Saturday , May 26 2018
Home / Eleisaun Parlamentar / Eleisaun Iha Liquiçá Lao Hakmatek, Rai Los: Mantein Paz no Estabilidade
Povu partisipa iha loron votasaun 12 Maiu 2018. [Foto: Copyright GMNTV | 12.05.2018]

Eleisaun Iha Liquiçá Lao Hakmatek, Rai Los: Mantein Paz no Estabilidade

“Hanesan simpatizante ba partidu ida, ha’u nia esperansa ho festa demokrásia ida ne’e livre ba povu hotu-hotu mak deside, portanto rezultadu husi eleisaun antesipada ida ne’e bele garantia sustetabilidade governativa ia ne’ebé que di’ak. Paz no estabilidade mak sai primeira parte povu hotu-hotu hein”.Rai Los

Loron votasaun ne’ebe monu iha 12 Maiu, hatudu antusiaismu hosi povu Timor, hodi partisipa iha eleisaun antesipada. Iha Municipio Liquiçá bainhira iha prosesu kontaken votus, TAFARA.TL halo entrevista ba administrador, postu administrativu Liquiçá, Rógerio dos Santos apela ba komunidade sira atu mantein nafatin paz no estabilidade iha idak-idak nia fatin.

“Oras ne’e dadaun ita rona ona rezultadu sira, maib’e ha’u hanoin katak rezultadu ne’e normál. Iha ne’ebé de’it kuandu iha eleisaun sempre iha partidu ida mak manan tamba ne’e ida ne’ebé de’it mak manan, ita bele dehan katak povu hotu-hout mak manan. La’os ida mak manan, dehan fali ha’u nian mak halo, ó nian la’e. ita evita liafuan sira hanesan ne’e tamba liafuan sira hanesan ne’e liafuan provokator, provoka malu para atu kria problema,” dehan Rogério dos Santos iha resintu sentru votasaun suku Dato nian, 12/05.

Rógerio mós fó parabens ba povu hotu, tamba iha ona maturidade hodi liu loron ida ohin tomak, to’o oras ida konta votus laiha problema iha postu administrativu Liquiçá nia laran . Hakmatek nafatin hodi rona rezultadu, tamba ita sira ne’e povu nafatin, ukun nain ida ne’ebé sa’e ba ukun, ukun ita hotu.

iha sorin seluk, simpatizante husi Aliansa Mudansa ba Progreso, Vicente da Conceição ‘Rai Los’ hato’o esperansa katak, partidu ida ne’ebé de’it mak manan, nafatin mantein paz no estabilidade iha rai doben ida ne’e.

“Hanesan simpatizante ba partidu ida, ha’u nia esperansa ho festa demokrásia ida ne’e livre ba povu hotu-hotu mak deside, portanto rezultadu husi eleisaun antesipada ida ne’e bele garantia sustetabilidade governativa ia ne’ebé que di’ak. Paz no estabilidade mak sai primeira parte povu hotu-hotu hein,” konfesa Rai Los durante prosesu kontajen votus hala’o husi Brigada.

Alarico Gonçalves ne’ebé mak akompaña mós prosesu sura votus ne’e hato’o nia lian katak, Fretilin mak manan mós povu nian no ukun povu. AMP mak manan mós povu nian, yang penting (importante.red) unidade. Boot sira unidade, povu mós unidade, boot sira kuandu han malu, povu sira la komprende ne’e mós han malu.

Feto foinsa’e ne’ebé partisipa prosesu sura votus, Eduzinda Sanches (19) deklara mós nia esperansa ba governu foun nian.

Eduzinda husu governu foun, tau matan ba iha area edukasaun makas liu tamba husi edukasaun mak bele forma ema sai ema.

Rezultadu husi kontajen votus ne’ebé kompostu husi total eleitores suku Dato, 5,636 ne’ebé fahe ba sentru votasaun haat, husi rezultadu sentru votasaun eskola Sekundaria Públika No.1 Liquiçá ho total votantes 1,554 hatudu PEP ho total votus ualu, PD ho total votus 192, PR ho total votus 12, FRETILIN ho total votus 529, MSD ho total votus 12, MDN ho total votus 10, FDD ho total votus 121, AMP ho total votus 653. Votu nulu rua, votu branco haat no votu reklamadu ida.

Prosesu eleisaun parlamentar antesipada ne’e la’o ho susesu, hosi sentru votasaun refere tamba hetan seguransa husi Policia Nacional Timor-Leste (PNTL), observador nasionál no internasionál no mídia nasionál. *[Maria do Ceu |Editor: Zevonia Vieira | TAFARA.TL|12.05.2018].

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

Xanana-TMR Sei Hasai Marí Hosi ZEESM, Marí: Argumentu La Validu

“Uluk hau ba iha ne’eba [ Oecusse. Red] mos Fretilin lakon kiik liutan, hau laos …

Leave a Reply

Your email address will not be published. Required fields are marked *