Thursday , November 23 2017
Home / Ekonomia & Bisnis / Portu Tibar Sei Fasilita Dezenvolvimentu Ekonómika
Dezeñu Portu Tibar [Foto : Laohamutuk.blogspot.com]

Portu Tibar Sei Fasilita Dezenvolvimentu Ekonómika

Governu liu husi planu estrateziku dezenvolvimentu nasionál ne’ebé sei estabelese portu Tibar iha future, MF, MOP no Autoridade Lokál hala’o sorumutu ho komunidade iha suku Tibar.

Iha eventu ne’e Vise Ministru Finansas Helder Lopes hateten atu kria kondisoens ida diak ba ita nia dezenvolvimentu ekonómiku funsaun ida mak harii portu ne’ebé adekuadu hodi fasilita komersiu internasionál hodi subtitui Portu Dili ne’ebé tuir Governu labele akomoda ona aktividades ekonomika, ne’e mak halo desizaun hodi estabelese Portu Tibar.

“ita atu estabelese Portu Internasionál Tibar tanba iha nia benefisiu ne’ebé fasilita ita-nia dezenvolvimentu ekonomiku, ita haree katak iha exportasaun no importasaaun ne’ebé makaas tebes iha ita nia rain halo portu Dili la sufsiente atu akomoda roo sira ne’ebé tama mai, tanba ita lakohi ida ne’e atu  akontese tan iha futuru ne’e mak ita estabelese Portu Tibar” tenik Ministru.

Governante ne’e mós hatutan tan katak iha Portu Tibar sei fo benefisiu ekonomiku no retornu sosiál ba povu tanba ne’e mak iha planu estrateziku dezenvolvimentu nasionál governu hamosu desizaun hodi estabelese portu refere.

“Estabelesementu portu tibar sei fo mos retornu sosiál ba ita nia povu tanba ne’e mak governu halo desizaun atu halo Portu Tibar. Ita asina ona kontratu, iha ona planu oinsa atu konstrui portu ida ne’e fizikamente. No faz parte ida husi planu ne’ebé ita atu implementa no akomula iha kontratu mak oinsa ita halo planu asaun realozamentu ba ema sira ne’ebé mak agora dadaun utiliza hela portu temporaria tibar”.

Iha fatin hanesan Ministerio Obras Públik, liu husi Ministru Gastão Sousa hateten, impaktu husi dezenvolvimentu rai ida ne’e nia finalidade sei fo benefisiu ba ema hotu tanba ne’e mak nia husu autoridade hotu nia kolaborasaun, liu-liu Administradór munisipiu atu fo hanoin ba malu ho diak atu implementa projetu ne’e iha futuru.

“Ba lideransa komunitariu Administradór munisipiu no Administradór postu atu fo hanoin ba malu para ita bele implementa projetu portu Tibar tanba iha fim ita sira ne’e mak hetan nia benefisiu, mai ita fo hanoin ba malu oinsa it abele halo planu ne’e ho diak tanba kontratu asinba tiha ona rejistu ona iha tribunal das kontás  buat hotu la’o tuir nia dalan espera katak iha konkordansia ida di’ak atu nune’e kompañia mós hala’o nia servisu”. Gastão hatete.

Iha parte seluk Administradór munisipiu Liquiçá, Domingos dos Santos hateten, atu dudu prosesu ne’e la’o ba oin presiza ema hotu nia koperasaun tanba husi ida ne’e ita sei halo buat ne’ebé nia rendementu ne’e aas bele fó oprtunidade ba ita nia oan no bei oan sira, kuandu ita hotu kontribui bele atinze ba moris diak, no iha sorumutu ne’e governu liu husi Ministeriu relevante esplika mós konaba planu asaun ba realokasaun ba Portu Baía Tibar.* [Gilberto dos Santos | TAFARA.ORG | 19.09.2016]

About Gilberto dos Santos

Check Also

Vitorina:Triste PARPOL Seidauk Ko’alia Konaba Ema ho Defisiensia

Kampania parpol tama ona ba semana ikus, maibe to’o oras ne’e seidauk iha programa parpol …

Leave a Reply

Your email address will not be published. Required fields are marked *