Thursday , November 23 2017
Home / Ekonomia & Bisnis / Kompania ATT Consult Manan Tender ba Dezenna Kampu Futebol
Sekretario Estadu Juventude no Desportu, Leovigildo da Costa Hornai kaer liman ho Songsak Bhaddee Project Director ATT Consult hodi konkorda ba akordu Dezenna kampu lima iha Dili laran.[Foto: Martinho Moniz | TAFARA.TL | 08.05.2017].

Kompania ATT Consult Manan Tender ba Dezenna Kampu Futebol

SEJD asina akordu ho ATT Consult hodi dezenna kampu futebol ne’ebe tuir planu sei harii iha Bekora, komoro, kampo Alor, kampo Bintang no mos Lesidere.

Sekretariu Estadu ba Juventude no Desportu (SEJD) halo esforsu makaas, halo kordenasaun ho ministeriu relevantes sira liu-liu Mnisteriu Planeamentu Estratejiku no KAFI hodi haree ba konstrusaun fiziku sira ba fasilidade juventude no desportu nian.

“Ita hatene katak Dili, nu’udar movimentu atividade ne’ebe mak joven sira atu halo, formasaun liu-liu ba klubu sira la’o daudauk. Entidade sira, ita durante ne’e uza deit mak kampo demokrasia, ladun akomoda ema hotu-hotu, liu-liu ita nia selesaun nasional sira, ita nia sentru juvenil sira, mos ita nia klubu sira. Entaun ho ida ne’e ita bele akomoda diak liu tan, futuru mai Dili iha fatin kampu bele halo movimentu liu tan, para depois iha espasu sira ne’e labele abandona,” afirma Sekretario Estadu Juventude no Desportu, Leovigildo da Costa Hornai.

Nune’e ha loron 8 fula Maio 2017, SEJD selebra akordu ho kompaña Internasional ATT Consult husi Thainladia, konaba halo dezeñu ba kampu lima iha Dili, ne’ebe tuir planu sei halo iha Bekora, Eis Markas Tropas Indonesia 744, Kampung Alor, Komoro, Kampung Bintang no Lecidere.

“Tuir planu ne’ebe iha, desde hau tama mai halo esforsu uitoan hamutuk ho ministerio relevante sira, liu-liu MPE ho KAFI hodi prepara dezeñu ba iha kampu lima, Kampo Bekora, Kampo kumoro, kampo Alor, kampo Bintang no mos Kampu Lesidere. CNA halo nia prosesu tender loke ba internasional i kompaña ida husi Thailandia mak manan ba konsultan dezeñu nian. Ohin selebra akordu ne’e para depois nia bele halo ona servisu dezeñu nian, nia halo site visit, halo analisa ba estrutura rai,” dehan Leovegildo da Costa Hornai iha nia intervista ho media sira.

Entretantu Leovegildo da Costa Hornai afirma katak, “Governu hakarak harii kultura transparansia iha check and balance, konstrusaun no supervizaun nian. Tamba ne’e ita presija reforsa konsultan ida husi Governu hodi halo supervizaun ida ne’ebe diak. Hau hanoin tempu primeiru ita tama iha projetu ida ne’e, importante liu mak tuir schedule, ne’e Ami hakarak konklui tuir kalendariu ne’ebe iha,” dehan Sekretariu Estadu Juventude no Depsortu iha nia lian dahuluk.

Songsak Bhaddee Project Director ATT Consult informa, “Ami nia grupu ne’e grupu ida ne’ebe koñesidu, halo ona servisu barak iha rai lubuk ida hanesan Malaysia, Myanmar no seluk tan. Ohin Ami iha Timor-Leste ami sei halo buat ne’ebe diak ba Ami nia kliente sira. Kona-ba kualidade ami sei halo servisu ho optimal no tuir kalendariu ne’ebe mak iha,” informa Diretor Projetu ATT Consult ne’e ba Media sira iha Salaun Magna SEJD, Lecidere, Dili.

Tuir akordu mak iha, kompaña ne’e sei halo dezeñu ba kampu lima ne’e kompleta ho kustu kada kampu ida ba kampu ida bazeia ba karakteristika rai, medida no nia utilidade, durante fulan neen hafoin submete/fornese ba Sekretaria Estadu Juventude no Desportu. Hafoin remata dezeñu refere mak, governu loke fali konkursu foun hodi hahu nia konstrusaun.

Orsamentu ba Dezeñu ne’e hamutuk USD $ 285,700.00. Selebrasaun akordu ne’e hala’o iha Salaun Magna SEJD, Lidera husi Sekretaria Estadu Juventude no Desportu, partisipa husi Reprezentante Embaxador Thalandia Chusak Kulvatdhanaporn, Project Leader ATT Consult Vittaya Hongyont, Project Director Songsak Bhaddee, Diretor Nasional Administrasaun no Finansas, Diretor Nasional Desportu no Chefe Gabinete Interino SEJD. *[Martinho Moniz |TAFARA.TL | 08.5.2017].

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

Komunidade Unidade VI Quelecai Relembra Masakre Santa Cruz 12 Novembru

Loron 12 fulan Novembro 1991 loron nakukun ba Juventude Timor-Leste, iha ne’ebe Jovens barak fakarak …

Leave a Reply

Your email address will not be published. Required fields are marked *