Saturday , May 26 2018
Home / Divertimentu / Ekipa Futebol SLB halakon Ekipa DIT FC ho Score 2-1
Ekipa nain rua iha kampo laran Xanana Sport Center. [Foto: Virginia Pereira | TAFARA.TL |23.03.2018].

Ekipa Futebol SLB halakon Ekipa DIT FC ho Score 2-1

Klubu futebol SLB Laulara halakon klubu futebol DIT ho escore 2-1 iha kompetisaun liga amadora, Quinta-feira, 22/03/2018 iha Kampo Demokrasia, Dili, Timor-Leste.

Iha  primeiru jogu atleta klubu futebol D.I.T FC, Ricardo Mendes, hatama golu ida ba guarda rede SLB iha minutu neen depois hahu jogu hodi produz rejultadu 1-0. Durante jogu etapa dahuluk, laiha tan golu seluk alem de golu husi atleta DIT FC, Ricardo Mendes. Iha segundu jogu, minutu 49 atleta Nidio Alves husi klubu futebol SLB hatama golu ida ba guarda rede DIT FC  hodi muda score ba 1-1, no iha minutu 71 atleta SLB, Joao Freitas hatama golu ida ba guarda rede DIT FC hodi muda score ba 2-1. Jogu durante minutu 90, laiha tan markasaun rejultadu ka golu entre klubu futebol rua ne’e no ikus mai finaliza jogu refere ho score 2-1.

Treinador SLB Laulara, Kim Sin Han, ba jornalista sira hateten loron ida ne’e susar ba sira, nia problema mak sira nia team la iha kampu no treinu ladun maximu. Treinador ne’e haktuir katak, sira uja kampu ninin hodi halo treinu, sira senti ladiak tamba loron manas demais, maibe treinador ne’e rekoñese katak ohin loron nia klubu iha parte balun joga ho diak.

“Ohin loron maske menang, maibe team seidauk Joga ho diak, ba oin ami mos hakarak menang nafatin maibe ami sei falta buat barak, hanesan fatin atu uja ba treinu iha kampu”, salienta treinador Kim Sin Han, ba Jornalista sira hafoin jogu refere.

Iha sorin seluk, treinador Klubu Futebo DIT, Manuel da Costa Soares esklarese, iha primeira parte sira nia jogu lao tuir saida mak sira hakarak, maibe SLB mos halo nia kontra ataka ne’ebe diak, depois de Jogador avansadu husi DIT FC monu, team refere mos monu. Treinador ne’e haktuir katak, DIT FC nafatin fo kontribuisaun, forsa atu halo jogu ho diak forte, nia hare katak sira iha peluang barak ne’ebe iha ke bele halo rezultadu diak maibe falla nafatin.

Entretantu treinador ne’e konsidera rezultadu refere hanesan esperensia diak ba sira hodi hadia, halo diak iha jogu tuir mai. Nia esplika katak, ekipa husi DIT FC falla iha taktika no teknika atu produz rezultadu.

“Premeiru ami nia finishing mak la dun diak depois ami nia meiu kampo ladun fitting, ladun brani atu fitting ho jogador, ne’e mak ami nia problema, ami presija hadia finishing ho ami nia meiu kmpo,” dehan Manuel da Costa Soares.

Treinador ne’e akresenta ne’e importante ba ami depois iha kotuk ami presija hadia dixiplina oinsa atu taka, oinsa atu halo kobertura ba adversariu ne’ebe tama mai, buat tolu ne’e mak ami presija hadia, ami nafatin iha jogu hotu-hotu. Ami koko preimeiru pontu ida ou pontu tolu, ami nia objektivu hakarak hetan, tamba ami lakoi tun husi primeira divisaun tamba ne’e mak ami nafatin esforsu hodi koko hadia diak liu tan, tenik treinador DIT FC.

To’o jogu ne’e remata, Jogadores nain rua husi ekipa SLB, Efrem Mariano (9), Georgino da Silva (21), komete infrasaun jogu nian hodi hetan kartaun kinur husi arbitrajem, no problema mak hanesan enfrenta mos husi Jogador nain lima husi  DIT FC,  Ines Putra (21), Osvaldo Freitas (99), Orseliu da Silva (3), Jovanio Braz (8) no Celsu Rebelo (23).

Jogu ne’e la’o ho diak, hetan partisipasaun masimu husi partes pertinentes sira no apoia seguransa maximu husi PNTL.* [Virgina Perreira | TAFARA.TL | Editor: Martinho Moniz | 23.03.2018].

About Virginia Pereira

Check Also

Grupu Rebenta Kria Prezepiu Moris no Rai Belem Iha Dili

Sai ona kultura moris nudar Kristaun, hodi selebra loron natal katak hodi hanoin hikas loron …

Leave a Reply

Your email address will not be published. Required fields are marked *