Tuesday , March 26 2019
Home / Sosial & Politika / Defeza no Seguransa Sei Fo Seguransa ba Povu, Espesial Ba Lider Historiku Sira Iha EA
Ministru Defeza no Seguransa, Agustinho Sequeira “Somotxo” halo entrevista ho jornalista sira iha palacio prezidensia. [Foto: Martinho Moniz | 30.01.2018]

Defeza no Seguransa Sei Fo Seguransa ba Povu, Espesial Ba Lider Historiku Sira Iha EA

Atu hakat ba eleisaun antesipada, defeza no segurasan prontu atu fo seguransa ba povu no liu-liu espesial ba lider historiku sira. Ministru Defeza no Seguransa, Agustinho Sequeira “Somotxo” bainhira halo enkontru regular ho Prezidente da Republika, Dr.Francisco Guterres Lú Olo, ba jornalista sira Somotxo hateten, eleisaun antesipada nia seguransa iha tipu rua, ida jeral ba Timor-Leste tomak, ida espesial para atu garante seguransa ba figuras historikas hanesan Maun Ruak, Maun Xanana, Ramos Horta, ho figuras sira historika sira seluk,” dehan Somotxo.

Somotxo akresenta katak, durante fulan neen situasuan defeza no seguransa kontroladu no apertadu, nune’e laiha buat ida mak akontese. Ministru Defeza no Seguransa sempre iha planu ba defeza no seguransa hodi garante seguransa iha rai laran.

“Iha loron 26/01/2018 Prezidente Republika halo deklarasaun ba eleisaun Antesipada, ema hotu akompanha, ita prevene buat hotu, atu labele akontese maibe agradese ita nia Povu, imi hotu, Jornalista sira kontribui ba informasaun ne’ebe diak, hanesan komparasaun ba 2006 la akontese”, konfesa Somotxo.

Relasiona ho situasaun segurasan ne’ebe lao hakmatek, ba jornalista Somotxo aproveita hodi hatoo agredese ba povu, juventude tomak, “ema hotu hatene katak laiha nesesidade, hodi kria fali funu, tanba impase politiku ne’e ita hotu mak halo. Kuandu ita hahu sala, defisil ita atu rekupera iha dalan klaran, ami katuas jerasaun tuan ninian, ami nunka hahu sala, ne’ebe iha buat rua, ami katuas sira mantein nafatin hanesan ami nia responsabilidade ba rai ida ne’e, hanesan jerasaun foun sira mos assume ninia responsabilidade ba futuramente”.

Hanesan Ministru Somotxo informa ba jornalista sira katak, liu hosi enkontru refere, iha palacio prezidensia, 30/01, Prezidente da Republika hato’o ba povu tomak hakmatek nafatin. Iha tempu badak Prezidente Republika sei fo sai loron lolos ba eleisaun antesipada nian. Nune’e Ministro Defeza no Seguransa, husu ba povu tomak atu fiar governu ida ne’e, tanba sei garante seguransa ba eleisaun antisipada. Preokupa deit ho servisu baibain, lalika hanoin dehan funu atu mosu fali, funu laiha tiha ona.*[Martnho Moniz | Editor: Zevonia Vieira | TAFARA.TL | 30.01.2018].

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

Leave a Reply

Your email address will not be published. Required fields are marked *