Tuesday , December 12 2017
Home / Divertimentu / Federasaun Desportu Realiza Festival Desportu Eskolar
[Foto: Sportimpack].

Federasaun Desportu Realiza Festival Desportu Eskolar

Federasaun desportu sira halo festival desportu ho objetivu atu halo selesaun ba jogador sir aka atleta potensia sira ne’ebe mak atu ba joga iha ASEAN University Games, iha nivel internasional.

Diretor Jeral Ministeriu Edukasaun e Kultura, Elsa Coreia iha abertura ba festival desportu akademiku Timor-Leste 2017, hatete katak universidade laos deit fatin atu aprende siensia tuir programa.

Universidade laos deit fatin atu aprende siensia no koñeseimentu tuir ita ida-idak nia programa, ami hakarak estudante universitariu mos hetan oportunidade, atu dezenvolve nia skils no modalidade sira seluk, kompetensia sira seluk, hanesan atividade ba desportu, abilidade ba muzika kultura no arte sira seluk, inklui mos sidadania no servisu social,” dehan Elsa

Elsa hatutan katak, Ministeriu Edukasaun e Kultura uha mehi ba sistema universidade iha Timor-Leste, sistema ida ne’ebe bele sai sistema honestiku, signifika katak haree ba buat hotu-hotu, ne’ebe kontribui ba formasaun husi klosan sira.  Sekarik sistema honestiku duni, bele garante katak graduadu sira sai ema ne’ebe matenek espera iha area ne’ebe tuir estudus no mos ema ne’ebe responsabilidade prontu, atu partisipa iha dezenvolvimentu nasaun no pronto atu fo kontribuisaun ba rai ida ne’e.

Festival desportu ne’ebe realiza iha Ginaziu GMT Dili, 13/11, iha eventu ida ne’e Prezidente FADTL  ba atleta universitariu no instituisaun sira katak, federasaun sira seidauk indentifika atleta potensial sira ne’ebe mak husi ensinu secundaria tama iha nivel universitariu, tanba sira seidauk tuir kompetisaun iha nivel nasional nian

Ita iha atleta potensial barak mai husi ensino secundariu sira tama iha kada universidade maibe ita ladauk indentifika sira entau sira ne’ebe mak iha pontensial ne’ebe boot seidauk kompete iha nivel nasional tanba ne’e ami fiar katak liu husi fesdatil bele halo selesaun ba atlea potensial sira hodi nune’e ita bele prepara sira ho apoiu husi Secretaria Estadu Juventude desportu promosaun Alta Kompetisaun (SEDPAC) ita bele prepara sira ba iha jogu sira iha nivel internasional,” dehan Pres FADTL.

Presidente ne’e mos haktuir katak atleta sira ne’ebe mak selesionadu iha Tinan hirak liu ba konsege kompete iha nivel internasional no hetan prestasaun ne’ebe mak diak.

Prezidente ne’e mos ho esperansa boot katak ba oin sei dezenvolve atleta sira diak liu tan, entermus de jestaun sira atu bele prepara atleta sira, hodi kompete iha rai liur, espera ba tinan oin ho SEDPAC nia apoiu  laos deit ona ho football maibe bele ona ho Volleyball.

Iha fatin hanesan Direketur Jeral SEDPAC Metodio Caetano Moniz ba partisipante sira katak tinan barak ne’ebe liu ona, seidauk tau importansia iha desportu escolar nian, tanba focus liu ho desportu komunitaria ne’ebe mak durante ne’e lao hela

Ita koalia desportu iha tinan lima oin mai ne’e, ita tenki koalia ona prestasaun, ita lalika kolia ona ida dehan pelo menus, nivel Asean liu husi eventu University Games alin sira hatudu daudaun, espera laos ho eventu ne’e deit ho koperasaun husi CDTL, UDTL atleta estudantes bele mos ba tuir iha nivel segames, tinan barak nia laran ami haluha katak fini atleta mak estudante sira, ami hahu ida ne’e, desportu escolar ne’ebe fo ba estudante tuir los fini deportista potensia lolos ne’,e husi estudante maibe ami haluha tiha desportu escolar, ami halai liu ba desportu komunitaria,” deklara Metodio Caetano.

Diretor Metodio mos hateten katak SEDPAC prepara ona planu estrateziku desportu nian, ne’ebe sei halao iha mandatu Tinan lima nia laran, hodi prepara atleta sira nia talentu atu kompete iha nivel nasional no Internasional

Orsamentu ne’ebe utiliza ba eventu ne’e hetan husi SEDPAC ho montante $48,000.00 no mos hetan apoiu material husi Delos no Timor Telecom

Modalidade ne’ebe hala’o iha eventu ne’e mak hanesan Futsal mane, Volleyball feto no mane, basket ball feto no mane, badminton feto no mane, Tenis meza feto no mane, atleta feto no mane, Catur feto no mane.

Universidade no instituisaun ne’ebe partisipa iha eventu hamutuk 10 total jogadores  162 ofisial 9 no treinador 13 kompostu husi, DIT, ETCI, ICR, ICS, ISC, IOB, UNDIL, UNPAZ, UNTL no UNITAL.* [Bebiana Soares | TAFARA.TL | Editor: Zevonia Vieira | 14.11.2017].

About Bebiana Soares

Bebiana Soares, Jornalista TAFARA.TL, ativu desde tinan 2015, no mos nudar membru Asosiasaun Alumni Parlamentu Foinsa'e Timor-Leste (APFTL). 🇹🇱

Check Also

Lú Olo: Hau Sauda Lider 75 Sira hotu Nia Karakter, Folin boot no Esperitu Tuba Rai Metin

“Lider 75 nain rua ne’e Mari Alkatiri no Jose Ramos Horta servisu iha Frente Externa …

Leave a Reply

Your email address will not be published. Required fields are marked *