Friday , November 24 2017
Home / Divertimentu / Ivanca Kontente Nudar Feto Hetan Segundu Lugar iha Off Road
Manan Nain ba Kompetisaun Off Road hodi selebrasaun ba loron FALINTIL nian.[Foto: Virginia Pereira | TAFARA.TL | 28.08.2027].

Ivanca Kontente Nudar Feto Hetan Segundu Lugar iha Off Road

Kompetisaun Off Road, Ivanca husu ba feto maluk sira, labele tauk atu koko talent ne’ebe iha ,ita feto mos bele ho brani hodi hetan esperesensia.

Ivanca Filiar ho tinan 21 sai segundu lugar iha Off Road, ba jornalista TAFARA.TL konfesan katak maski todan, maibe koko atu bele liu espasu final nian.

“Hau nia konhnesimentu off road ne’e, uluk hau hahu husi Motor cros, depois hau hare off road, hau gosta extream no tantangan depois hau hakarak koko off road ne’e. Hau la iha treinamentu, hau tun langsung deit, hau senti todan oituan no la hanesan kareta baibain, ne’ebe mak ita lori sente diferenti tebes”, dehan Ivanca.

Ivanca Filiar husu ba nia kolega feto sira ne’ebé mak gosta extream, lalika tauk atu koko, tenta esforsu an nafatin no koko atu buka esperiensia foun. Ivanca kontente tanba bele hetan segundu lugar.

Iha fatin seluk Komisaun Organizador, João G. Tilman, dehan eventu ida ne’e konsege realiza, tanba hetan suporta husi Ministeriu do Petroliu e Recursus Minarais, hamutuk ho Timor Gap, no mos hetan tulun husi emprezariu sira seluk.

Eventu refere ho objetivu, hodi hanoin hikas fali loron FALINTIL nian, ne’ebe mak realiza iha 20 de Agustu,  no realiza duni iha 25/08

 “aktividades ida ne’e,ami fahe ba 4, hanesan class espesial mak youtv, tuir mai class 1.600, depois ba class 3000,e class 500 ninian, ho nune actividades selebrasaun ba loron FALINTIL  nian ami konsege halo hotu remata”, dehan João.

Iha fatin seluk partisipante, Abel dos santos kontente ho atividade Off Road ida ne’e, tanba bele fo oportunidade ba feto sira hodi partisipa.

“Atividade ida ne’e fo semangat ba ema para aban-bain rua ne’e labarik, joven sira bele pratika atu halo tuir hanesan ne’e, ida hau orgullu hanesan  olah raga ida ba ami hotu, no nia husu ba kolegas kondutor sira nebe mak hakarak halimar kareta karikm sei bele mai iha arena hanesasn ne’e, labele iha estrada tanba ida ne’e estraga ema nia vida.”, esperansa boot hosi Abel dos Santos.

Iha eventu off road ne’e,  final ne’ebe realiza iha loron Domingo, no hetan partisipante maximu husi komunidade no Bombeiros, Ambulance no hetan seguransa husi maximu husi PNTL sira.* [Virginha Pereira | TAFARA.ORG | Editor: Zevonia Vieira | 28.08.2017].

About Virginia Pereira

Check Also

Ahi Mean Lakan Boot, Han Uma Kain Tolu Iha Perumnas

Akontesementu Uma Ahi han, iha Perumnas Bairo-Pite oras tuku 10:00 kalan, iha loron 08/11. Iha …

Leave a Reply

Your email address will not be published. Required fields are marked *