Thursday , May 23 2019
Home / Sosial & Politika / Dezenvolvimentu Media TL Sei Hasoru Dezafiu, Influensia Ba Independensia Editorial Sei Iha
reprezentante hosi media nain, ARKTL, TLPU no AJTL halo aprezentasaun kona ba Papel no dezafiu orgaun KOMSOS atu promove liberdade imprensa. [Foto: Zevonia Vieira | 24.01.2018]

Dezenvolvimentu Media TL Sei Hasoru Dezafiu, Influensia Ba Independensia Editorial Sei Iha

Tuir dadus ne’ebe Konselho Imprensa apresenta katak kontestu dezenvolvimemtu media Timor-Leste, liu hosi progresu ka oportunidade ne’ebe mak iha katak partisipasaun media iha luta libertasuan ass, liberdade imprensa no espresaun asegura iha Konstituisaun RDTL artigu 40 no 41, Lei Komunikasaun Sosial 2014, Konselho Imprensa 2015, Regulamentu internal KI 2017 no kodigu etika jurnalistiak 2017.

Iha Global Index imor-Leste iha ranking 98 iha tinan 2017 katak sae pontu ida hosi index 2016 hosi ranking 99. Iha rejiaun Sudeste Aziatiu Timor-Leste raking ida, hakat liu Indonesia iha ranking 124, Malaysia 144 no Singapore 151, maibe iha Pasifika, Nova Zelandia ranking 13, Australia 19, Samoa 21 no Papua Nova Guinea iha ranking 51

 Hare ba dezafiu ne’ebe media Timor-Leste sei hasoru katak politik nain sira balun la favorese publikasaun hirak ne’ebé fó sai no dala balun limiti asesu jornalista nian ba eventu ruma no mós fó influensa ba independensia editorial. Kuadru legál kona-ba órgaun komunikasaun sosiál ne’ebé seidauk iha, inklui Lei Utilizasaun IT, Radio no Televizaun no Lei kona-ba Órgaun komunikasaun naun lukrativu nian sira. Media imprensa dala barak liu relata deit saida mak estadu halo, tanba seitor ekonomia lidera hosi autor non-estadu ladun forte, nune’e fo opurtunidade barak liu ba promove politika partidu ida kaer ukun ne’e nian. Publisidade sira mos dala barak halo ba intensaun komersiu iha Dili laran, tanba klase mediu ne’ebé iha osan, hela barak liu iha Dili.

Dala barak publikasaun media ladun fó ladun iha espasu ba asuntu espesifiku hanesan ba joven sira, labarik, kona-ba meio ambiente, tasi, asuntu jeneru ka ema ho difisiente. Situasaun ida ne’e kontribui ba halo bo’ot liutan gap ba asesu ba informasaun ba segementu sosiedade seluk. Situasaun ida ne’e dezafia ita hotu no difisil atu promove sosiedade ida ne’ebé inkluzivu. Internet livre, propaganda, notisia falsu (fake news), HOAX no MEDSOS mos sai buras no fó influensa ba pullikasaun media mainstreaming sira. Preciza tau matan mós bens star Jornalista nian, no mata dalan ba protesaun Jornalista nian seidauk iha.

Hosi dezafiu ne’ebe mak media Timor-Leste hasoru, liu hosi dadus refleta mos katak Survey hatudu numeru ema le’e notisia iha jornal imprimi nian sira iha 21% (aumenta hosi 18% iha survey ne’ebé halo iha 2006). Numeru ema uza internet mos aumenta hosi 4% iha 2006, sa’e ba 7% iha 2011. Maski nune’e kustu ba uza internet iha Timor-Leste konsidera nudar kustu ne’ebé inklui nudar karun liu iha mundu.

Liga ho dadus ne’ebe refleta tebes katak tuir dokumentu planu stratejiku ba dezenvolvimentu 2011-2030, rekonnese katak ema liu 70% mak hela iha area rural no sira nia asesu ba informasaun limitadu tebes. Iha area rural hirak ne’e ema sei iha ligasaun forte entre individu, komunidade, ambiente, istoria no tradisaun sira. Survey ida ne’ebé halo iha 2011, hatudu duni katak iha area rural ema barak fiar liu informasaun hosi lider komunitaria (33%), tuir fali mak radio (22%) no televizaun (11%). *[Zevonia Vieira | TAFARA.TL | 24.01.2018]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *