Tuesday , December 12 2017
Home / Divertimentu / FSKTL Realiza Kompetisaun Nasional Shorinji Kempo ba dala VI
atletas Shorinji Kempo partisipa iha kompetisaun nasional ba dala 4 iha Ginazium Dili.[Foto: Henrique de Jesus | contributor TAFARA.TL | 04.08.2017].

FSKTL Realiza Kompetisaun Nasional Shorinji Kempo ba dala VI

Hanesan atleta feto ida, orgullu partisipa iha kompetisaun atu bele hatudu ba feto maluk Timor katak ita feto labele iha uma deit, maibe ita tenki tuir atividade sira hanesan ne’e 

Federasaun Shorinji Kempo Timor-Leste (FSKTL) halao kompetisaun nasional Shorinji Kempo, ba dala VI iha Ginasium Dili ho ninia tema, “Amor sem Poder é Fraqueza e Poder sem Amor é Bandelidade”.

Tuir komisaun organizador kompetisaun, Rui Cardoso hateten tenki kria kompetisaun sira hanesan ne’e, hodi prepara atleta sira ba fututru.

“kompetiaun ne’e rasik ho ninia objetivu atu  prepara atleta sira, atu nune’e iha futuru atleta sira bele kompete iha kompetisaun nasional no mos bele partisipa iha kompetisaun internasional, atu nune’e bele hamorin Timor-Leste nia naran iha mundo Internaional”, esplika Rui Cardozo.

Entertantu tuir Treinador Shorinji Kempo Brach Maliana, Matias Martins sente kontente tanba federasaun loke ona kompetisaun sira hanesan ne’e, hodi atleta sira bele mai kompete.

“Atleta sira bele kompete iha kompetisaun sira hanesan ne’e, hodi hatudu sira nia kapasidade ne’ebe mak durante ne’e sira hetan husi ami treinador sira. Hau hanesan mos treinador sente orgullu tebes. Hau hanoin ba futuru Sekretariu Estadu joventude no Desportu, bele tau matan ba federasaun Shorinji Kempo, para produs tan atleta desportiva Shorinji Kempo hodi bele kompete iha Nivel Internasional”, Matias nian esperansa.

Iha sorin balun atleta shorinji Kempo Brach Maliana, Maria Regina Tavares mos sente orgullo ho kompetisaun ida ne’e, tanba bele hodi hasae, mentalidade prestasaun nian atu bele kompete ho nasaun seluk.

“Hanesan atleta feto ida, orgullu partisipa iha kompetisaun atu bele hatudu ba feto maluk Timor katak ita feto labele iha uma deit, maibe ita tenki tuir atividade sira hanesan ne’e  no hau hakarak iha futuru oin mai hanesan atleta feto, labele kompete deit iha ne’e maibe ba mos nasaun seluk , hau husu ba Governu liuliu ba secretariu Estadu Joventude no Desportu atu kria fatin ba Shorinji Kempo  tamba problema ne’ebe mak ami hasoru mak Fatin”, dehan Maria Regina.

Abertura kompetisaun Shorinji Kempo ne’ebe halao iha Ginasium, loron 4/08 hetan apoiu finanseiru hosi SEJD, ho orsamentu ho montamte $27,000 no hetan apoiu ekipamentus balun hosi NITL. Total atletas ne’ebe mak paritisipa hamutuk 100, mane 64 no feto 36. Atleta sira ne’e mai hosi municipio Ermera, Dili, Bobonar, Baucau no Lautem.* [Henrique de Jesus | contributor TAFARA.TL | 04.08.2017].

About Henrique Soares de Jesus

Check Also

Tama Ona Tinan 15 Nia Laran, Komunidade Suku Liurai Sedauk Asesu Eletrisidade no Bee Moos

Eletrisidade fator importante iha fatin ida, atu bele apoia ema ida nian atividade, bainhira eletrisidade …

Leave a Reply

Your email address will not be published. Required fields are marked *