atu legaliza ita nia aliansa ida ne’e”, esplika Kalbuady.

Conselhor Superior Partidu KHUNTO, Jose do Santos ‘Naimori Bukar’ ne’ebe partisipa iha konferensia refere, hateten konferensia ida ne’e nudar parte ida hodi nune’e partidu tolu ne’e bele amizade liutan.

“Konferesia ida ne’e objetivu diak, tamba atu kria amizade ida iha parte tolu (PLP, KHUNTO no CNRT), atu nune’e ita oan sira ne’e tenke kria amizade ida diak, amizade ida laos deit ba partidu, amizade ida hanesan ema sira ne’ebe uluk hamutuk ho ita, hamutuk ita nia maun nain rua, hatudu ita nia foun mos hatudu ita nia laran mos ba sira nain rua atu lidera ita, sei akompanha hela ita, aban bainrua sira nain rua la iha ona, ita nia konprimisiu politiku sira ne’e oinsa bele diak liu. ita sei koalia iha loron ikus maibe agora tenke fo oportunidade ba sira atu hamutuk ho ita, bele fo fini diak ba ita nia futuru”, hateten Nai Mori.

Iha fain hanesan Presidente PLP, Taur Matan Ruak iha nia diskursu katak, hau ho Naimori fo ami rua nia apoio tomak ba CNRT.

“hau nia partidu, hau nia alin Nai Mori ami rua iha ne’e ami fo ami nia apoio tomak ba CNRT. Hau hakarak fo parabens ba CNRT, liu liu ba maun Xanana ninia determinasaun nafatin hodi lidera CNRT I hau hanoin ita hamutuk ita bele fo kontribuisaun diak liu, tanba ita nia nasaun liu-liu halo esforsu ida para taka buat ne’ebe governo agora nia mesak labele halo”, hateten Taur.

Konferensi ne’ebe halao iha loron 5/11 hetan partisipasaun husi estrutura Partidu PLP no KHUNTO no Estrutara partidu CNRT husi Nasional to baze.* [Jesuino Marcal de Jesus | TAFARA.TL | Editor: Zevonia Vieira | 05.11.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *