Wednesday , June 19 2019
Home / Sosial & Politika / Domingos: Livre Inkondisional, Tenke Halo Aprenzentasaun Periodiku Iha Postu Polisia.
Membru MUTL Domingos Andrade nebe hetan detein hosi polisia halo intervista ho Jornalista sira iha Tribunal Distritu Dili. [Foto: Ato'Lekinawa'Costa | TAFARA.TL | 24.08.2017].

Domingos: Livre Inkondisional, Tenke Halo Aprenzentasaun Periodiku Iha Postu Polisia.

Hafoin halao prosesu Hearing (Premeira interogatoriu, red) ba loron ikus, Ministeriu Publiku foti konkluzasaun katak arguido 13 ne’ebe detein hetan livre.

Ba TAFARA.TL Defensor, Julio da Silva esplika katak, rezultadu ikus ba kazu hosi estudante universitariu ne’ebe hetan akuzasaun krimi katak hetan livre total bainhira juiza anunsia rezultadu final iha tribunal distritu Dili, iha loron 24/08.

“Medida koasaun ne’ebe aplika ba sira mak, sira halo aprezentasaun periodika iha estasaun polisia ne’ebe mak besik liu sira. Ida ne’e katak medida koasaun sei halo investigasaun klean se mak komete krimi no ohin loron sira fila ba uma ona”, esplika Julio da Silva.

Defensor Julio klarifika kona alegasuan ne’ebe antese hato’o hosi Ministeriu Publiku katak sei aplika Prizaun preventiva, ba TAFARA.TL, Defensor Juli hateten katak prizaun preventiva la adekuadu ba sira, tanba ne’e mak tribunal fo medida ida atu halo aprezentasaun periodika, tanba ida ne’e mak adekuadu ba sira no ohin sira livre total.

Iha parte sorin eiz arguido Domingos Andrade ba TAFARA.TL hato’o nia sentimentu katak apresia ho servisu juiza ne’ebe mak prijidi julgamentu ida ne’e, ba ofisial justisa no apresia boot ba defensor nain tolu ministeriu publiku nian ne’ebe mak defende ona estudante nain 13 ne’ebe detein durante 72 oras.

“Ami fo obrigada ba ajente polisia sira ne’ebe durante ne’e asegura no tulun ami durante loron tolu, kalan tolu iha sela laran. Desizaun ikus hosi tribunal mak ami sei halo aprezentasaun perioduku kada seminal. Ami espera atu desizaun ne’ebe mak at liu hosi ida ne’e atu akontese, maibe ida ne’e la akontese entaun prontu ami agredese ida ne’e, tanba ita nia luta sei naruk”, hateten Domingos Andrade.

Bainhira TAFARA.TL konfirma fali ho Domingos Andradade ne’ebe detein hosi polisia, kona ba rezultadu hetan livre total hosi Ministeriu Publiku?

Domnigos hateten  ida ne’e livre inkondisional tanba tenke halo aprenzentasaun periodiku iha kada postu polisia ne’ebe mak ami hela besik ba.

Liu hosi intervista ho Domingos Andrade ne’ebe mak partisipa iha Movimentu Universitariu Timor-Leste, hodi kontra lelaun prado ba membu parlamentu sira, ba TAFARA.TL hateten katak, MUTL sei kontinua luta nafatin ba interese nasional no luta ba povu nia moris diak, to hetan rezultadu final ne’ebe justu ba povu hosi parlamentu nasional.* [Zevonia Vieira | TAFARA.TL | 24.08.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Kondisaun Eskola Publiku Guelocaer Komesa At, Vice MEJD: Planu Hadia Eskola Sei Tau Iha OJE 2020

“Ami tenke kuru udan been ne’ebe tama ba sala laran depois mak ami kontinua hanorin …

Leave a Reply

Your email address will not be published. Required fields are marked *