Thursday , November 23 2017
Home / Divertimentu / Maria Vitoria: Utilizador Media Soasial Sira Labele Defama Malu
Maria Victoria, Marvi [Foto: showbiz.liputan6.com]

Maria Vitoria: Utilizador Media Soasial Sira Labele Defama Malu

Ho Maria nian simplisidade ohin loron nia sai estrela iha nasaun ida ne’e. MarVi husu ba belun sira ne’ebe utiliza facebook atu la defama malu. MarVI hatudu nian matenek ba publiku.

Iha semana ne’e nia laran ema hotu kontenti ho Maria Vitoria nia prezensa iha Dili laran, iha parte seluk mos ema balun halo defamasaun makas ba MarVi nia kolega hirak seluk ne’ebe hamutuk ho nia durante iha DAA2.

Social media ohin loron sai hanesan fatin ba utilizador sira atu hatete sira nia sentimentu ne’ebe sira atu fosai ba publiku hodi hatene, no parte seluk mos ema ne’ebe utiliza la tuir nia dalan hanesan iha parte facebook, ema balun uza hodi halo defamasaun ba nia maluk sira seluk.

Iha konferensia da Imprensa ne’ebe halo husi komisaun organizadora ne’ebe organiza programa MarVi nia atividade, iha Hotel Novo Turismo, loron domingu 08/09/2016, ne’ebe reprezenta husi artista nasional sira tomak, Presidente CNJTL no Secretaria Estadu Juventude no Desportu, iha intervensaun Maria Vitoria nian nia husu ba facebooker sira atu labele trata ou insulta nia maluk sira seluk.

“Ho haraik an hau husu ba facebooker sira atu labele hakerek liafaun sira ne’ebe mak hatun hau nia kolega sira seluk liu husi liafuan ne’ebe mak imi hakerek ona iha imi nia facebook rasik, tamba durante ne’e hau rasik hamutuk ho hau nia kolega Dora no Lola, durante ne’e ami mak suporta malu no ami mak ajuda malu hodi ohin loron hau bele sai to ema ida hanesan ida agora imi hotu kunese ne’e rasik”. Deklara MarVi.

MarVi mos hatutan tan katak rumoris ida Hili malu deit ne’e la los, durante iha seleksaun ami hotu tuir duni seleksaun.

“Juri sira rasik la hili ami arbiru, sira hili duni tuir saida mak realidade no hau husu atu ema hotu rona didiak, labele fiar lalais ema seluk buka tuir lai saida mak ema koalia sai ne’e loos duni ga lae atu nune’e ema dehan ita Timor ne’e Unidade duni”. Tenik MarVi

Iha ID facebook Lola Cancio nian rasik, nia hato’o nian esplikasaun ba publiku katak nia falha iha dangdut  tamba la iha konyesementu ba genre dangdut.

 “Kantora ne’ebe vibrasi diak sei kanta dangdut diak, maibe hau nanis ladun ida vibra”. Explika Lola Cancio ho laran triste iha nia komentario iha dia 19/12/2016.

Iha fatin hanesan Anito Matos ne’ebe sai mos komentator iha DAA2 esplika katak “prosesu halo rekrutamentu ne’e rasik mai husi prosesu naruk ida, hahu husi pra audisi hetan ema por volta de 20 ital pesoas hodi halo pra audisi no hodi hetan 19 no kompete iha final.

“Iha pra audisi ne’e rasik Indosiar nia produser ba DAA2 ne’e rasik mak mai akompanha, tamba ne’e ami la iha hili malu deit altura ida halo seleksaun no iha parte seleksaun ne’e mos sira rasik mak hili hau. la hatama hau nia kanuru tohar ida ba laran”. Esplika Anito.

Anito hatutan katak husi seleksaun nain 19 ne’e rasik, liu mak nain 10 deit, sira  nain 10 ne’e  nian rezultadu lori ba halo seleksaun iha Jakarta.  Iha seleksaun ne’e ema nain 6 deit mak liu tamba iha juri ne’ebe hili iha Jakarta hamutuk ho ekipa boot hanesan team kreatif husi Indosiar rasik no produser husi indosiar nian. No nain 6 rasik nia rezultadu haruka ho dokumentu ofisial ida husi Indosiar rasik”. Hateten Anito.*[Jesuino Marcal de Jesus | TAFARA.ORG | 08.01.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

AMP Ezizi Prezidente Parlamentu Hodi Tau Mosaun Sensura Iha Agenda ho Karakter Urjensia

Aliansa Maioria Parlamentu (AMP) hatama karta ba Presidente Parlamentu hodi konvoka reuniaun lideransa partidu hodi …

Leave a Reply

Your email address will not be published. Required fields are marked *