Wednesday , June 19 2019
Home / Sosial & Politika / Dom Basilio: Ita Tur Hakmatek, Husik Politiku sira Halao nia Servisu
O bispo de Baucau, Basílio Nascimento, em entrevista à agência Lusa fala sobre as eleições legislativas de 07 de julho, em Díli, Timor-Leste, 28 de junho de 2012. (ACOMPANHA TEXTO). ANTONIO AMARAL / LUSA

Dom Basilio: Ita Tur Hakmatek, Husik Politiku sira Halao nia Servisu

“Iha momentu ida ne’e tur hakmatek, husik politiku sira diskute polítika, ita lalika hakfodak mai, hakfodak ba e lalika se tilun mai, se tilun ba buat ne’ebé  sei la’o”. Dom Basilio

Situasaun ba aprezentasaun programa VII Governu Konstituisaun tama ona iha loron tolu, to ohin loron diskusaun iha Parlamentu Nasional sedauk hetan konsesus ida ba iha aprezentasaun prograa governu nian.

Bazeia ba intervensaun ne’ebé hato’o husi partidus opozisaun, CNRT, PLP no KHUNTO katak sira rejeita programa ne’e tanba la realistiku, laiha koerensia no la estrutural nune’e labele fasilita sira hodi entende dokumentu ne’e.

Jornalista TAFARA.TL konsege dada lia ho Premeiru Ministru, Dr. Marí Alkatiri, relasiona ho intervensaun ne’ebe hato’o hosi bankada opozisaun. Ba TAFARA.TL Mari hateten katak sira konfundi oituan kona ba programa ho planu.

 “Sira nia leitura halo ba programa, sira konfundi oituan programa ho planu, entaun sira mai ho ejijensia planu ninian hakarak hatama iha programa, mais ha’u esplika hotu ona. Ha’u hanoin sira mós matenek nain, sira komprende bainhira ita esplika,” tenik Mari Alkatiri 16/10.

Iha tempu hanesan Prezidente Bankada PLP, Fidelis Magalhães, hatan ba perguntas hosi TAFARA.TL karik iha programa ruma, ne’ebe PLP hanoin atu hatama ba programa Governo Dahitu tanba iha fleksibilidade?

Fidelis esplika katak programa governu ne’e laos kestaun oinsa halo edit ba programa. Programa governu mai halo apresiasaun, depois bankada desidi iha prosesu ne’e atu apoiu ka lae.

 “Programa governo mai halo apresiasaun pois lori fila, depois mak bankada deside iha prosesu ne’e atu apoiu ka la’e? Ne’ebé  la’os fali, mai ita hotu tau hanoin hamutuk, hakerek hamutuk. Apresiasaun mak deputadu sira halo hela ne’e, ida ne’e mak apresiasaun,” afirma Fidelis iha uma fukun Parlamentu Nasionál.

TAFARA.TL konsege dadalia ho Dom Basilio do Nascimento, iha uma fukun Parlamentu Nasional, 16/10. Dom Basilio hateten katak ohin loron politika lao hanesan ne’e ona, husik lider sira mak hare ida ne’e.

“Ba povu, iha momentu ida ne’e tur hakmatek, husik politiku sira diskute polítika, ita lalika hakfodak mai, hakfodak ba e lalika se tilun mai, se tilun ba buat ne’ebé  sei la’o. Husik polítiku sira hala’o sira nia servisu e buka dalan,” tenik Dom Basilio.* [Maria do Ceu | Editor: Zevonia Vieira | TAFARA.TL | 17.10.2017].

 

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *