Thursday , May 23 2019
Home / Sosial & Politika / Dom Basilio Reprezenta Uma Kreda Asina Akordu ho Primeiru Ministru
Amo Bispo Diosece Baucau, Dom Basilio do Nascimento. [Foto:Timor Hau Nia Doben Blog]

Dom Basilio Reprezenta Uma Kreda Asina Akordu ho Primeiru Ministru

Amo Bispo Diosece Baucau, Dom Basilio do Nacimento, hasoru malu ho Primeiru Ministru, Dr. Marí Alkatiri iha palacio governu, hodi asina akordu entre governu no igreja.

Hafoin hasoru malu ho Primeiru Ministru ba Jornalista sira, 05/01 Dom Basilio do Nacimento hatete ohin mai ne’e tanba estadu Timor ho uma kreda asina akordu ida konkordata, kontiudu akordu ne’e nian konaba kontribuisaun estadu ba servisu uma kreda.

Dom Basilio hatutan katak, akordu refere hahu tiha ona ho VI Governu, tuir akordu ne’e tinan lima dala ida maibe ninian implementasaun kada tinan.

“Tinan ida ne’e kodisaun la hanesan ho tinan sira seluk, tanba ne’e estadu no uma kreda Timor, sei tur hamutuk hodi haree kondisaun balu ne’ebe mak presiza hodi implementa. Estadu, governu, Timorense no uma kreda Timor, tur hamutuk hodi haree oinsa mak implementa akordu ida ne’e iha tinan ida. Akordu ne’e atu implementa depende mos ba kondisaun no situasaun”, esplika Dom Basilio.

Bispo Diosece Baucau mos informa katak, igreza mos hakarak rona husi Primeiru Ministru oinsa mak iha kondisaun ida ne’e, ba implementasaun akordu konkordata nian, ba iha kondisaun ida ne’e atu lao oinsa. Ekipa teknika hosi uma kreda no governu nian sei tur hamutuk hodi haree oinsa no bainhira mak halao. *[Bebiana Soares | Editor: Zevonia Vieira | TAFARA.TL | 05.02.2018]

About Bebiana Soares

Bebiana Soares, Jornalista TAFARA.TL, ativu desde tinan 2015, no mos nudar membru Asosiasaun Alumni Parlamentu Foinsa'e Timor-Leste (APFTL). 🇹🇱

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *