Thursday , November 23 2017
Home / Ekonomia & Bisnis / Banku Mundial: Kresimentu Asia Oriental no Pasifiku Persistente
Axel Van Trotsenburg, Vice-Presidente Banku Mundial ba Asia Oriental no Pasifiku. [Foto: www.asianjournal.com]

Banku Mundial: Kresimentu Asia Oriental no Pasifiku Persistente

Asia Oriental nafatin hanesan makina kresimentu prinsipal ekonomia mundial. Quaze 2/5 housi kresimentu ekonomia global mai housi rejiaun ne’e.

Tuir relatoriu atual Banku Mundial, komprensivamente rejiaun ida ne’e espera bele atinji kresimentu 6.5% iha tinan 2015, menus oit-oan housi 6.8% iha tinan kotuk.

“Kresimentu paizes dezenvolvimentu iha Asia Oriental no Pasifiku estimadu solidu nafatin, maibe hare ba tendensia abrandamentu [perlambatan], ba hirak nebe mak iha poder politika espera bele fokus nafatin ba reformasaun estrutural mak bazeia ba dezenvolvimentu sustentanvel, ho durasaun tempu naruk no inkluzivu. Reformasaun mak presiza halo inklui hadiak politika finanseira, trabalhadores no merkadu ba produtu, hanesan mos iha aspetu transparansia no akuntabilidade. Politika hirak ne’e sei hametin konfiansa housi investor no merkadu, no azuda mantein kresimentu mak bele asselera prosesu luta kombate kiak,” hateten Axel Van Trotsenburg, Vice-Presidente Banku Mundial ba Asia Oriental no Pasifiku.

Relatoriu East Asia Pacific Economic Update mak foin lalais lansa foka ba dezafius situasaun global mak rejiaun sira hasoru. Rekuperasaun ekonomika paizez dezenvolvidu lao hela ho fazeadamente, iha expansaun ba komersiu global maibe ho velosidade mak baixa desde tinan 2009, no tendensia abrandamentu abranje luan liu-tan iha paizes dezenvolvimentu, partikularmente paizes hirak nebe produs komoditi tanba presu komoditi mak tun los.

Dezempenho ekonomiku iha rejiaun Asia Oriental varia. Ekonomia Tiongkok espera bele atinji kresimentu 7% iha tina ida ne’e no neneik sei tun ba bebeik, tanba ekonomia Tiongkok oras ne’e dadaun orienta liu ba konsumu domestiku no setor servisus, nebe iha disponibilidade hodi hatun kresimentu ho fazeadamente.

Paizes dezenvolvimentu sira seluk iha rejiaun Asia Oriental estimadu atinji kresimentu 4.6% iha tinan 2015, hanesan ho tinan kotuk. Produtores komoditi hanesan Indonesia, Malaysia no Mongolia sei infrenta kresimentu mak neneik liu no rendimentu ba estadu mak menus teb-tebes iha tinan ida ne’e, konsekuensia housi presu komoditas global nebe tun. Enkuantu paizes importadores komoditas sira sei estavel – mesmu kresendu. Vietnam, por ezemplu, espera bele atinji kresimentu 6.2 % iha tinan 2015 no 6.3% iha tinan 2016.

Maibe, kresimentu sei tun iha paizes kiik-oan sira seluk. Iha Kamboja, kolheta agrikutura nebe menus lori impaktu negativu ba ekonomia, mesmu kresimentu nafatin as ho 6.9% iha tinan ida ne’e. Iha Myanmar, inundasaun mak akontese iha fulan Julho sei halo fraku kresimentu ba 6.5%, housi 8.5% iha tinan 2014. Ba paizes hirak nebe iha ilha pasifiku, kresimentu estavel nafatin.

“Kresimentu iha paizes dezenvolvimentu, iha Asia Oriental enfraquese [melemah] tanba Tiongkok esforsu-an hela atu hetan balansu no disponivel normaliza politika taxa de jurus [suku bunga] Estadu Unidus ninian,” hateten Sudhir Shetty, Ekonomista Prinsipal Banku Mundial ba Asia Oriental no Pasifiku. “Fatores hirak ne’e bele doko aspetu finanseirus iha kurtu prazu, maibe ida ne’e hanesan prosesu ajustamentu ida nebe mak presiza duni hodi suporta kresimentu mak sustentavel iha longu prazu.”

Relatoriu ida ne’e mos asume sei akontense abrandamentu fazeadamente hasoru ekonomia Tiongkok iha tinan 2016 – 2017. Senariu ida ne’e tanba mosu politika oi-oin iha Tiongkok mak hatudu indikasaun bele maneija risku resesaun ekonomika.

Relatoriu ne’e asume sei akontese kresimentu taxa de jurus Estadus Unidus ninian iha fulan hirak tuir mai. Maske kresimentu ida ne’e antisipa tiha ona, no espera bele akontese ho regularmente, maibe nafatin iha risku, merkadu bele halo reazen hasoru apertu [pengetatan] ida ne’e, nebe bele hamosu desvalorizasaun ba moeda, diferensas rendimentu, reduz fluxu de fundus no apertu de liquidez [likuiditas].

Hasoru dezafius hirak ne’e, relatoriu ida ne’e enfatiza [menekankan] prioridade rua iha rejiaun hotu-hotu: boa jestaun ba makro ekonomika hodi proteje frakezas externu no fiskal; no mos feformas estruturais mak profundu no konsentra ba esforsus hodi atrai investimentu privadu.* [WWW.WORLDBANK.ORG | TRANSLATED BY MC MONIZ | 05.10.2015].

About Other Source

Check Also

Konkordánsia Copenhagen: Fronteira Permanente ka Neo-CMATS?

Hosi 28 Agostu to 1 Setembru 2017, delegasaun ba negosiasaun disputa fronteira maritima nian hosi …

Leave a Reply

Your email address will not be published. Required fields are marked *