Thursday , November 23 2017
Home / Divertimentu / Anito Matos: Hahu Inisiu DAA2 Governu La fo Apoiu no La Interese
Anito Matos, Muziku Timor-Leste [Foto: Twitter @anitoMATOS]

Anito Matos: Hahu Inisiu DAA2 Governu La fo Apoiu no La Interese

Marvi hamorin ona rai doben ida ne’e liu hosi hosi kompetisaun DAA2, ohin loron povu simu nia no governu Timor-Leste tane nia as. Oinsa hahu hosi inisiu governu Timor-Leste fo apoiu?

Dangdut Akademia Asia 2 ne’ebe foin lalais realiza iha Jakarta Indonesi, iha Canal Indonesiar halo Timor-Leste nia naran famouza tebes, tanba kontestan nain 6 ne’ebe partisipa iha ne’eba. Timor-Leste nia naran sai morin liutan bainhira Maria Vitoria ne’ebe esforsua an to hetan kuartu lugar, hodi dudu ses tiha kontestan husi rai Indonesia, Thailandia, Singapore, Malaysia no Brunei Darusalam.

Bainhira Marvi to iha rai Timor, iha loron 5/1/2017, aero portu sai ondas ema tanba hakarak hatudu sira nian sentementu orgulhu ba Marvi ne’ebe konsege hatudu duni ninian performance ne’ebe diak.

Sai perguntas boot ba ema barak durante Marvi tuir kompetisaun iha Jakarta, apoiu saida mak governu Timor-Leste fo ba Marvi?

Bainhira jornalista TARAFARA.ORG hasoru malu ho Anito Matos, ho naran konyesidu Memi ne’ebe sai komentator hosi Timor-Leste iha DAA2, iha otel Novo Turismo iha loron 8/1, hateten katak hahu servisu ba preparasaun husi pra audisi nia parte hamutuk ho ETO+, no laiha ajuda no interese ho governo Timor-Leste

Hahu fo foun hau servisu hamutuk ho ETO+, ami servisu ho zero la hetan apoio husi parte ruma, liu liu husi governo, no reprezenta nain 6 ne’e la iha liu interese atu ba compete ona, tamba sente la bele atu kompete hare liu ba esperiensia maioria sira kantora pop nian, maibe hau rasik enkoraja nafatin sira hodi ba kompete no hau dehan liafuan ida hanesan nee ba sira, razaun laos dangdut nia cenkokan lae razaun ne’e oportunidade ho nune’e sira nain 6 mos iha esperitu diak hodi ba kompete”. esklarese Anito.

Tuir informasaun ne’ebe esplika hosi Antio Matos katak kompetisaun ne’e rasik lao ho nian prosesu, justo la iha manipulsaun husi ema ida, liu-liu komentator no juri sira rasik tanto ekipa Indosiar.

Anito ne’ebe konhesidu tiha ho naran Memi, ba jornalista TAFARA.ORG mos hakarak reafirma liutan katak, servisu komentator nian durante DAA2, la iha influensia ba juri sira hodi fo valor, tanba prosesu fo valor ne’e bainhira kantora sira remata sira ninina aprezentasaun iha plaku.

Sira direita mente fo kedas valor, sira la hetan influensia husi ami tamba valor ne’e rasik ba antes tena, ami rasik hanesan komentator mos iha juramentu ida katak ami sei netral ba ema hotu se kantor ida kanta sala ami sei hatete nia sala”. Explika Anito

Iha fatin hanesan Secretaria Estadu Juventude no Desportu (SEJD), Leovigildo da Costa Hornai, rekonyese  katak inicia ba atividade ida ne’e rasik la iha duni apoio husi governo Liu liu SEJD.

Altura nee Anito Matos rasik iha enkontru duni ho hau maibe ami labele rezolve buat ida tamba iha momentu ne’eba Anito Matos husu atu ajuda orgentemente hodi apoio ekipa Timor-Leste iha DAA2. Hau rasik dehan labele ho nune’e hau husu atu Anito fo tempu mai hau, no primeiru enkontru ne’e rasik hau hatan duni ba sira katak imi ba lai ba no depois ita hare’e”. esplika Leovigildo iha konferensia imprensa iha Novo Turismu.

Eiz Presidente CNJTL ne’e rasik promote ba artis foinsa’e sira, hodi prepara banda ba sira, hodi bele hasae tan sira nia kapasidade.

“SEJD sei fo banda ba Gerson no nia kolega, fo mos ba Ventura ho nia kolega no special ba Maria Vitoria tamba nia mak Inicia ba buat sira ne’e hotu, banda ne’e rasik apoio ba sira hodi sira  bele ensaio beibeik no bele aumetan liu tan sira nia esperiensia iha vida musika nian rasik”. Tenik Leovigildu.*[Jesuino Marcal de Jesus | TAFARA.ORG | 08.01.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

AMP Ezizi Prezidente Parlamentu Hodi Tau Mosaun Sensura Iha Agenda ho Karakter Urjensia

Aliansa Maioria Parlamentu (AMP) hatama karta ba Presidente Parlamentu hodi konvoka reuniaun lideransa partidu hodi …

Leave a Reply

Your email address will not be published. Required fields are marked *