Thursday , May 23 2019
Home / Sosial & Politika / Dividas Barak Ne’ebe Estadu Tenke Selu ba Kompania
Premeiru Ministru, Dr. Marí Alkatiri halo entrevista ho jornalista sira iha Palacio Prezidente. [foto: Luis Soares | 16.11.2017]

Dividas Barak Ne’ebe Estadu Tenke Selu ba Kompania

Dividas ka obrigasaun estadu nian hodi seluk mak total $53.549.085 pagamento dividas ba Timor Telecom, UNTL, elisaun suku, pagamentu de combustíves e manutenção das centrais Elétricas Hera no Betano.

Hafoin enkontru ho Prezidente Repúblika, Primeru Ministru Dr. Marí Alkatiri hato’o ba Jornalista sira kona-ba osamentu retifikativu ne’ebe komisaun C Parlamentu Nasional (C-PN) ne’ebé la konkorda karakter urjésia.

“Sira la konkorda de’ it urjénsia tanba governu husu urjnésia hodi fó tempu, orsamentu retifikativu debate hotu on,a aprova ka-la aprova hodi nune’e haruka fali programa governu nian ba”. Tenik Dr. Marí.

Primeiru Ministru Marí Alkatiri salienta tan katak, sira lakoi urjénsia ne’e signifika katak kontinua diskute orsamentu retifikativu talves to fulan Dezembro, primeira semana Dezembro no iha loron (15) hafoin tama natal, ida ne’e realidade, sira mak hakarak hanesan ne’e governu akompana de’it vontade sira nian atu lori to ba iha ne’ebé.

Nune’e mós Sustentabilidade salariu ba Ministru foun sira seluk seidauk simu, Primeiru Ministru dehan ba jornalista hau mak sai ezemplu ba Ministru ka Ministra foun sira hodi lao tuir hau.

“Ministru ka Ministra foun sira seluk seidauk simu osa,n hau seidauk simu, enkuatu ministru balun laiha kareta estadu nian no hau la’o nafatin ho kareta Eis Primeiru Ministru nian, hau mak ezemplu hodi sira lao tuir”,dehan Dr. Marí

Iha fatin hanesan Primeiru Ministru hatoo mos kona-ba dividas ba setor privado sira agora ita laiha osan atu selu, ba Setor privadu sira tenki gasta osan rasik, tanba governu anterior entrega prozetu ba sira hodi hala’o tuir sira nia kumpri, ba balun ne’e seidauk komri la iha problema ba balun ne’ebé kompri ona gaveta maluk sira tenki husu.

Nune mós Marí Alkatiri ho konfiansa tomak se hakat ba eleisaun antisipasa FRETILN sei manan maioria.

“Hau fiar se ba eleisaun antisipada Fretilin manan ne’e hau nia konfiksaun manan maioria ho ida ne’e mak opozisaun sira lakoi iha elesaun antisipada”. Dehan Dr. Mari.

Presidente bankada CNRT Deputadu Arão Noe ba TAFARA.TL hateten katak Orsamentu Retifikativu laos urgensia tamba orsamentu refere preve ITEM balun ne’ebe mak laos urgensia hanesan 12 milioens ba eleisaun 2017.

“Orsamentu retifikativu iha meadus de Novembru no la signikfika diskusaun ne’e hotu iha fulan Novembru, ne’e bele to iha Dezembru foin bele hotu, entaun ami dehan katak laos prioridade se urgensia, entaun urgensia lolos deit mak ita sita lalika kahur sasan sira seluk, satan 12 miloens resin hodi halo eleisaun iha 2017. Eleisaun 2017 foin halo iha fulan julho ba, tau tan orsamentu ne’e atu halo iha fulan Dezembru ne’e ka?”, hateten Arão iha uma fukun Parlamentu Nasional.

Tuir dadus ne’ebe TAFARA.TL hetan katak dividas ka obrigasaun estadu nian hodi seluk mak total $53.549.085 pagamento dividas ba Timor Telecom, UNTL, elisaun suku, pagamentu de combustíves e manutenção das centrais Elétricas Hera no Betano no tratamento medikus iha estrangeiros.

Aloka na Ministeriu Saude $6.000.000 hodi selu dividas ba ospital sira ne’ebe Timor oan sira halo tratamentu saude hanesan Singapora, Malasia, Indonesia. Aloka ba Dotasaun Todo Governu hamutuk $5.800.000 hodi selu dividas quick realase iha Alfandega. Aloka ba Dotasaun Todo Governu hamutuk $2.000.000 hodi selu fazeadamente tusan ho Timor Telcom. Aloka ba Ministerio Administrasaun Estatal hamutuk $330.000, hodi selu dividas Elisaun Suku 2016. Aloka ba UNTL hamutuk $1.557.292 hodi selu dividas pendentehosi tinan 2015 ba bens no servisus no capital menor. Aloka ba Ministeriu Dezenvolvimentu e Reform Instituisional hamutuk $37.861.793 hodi selu tusan ba produsaun enerjia eletrika $19.500.000 ba kombustivel (tuir kontratu) ba jeradores Hera no Betano $9.900.000 ba kustus operasional ba sentral eletrika (tuir kontratu) no $8.200.000 ba manutensaun jeradores.

Total orsamentu $36.119.505, hodi halo pagamentu salariu profesores, inklui salariu deseimu terseiro mes, Pensaun dos eis titulares, Minesteriu Negosius E Kooperasaun, Presidensia da Republika, transformador eletrisidade ba capital Dili no Projetu TL Cement.*[Luis Soares & Jesuino Marcal de Jesus | Zevonia Vieira | Editor: Zevonia Vieira | TAFARA.TL | 17.11.2017]

About Luis Soares

Luis Soares, Jornalista TAFARA.TL desde tinan 2015 ate a data.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *