Thursday , May 23 2019
Home / Eleisaun Parlamentar / DTN Husu Ba Militante ParPol sira Kumpri Regras Tranzitu Iha Kampanna
Direitor Transitu Nasional, Antonio Jose Soares halo entrevista ho jornalista sira iha CNE. [Foto: Virginia Pereira | 06.04.2018]

DTN Husu Ba Militante ParPol sira Kumpri Regras Tranzitu Iha Kampanna

“Akontese iha eleisaun tinan kotuk, iha periudu kampana fulan Junu, polisia halo aprensaun ba iha militante balu lakohi kumpri regra trafiku, polisia aplika nota infresaun,militante no simpatizante sira ne’ebe hetan multa tanba la kumpri lei transitu, parte servisu transitu nian akumula osan $52 mill, iha fulan Jullu 300 mill ba ema sira ne’ebe tenke selu multa”. Antonio Soares

Comisaun Nasional Eleisaun [CNE] ho Polisia Nasional Timor-Leste, halao enkontru hodi hare asumtu transitu nian iha kampanna eleitoral. Hafoin remata enkontru, Direitor Transitu Nasional, Antonio Jose Soares ba jornalista sira iha CNE, 5/03 hateten servisu polisia nian ba kampana eleitoral, liu-liu hare konaba preokupasaun militante no simpatizante partidu sira ne’ebe sei partisipa iha kampanna.

“Sira uza estrada publik ne’e hanesan iha tempu uluk, dala ruma la kumpri diak regras de tranzitu, Lei kodigu estrada, tamba ne’e mak ohin ami, hatoo ba lider partidu politiku sira, atu bele hatutan ba iha sira nia militantes, para atu bele respeita kodigu estrada, regras transitu sinais, transitu marka dalan, ne’ebe que koloka ona iha estrada publiku. Labele uja knaal pot resin, tamba dala ruma perturba lideransa politik sira, atu hatoo sira nia programa. Ami fo hanoin ba lider partidu politiku sira, atu hatutan ba sira nia militante sira, para atu bele kumpri regras trafiku no kumpri mos kodigu estrada”, hateten Antonio Soares

Direitor Transitu mos afirma katak, polisia iha medida rua atu halo asaun preventva no represiva. Medida rua ne’e mak bainhira sira halo violasaun no la kumpri, sei halo medida represiva aplikasaun, “balu la kumpri, ami aplika nota konstrusaun ba sira selu iha banku, ba se deit sirkula estrada publik tenke iha karta kondusaun, tenke iha dokumentus, tenke uja sapa matrikula oin kotuk, ne’e hatete klaru iha Lei kodigu estrada.

Antonio Soares fo hanoin fila fali problema ne’ebe akontese iha eleisaun tinan kotuk, iha periudu kampana fulan Junu, polisia halo aprensaun ba iha militante balu lakohi kumpri regra trafiku, polisia aplika nota infresaun,militante no simpatizante sira ne’ebe hetan multa tanba la kumpri lei transitu, parte servisu transitu nian akumula osan $52 mill, iha fulan Jullu 300 mill ba ema sira ne’ebe tenke selu multa. * [ Virginia Pereira | Editor: Zevonia Vieira | TAFARA.TL | 06.04.2018]

About Virginia Pereira

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *