Thursday , May 23 2019
Home / Sosial & Politika / Deputadu Sira Durasaun Fulan Neen, Laiha Direitu Ba Pensaun Vitalisia
Secretaria Jeral PN, Matias Ximenes Belo halo konferensia imprensa ho jornalista sira. [Foto: Virginia Pereira | 29.01.2018]

Deputadu Sira Durasaun Fulan Neen, Laiha Direitu Ba Pensaun Vitalisia

Hafoin Prezidente da Republika, Dr. Francisco Guterres Lú Olo, hodi desolve parlamentu tuir KDRT artigu 86, alinea [f], hodi avansa ba eleisaun antesipada maka tuir rejimentu no normas Legais ne’ebe mak funsiona iha Parlamentu Nasional katak deputadu sira ne’ebe mak servisu la to iha fulan 45, sira laiha direitu ba Pensaun Vitalisia [PV]

Tuir Secretaria Geral Parlamentu Nasional, Mateus Ximenes Belo ba Joranlsita sira,iha uma fukun Parlamentu Nasional, 29/01 hatete Pensaun Vitalista la haree ba Legislatura ne’ebe mak troka malu, maibe tuir Rejimentu neíe mak iha katak Titular neíebe deit mak eziste no servisu liu fulan 45 lima mak iha Direitu ba Pensaun Vitalisa

“Konba Pensaun Vitalisa, ita laos koalia konaba Legislatura, iha Lei ne’e hatete katak kualker titular ida ,pensaun vitalisia ne’e tenke didika nia an 45 mezes, portantu nia la haree ba legislature, sira seis meseza ne’e laiha Direitu atu hetan PV”, informa Mateus iha PN 29/01.

Secretaria Jeral n’ee mos hatutan katak maske deputadu 30 ne’ebe mak hetan subtitui husi sira nia partidu, mak servisu lao to iha fulan 45, mos sei la prosesu maibe sira iha direitu ba reintegrasaun.

“Kuandu 6 mezes talves iha deit reintegrasaun, maibe laiha direitu ba iha Pensaun Vitalisa, reintegrasaun ne’e depois de 6 Mezes, se nia didika nia an ona ba iha estadu 6 meses, iha diretu ba reintegrasaun”, hateten Mateus

Iha fatin hanesan, Deputadu bankada KHUNTO, Jose Agustino da Silva, ba jornalista sira hatete, iha sira nia parte la haree liu ba iha Pensaun vitalisa, maibe importante mak iha solusaun ne’ebe mak diak ba imparsialidade ne’ebe mak akontese dadaun

“Hare ba ita nia realidade politika, ida ne’eebe mak iha, ita bele haree katak durasaun tempu ba IV Legislatura ida ne’e la hanesan baibain to tinan lima akontese. Tanto liga ba direitu sira hanesan Vitalis, ami laiha ezizensia ba buat sira ne’e, importante liu maka tenki iha solusaun ida ne’ebe mak justu, hodi rezolve imparsialidede politika iha ita nia rai, haree ba buat ida ne’ebe interese komum ema hotu ninian”, dehan Jose Agustino ba Jornlasita sira 29/01.

Tuir observasaun jornalista TAFARA.TL, deputadu sira halao sira nia knaar iha idak-idak nia bankada hanesan babain.*[Bebiana Soares | Editor: Zevonia Vieira | TAFARA.TL | 29.01.2018]

About Bebiana Soares

Bebiana Soares, Jornalista TAFARA.TL, ativu desde tinan 2015, no mos nudar membru Asosiasaun Alumni Parlamentu Foinsa'e Timor-Leste (APFTL). 🇹🇱

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *