Wednesday , June 19 2019
Home / Eleisaun Parlamentar / Dulce: Kualidade Edukasaun Iha TL Presija Hadia Diak Liutan
Presidente Organizasaun Feto Partido CNRT Dulce de Jesus Soares.[Foto: Timor Agora].

Dulce: Kualidade Edukasaun Iha TL Presija Hadia Diak Liutan

Partido Conselho Nacional de Reconstrução Timorense (CNRT), liu kampanna politika hateten, partido barak mak halo promesas, CNRT laos halo promesa, maibe halo komprimisio ba povu sira.

Prezidente CNRT, Kay Rala Xanana Gusmão, iha nian intervensaun politika esplika katak, CNRT halo komprimisio ba tinan lima, katak nafatin hare instituisoens estadu nian, atu servisu no hodi servi rai ida ne´e, hodi hadia diak liutan.

“Ita iha ona edukasaun, saude hatutan no hadiak diak liu tan iha sosial, halo obras, ne´ebe mak merese Timor atu halo.  Osan fundu petrolium nian ne´e osan povu nian, ita lalika ba gava a´an dehan Timor-Leste iha osan barak, maibe povu la hetan benefisio. Povu tenki uza, mais uza ho didiak”, dehan Xanana iha Gor Maliana loron 27/06/17.

Eis Premeiru Ministru salienta liutan katak, governu mai hakbesik a´an ho povu no sei harií amsembleia munisipal hanesan Parlamentu iha munisipu,  no Parlamentu Nasional sei foka ba lei, hare ba relasaun entre Timor ho nasaun seluk no asembleia munisipal atu diskuti kona ba problemas iha munisipiu nian.

Iha tempu hanesan Presidente Organizasaun Feto Partido CNRT Dulce de Jesus Soares, hato’o deskursu politiku katak, edukasuan iha mundu rekonyese Timor-Leste too ona 96%, presija hadia liutan hodi hasae kulidade, liu husi loke tan pre eskolar ba labarik sira, hahu husi tinan 3-5 iha fatin hotu.

Atual Vice Ministru Edukasaun ne’e mos realsa katak, kualidade edukasaun ne’e importante hodi hasae, liu hosi kapasitasaun ba professor sira.

“Hodi hasae kualidade ensinu baziku, liu husi hasae kualidade  professor sira nian, no halo kurikulum ne´ebe mak hetan konnesementu iha mundo internasional, uza lian inan hanesan mos dalen ida atu halo labarik sira komprende saida mak sira aprende, atu ita nia oan hatene ita nia lian ofisial ne’ebe mak konsagra ona iha konstitiusional hakerek ona, iha dokumentu deste ita nia luta nain sira komesa ona edukasaun iha tinan 1975”, Dehan Dulce de Jesus Soares

Liu hosi kampanha politika ne’ebe halao iha Municipio Bobonaru, CNRT explica ba militantes no simpatizantes kona ba prioridade importante tuir CNRT nian politika mak hanesan kria Unidade Nasional, Estabilidade Nasional no Dezenvolvimentu Nasional.

Tuir observasaun hosi jornalista TAFARA.TLhatudu katak kampanha politika lao hakmatek, no hetan partisipasaun hosi observador hanesan CNE, PDHJ no hetan segurança hosi PNTL.* [Henrique de Jesus | Contributor TAFARA.TL | Editor: Zevonia Vieira | 28|06|2017].

About Henrique Soares de Jesus

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *