Sunday , September 23 2018
Home / Sosial & Politika / Dosente Camilio Husu VIII Governu Konstitusional fo Perioridade ba Edukasaun
Dosente Camilo halao hela intrevista ho Jornalista Estaziadu Tafara.tl iha nia fatin edifisiu.[Foto: Fransisco Almeida].

Dosente Camilio Husu VIII Governu Konstitusional fo Perioridade ba Edukasaun

“Implementasaun planu polítiku sai prioridade ba nasaun ida nune’e bele alkansa objetivu hirak ne’ebé mak bele fo benefisiu ba povu nia moris diak. Setor edukasaun xave importante atu hasa’e kualidade ne’ebé mak diak iha nasaun ida ne’e.”

Deklarasaun ne’e hato’o husi observador politiku, Camilio X. Almeida iha nia knar fatin, Fakuldade Siensias Sosiais, UNTL, Caicoli, Dili.

Camilo iha esparansa bo’ot ba Koligasaun Aliansa ba Mudansa no Progresu [AMP] tanba povu fo ona fiar atu lidera rai ida ne’e, nia la iha duvida  ba VIII Governu Konstitusional ne’bé foin halo servisu iha semana ida, husik sira servisu hafoin mak fo valor.

Nu’udar dosente Camilo salienta, setor hotu-hotu iha Timor- Leste importante hotu, maibé presiza fo prioridade ba setor edukasaun. Timor-Leste ukun-an tiha ona tinan 16 maibé edukasaun marsa iha fatin deit tanba orsamnetu ba edukasaun minimu liu.

Tuir Camilo Ximenes, orsamentu ba setor edukasaun bele bo’ot maibé koloka ema la tuir area  ne’e defisil, tanba ema hotu mai ho kores bele hamosu konflitu interese, difisil atu garantia kualidade edukasaun. Camilo hatutan, atu garante kualidade edukasaun iha Timor-Leste mak diak, presija iha biblioteka nasional ida ne’ebé mak diak, iha livru, iha internet atu nune’e bele eleva kapasidade estudantes no dosentes sira nian.

Entrentantu iha sorin seluk estudante UNTL, Zelia Gouveia Leite akresenta, “husu ba governante VIII governu konstitusional atu tur hamutuk, kria kondisaun no situasaun mak diak hodi fo oportunidade ba ema hotu kontribui ba dezemvolvimentu mak sustentavel.”

Estudante ne’e husu ba oitavu governu fo atensaun maximu ba edukasaun, tanba edukasaun deit mak bele muda buat hotu, maibé ukun na’in sira presija fo liman ba malu nune’e povu bele moris iha situasaun ne’ebé seguru no dignu.

Iha fatin hanesan, Estudante Komunikasaun Sosial, Domingos Soares husu ba oitavu guvernu konstitusional atu realiza saida mak sira promete ona ba povu iha tempu kampaña.  Estundate ne’e husu ba Governu atu tau atensaun maka’as ba seitor edukasaun, agrikultur no saude,  nune’e bele hadia povu nia moris, no povu bele sente dezemvolvimentu iha Timor-Leste.* [Fransisco Almeida | Estajiariu Dep.CS.UNITAL | TAFARA.TL | Editor: Martinho Moniz | 29.06.2018].

About Other Source

Check Also

Lú Olo: Estadu Tenke Halo Knaar Importante Ba Ekonomia, Presiza garante Bens no servisu Publikus

“Estadu tenke haree oinsa mak bele asegura finansiamentu ba despeza públika liu hosi reseitas hosi …

Leave a Reply

Your email address will not be published. Required fields are marked *