Thursday , May 23 2019
Home / Sosial & Politika / Deputada Lita Sarmento: Governo Persija Kria Kondisaun ba Juventude
Vice Presidente Parlamentu Nasional Maria Algelina Sarmento intrevista hela ho Media sira.[Foto: GMN].

Deputada Lita Sarmento: Governo Persija Kria Kondisaun ba Juventude

Governo iha obrigasaun kria kondisaun ba juventude. Formasaun no promosaun desportu persija hetan atensaun. Sekretariu Estadu ba Juventude no Traballu sei fo atensaun ba formasaun no programa kampu de traballu tinan oin.

Semana rua liuba Parlementu Foinsae Nian (PFN) hosi Municipio Liquica, Bobonaro no Regiaun Administrativu Espesial Oekusi Ambeno halo sira nia rezolusaun liga ba asuntu Juventude nebe’e mak identifika hanesan Joven la eskola, joven para eskola, joven kaben sedu no joven dezempregu ne’ebe hatudu liu husi identifikasaun dadus ne’ebe sira iha katak problema ne’ebe temi ona iha leten sai problema ne’ebe real duni liga ba juventude.

Preokupasaun ne’ebe kuaze hanesan foti hosi Deputada PLP, Angelina Sarmento, iha plenaria aprezentasaun programa VII Governu ba dala 2, iha uma fukun parlamentu Nasional, horiseik 17/10. Deputada ne’e hato’o ninia preokupasaun liga hosi situasaun juventude nian.

Iha intervensaun husi Deputada Angelina Sarmento ba VII Governu atu tau atensaun makas ba joven sira hodi sira bele prepara an iha futuru oin mai.

“Joven sira merese ita nia atensaun tamba sira mak futuru nasaun ida ne’e  nian. I governu iha obrigasaun atu kria kondisaun ba sira atu sira labele abandona eskola, presija formasaun professional iha nivel eskolar oin-oin, atribuisaun bolsa estudu ne’ebe inklui politika promosaun desportu ne’ebe inklusivu no ativu,” dehan Angelina.

Angelina mos kestiona konaba mudansa ne’ebe iha naran Sekretaria Juventude no Desporte iha VII Governo ne’ebe hafahe tiha Institituisaun ida ne’e ba rua hodi tau prioridade makas liu ba joven dezempregu.

“Dezenvolvimentu umanu laos iha deit area kompetensia teknikas, ita hakarak joven sira atu sai sentru dezenvolvimentu, promove sira nia talentu, no kria kondisaun ba asosiativismu juvinil no responsabilidade siviku.”

Hatan ba preukupasaun Deputada husi Bankada PLP ne’e, Primeiru Ministru Marí Alkatiri esplika katak, ho razaun numera juventude nian ne’ebe aumente kada tinan mak VII Governo iha intensaun boot hodi hafahe Instituisaun ida ne’e ba rua.

“Tamba ne’e mak Sekretaria Estadu ne’e sai Juventude I Trabalho, desportu ne’e lao nafatin, porque Sekretariu Estadu Desportu Alta Kompeisaun, to agora ita nia selesaun futebol bainhira sira to 18 anus ita sei manan, sira to idade boot liu sira lakon ona tamba sa? Falta de insentivu, falta de politika klaru sobre alta kompetisaun. Juventude fokus ba traballu la signifika sira la kanta ona, la halo desportu ona, tamba ne’e mak desportu kontinua ho objetivu to alta kompetisaun, ne’e razaun mudansa de paradigma,” Esplika Marí.

Iha fatin hanesan Jornalista TAFARA.TL dada lia ho Sekretaria Estadu Juventude no Trabalho (SEJT), Nivio Magalhães hodi husu konaba preukupasaun husi Deputada Angela.

“Hau hanoin wainhira ita koalia konaba formsaun ba juventude sira iha formasaun teknika vokasional no formasaun humana. Iha formsaun humana ne’e mak fo formsaun ba juventude sira atu hatene bele komprende didiak saida mak  sentidu nasional, sentidu patriotism. Ita hare’e ba realidade juventude balun sai autor ba violensia no krimi iha sosiedade, papel SEJT nian mak oinsa atu hakbesik an ba juventude hodi bele muda imajen juventude nian ho fo formasaun humana sira hodi bele sira nia hahalok tuir juventude ida ne’ebe diak,” esklarese Nivio iha uma Fukun Parlamentu Nasional.

SEJT sei fo prioridade planu asaun annual iha tinan 2018 nian mak “prioridade mak oinsa formasaun juventude sira, orienta sira ba kampu de trabalho I oinsa maka bele mos fo apoio mos ba juventude sira dezenvolve sira nia talenta, espresa sira nia talent. Iha parte trabalho ninian oinsa maka buka solusaun ba problema dezempregu no trabalador illegal sira mak existe hela iha ita nia rain.”

Tuir Dadus estatistika forsa trablaho ba 2013 nian hatudu katak tenke tau atensaun ba joven sira tamba faktos populasaun iha Timor-Leste tuir prediksaun sei sae makas teb-tebes. Populasaun jovens sei aumeta to 200 mil iha tinan 2013, iha 258 mil iha tinan 2018, iha tinan 2023 populasaun joventude sei sae to 70 % ka 342 mil.* [Jesuino Marcal de Jesus | TAFARA.TL | Editor: Ato ‘Lekinawa’ Costa | 18.10.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *