Saturday , April 20 2019
Home / Sosial & Politika / Don Bosco Foinsa’e Nia Mestre no Belun, Hametin Liu Tán Ita Nia Komprimisiu Ba Misaun
Sao Joao Bosco Nudar Mestre no belun ba Foinsa'e sira. [Foto: Documentu Salesiano iha Italia]

Don Bosco Foinsa’e Nia Mestre no Belun, Hametin Liu Tán Ita Nia Komprimisiu Ba Misaun

Don Bosco ami nia mestre, ami nia belun, Don Bosco foinsa’e sira iha rai tomak nia belun. Don Bosco hosi lian Italy ho naran Giovanni Melchiorre Bosco, moris iha 16 Agustu 1815, no mate iha 31 Janeiru 1888, ho idade 72. Don Bosco nudar mestre no padre, nia hare kongregasaun spesial hodi servi foinsa’e sira ne’ebe hanaran Salesiano. Naran ne’e foti hosi Santo Franscisco hosi Sales, atu nune’e atu banati tuir hahalok diak hosi fuan. Don Bosco nia moris ho nia espiritu hakarak sai aman, amigo no mestre ba labarik sira ne’ebe nia besik ba. Don Bosco konnesidu ho aman ba foin sa’e, mestre no amigo.

Ohin loron família Salesiano iha mundu tomak, selebra loron Don Bosco nian, hodi fanun nafatin foinsa’e sira, oinsa sai foinsa’e ne’ebe sempre kuda domin, sai intelektual, sai foinsa’e ne’ebe nakonu ho espiritu hodi lori paz ba iha mundu rai klaran.

Iha Timor-Leste ba selebrasaun loron Don Bosco nian ho tema “Hametin liu tán ita nia komprimisiu ba misaun”.Iha igreja Maria Auxiliadora, Comoro Dili, alumni Don Bosco sira , halo misa solene hamutuk ho susesór Don Bosco nian, Don Ángel Fernández Artime, husi Roma.

Iha homilia Don Ángel Fernández Artime, hato’o saudasoens ba Timor oan hotu ne’ebé mak selebra loron Don Bosco nian.

“Ha’u senti di’ak liu, wainhira ha’u hamrik iha ne’e, imi nia oin besik liu imi. Dala ida tan hakarak atu hato’o ha’u nia saudasoens ba imi hotu, iha ne’e i ba sira hotu ne’ebé mak labele mai, maibé akompaña liu husi media, liu husi televizaun. Liu husi misa ida ne’e, ha’u hato’o ha’u nia saudasoens ba autoridade sivil sira, ne’ebé iha misaun importante iha nasaun ida ne’e. Importante atu ita mai halibur hamutuk iha ne’e, naroman oi-oin atu agradese no hahii Nai Maromak, ita nia aman, ita nia mestre Don Bosco no sira seluk”, tenik Don Ángel Fernández Artime iha nia homilia 31/01

Nia mós hatutan familia salesiano iha mós obrigasaun atu servi joven no komunidade sira, basa Don Bosco haksolok liu wainhira haree ida ne’e.

Iha sorin seluk Pe. Domingos Santos, SDB mós hato’o nia esperansa ba kongresaun Saleziano atu halibur liu tán foinsa’e sira no forma foinsa’e sira liu husi edukasaun.

“Esperansa mak hanesan ohin iha homilia katak buka nafatin ksolok ne’ebé lolos, katak ba sira nia moris ne’e tenki felisidades ida ne’e mak esperansa boot kongregasaun nian ba foinsa’e sira.Atividade ne’ebé iha parte edukasaun nian, husi edukasaun nian mak saleziano sira forma foinsa’e sira atu hetan felicidade ne’ebé lolos. Edukasaun ne’e la’os buat ida de’it, buat barak. Liu husi edukasaun mak bele forma foinsa’e sira hodi hetan felicidade ida lolos “, dehan Pe. Domingos ba jornalista TAFARA.TL.

Hafoin misa, jornalista sira hakbesik ba antigu alunu, Elfrino Elias Tiva hodi husu nia sentimentu ba prezensa ho Don Ángel Fernández Artime, nune’e nia ko’alia ho haksolok tebes tamba bele partisipa iha selebrasaun ida ne’e. “ha’u haksolok teb-tebes, nu’udar antigu alunu ida ha’u senti kontenti teb-tebe tamba bele partisipa ohin loron ida ne’e, hetan partisipasaun Reitor Mor ne’ebé mai partisipa rasik, iha tinan ida ne’e, loron Don Bosco nian”.

Don Bosco Sempre ezemplu ba foinsa’e sira hosi família salesiano, ne’ebe sempre hanorin oinsa foinsa’e sira iha nafatin espiritu, atu halo diak iha nia moris, atu sai ezemplu ba foinsa’e sira seluk, oinsa foinsa’e sira sai mestre ba foinsa’e sira seluk.

Foinsa’e sira sempre hananu hodi hateten, Sao Joao Bosco, amlulik doben, ami mestre, ami aman. Ba ita boot ami hananu, nudar oan be hadomi. Tanba ita hatudu maia mi, dalan roman ba Maromak, ami moris sei nabilan ho Maromak nia graca. Don Bosco mai fali iha ami leet, hatudu maia mi Jesus nian oin.

Iha misa solene ne’e hetan partisipasaun husi ema importante nasaun Timor-Leste nian, Prezidente Repúblika , Francisco Gutteres Lú Olo ho nia espoza, Major Jerál, Lere Anan Timur, Prezidente Parlamentu, Aniceto Gutteres, eis Prezidente da Repúblika, Taur Matan Ruak ho nia espoza no entidades governo sira. Hetan mós partisipasaun husi relijiosos, familia saleziano, estudantes no komunidade kristaun sira.

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *