Thursday , November 23 2017
Home / Ekonomia & Bisnis / DIT Realiza Student Entrepreneurship Festival 2017
Estudante husi Jeneses Japaun aprenzenta hela kultura japuan nian ba estudante DIT.[Foto: Zinho MD].

DIT Realiza Student Entrepreneurship Festival 2017

Dili Instituite of Tecnology (DIT)  liu husi fakuldade Business Management realiza festival entrepreneurship  iha Knua DIT aimeti laran Dili.

Festival ida ne’e hanesan primeiru festival ba estudente Business of Management hodi hatudu sira nia kreatividade liu husi negosiu kiik ne’ebe estudante sira halo durante loron tolu.

Bainhira Jornalista sira halo entrevista ho Reitor DIT, Alvaro Meneges  hateten festival ida ne’e atu sensibliza joven sira mai ho ideia hodi nakfila ba produtu.

“Produtu ne’e bele hamosu oportunidade ne’ebe bele fo serbisu ba ema, duke sira eskola simu diploma hakarak tama deit funsionariu publiku. Agora tamba ho mudansa teknologia makas iha mundu, emprezariu, mundu bisnis nian kria oportunidade ne’ebe nakloke tebes ba iha Joven sira”, esplika Reitor DIT.

Festival ida ne’e hetan mos prezensa husi Sekretaria Estadu Juventude no Trabalho, Nivio Magalhães, ba Jornalista sira hateten atividade ida ne’e importente tebes ba estudente no joven sira, tanba bele hatudu sira nia kreatividade liu husi entrepreneurship ida ne’e diak, tamba sira mos bele hahu ona loke atividade ekonomiku ba sira nia an, no mos ba ema sira seluk.

Nivio Magalhães husu ba estudante sira, atu bele fahe saida mak sira iha ba ema seluk katak fahe sira nia matenek ba maluk estudante no juventude sira seluk, ida ne’e importante tamba futuru nasaun ne’e maka juventude.

“Sira presija hatudu katak juventude ne’e tenke mai ho nia kualidade I juventude ne’e prepara atu bele kontribui ba dezenvolvimentu nasional”, esplika Nivio.

Iha fatin hanesan partisipantes Julia Ximenes ne’ebe partisipa iha festival ne’e sente kontente tamba  bele hatudu nia produtu.

Festival ida ne’e hetan prezensa husi Ministru Turismu, Sekretraia Estadu Juventude e Trabalho, estudante Jeneses Japaun no emprezariu nasional balun.* [Jesuino Marcal de Jesus | TAFARA.TL | Editor: Zevonia Vieira | 09.11.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

AMP Ezizi Prezidente Parlamentu Hodi Tau Mosaun Sensura Iha Agenda ho Karakter Urjensia

Aliansa Maioria Parlamentu (AMP) hatama karta ba Presidente Parlamentu hodi konvoka reuniaun lideransa partidu hodi …

Leave a Reply

Your email address will not be published. Required fields are marked *