Thursday , November 23 2017
Home / Eleisaun Parlamentar / Alkatiri: Deputadu Antonio 55 La Devia Reazen
Dr. Mari Alkatiri, Sekretariu Jeral Partidu Fretilin. [Foto: Zinho MD | TAFARA.TL | 23.03.2017]

Alkatiri: Deputadu Antonio 55 La Devia Reazen

Mari Alkatiri, SekJer Fretilin hatete katak Antonio 55 la devia reazen. Fretilin sei bolu Antonio 55 hodi husu.

Relasiona ho akontesementu iha loron votasaun horiseik, iha Aldeia Sakoko, Suku Ponilala, Ermera, Sekretariu Jeral Fretilin, Mari Alkatiri hatete ba Jornalista TAFARA.TL, iha Sede Fretilin, 23/07, katak insidente ne’e akontese tanba provokasaun, maibe Deputadu Antonio 55 la pudia reazen.

“Antonio dos Santos 55 nia attitude ne mai hosi provokasaun. Se hau karik la devia halo reazen hanesan ne’e. Mais provokasaun asvezes halo ita ulun la malirin. Ne’e laos hau fo razaun ba 55. Se hau iha nia fatin hau la halo reazen hanesan ne’e.”

Mari Alkatiri mos hatutan, “iha kampanne tomak ida ne’e, hau nia tilun diuk ba provokasaun tanba ne’e hau halo kampanne ho programa  deit. Hau la hatan ba ema ida i buat ne’e hanesan ne mak ita diak liu. Agora ami haree ona gravasaun provokasaun ne’e, provokasaun grave mos. Biar nune’e, agora ita hotu ona. Antonio 55 lideransa deputadu e hanesan membru Fretilin ami sei bolu atu husu.”

Komamdante Superintidente Munisipiu Ermera, Natercia Martins hateten ba Jornalista TAFARA.TL katak, “motivu husi kazu ne’e seidauk loos, tanba parte rua sei defende aan tuir ida-idak nia parte. Informasaun husi parte ida nia interligadu ba iha afiliasaun partidu ida ba fali partidu seluk. Iha  parte seluk dehan lae  tanba defamasaun ida ne’ebé mak nia halo ona ba hau, ho ida ne’e polisia lahalo enkeritu, polisia rona informasaun husi parte rua ne’e akumula informasaun lori ba iha Ministériu Públiku mak hodi loke investigasaun  atu hatene motivu loloos husi kazu ne’e saida,” dehan Natercia.

Komamdante Superintidente Munisipiu Ermera konsidera kazu hanesan krime públiku, tanba ninia asaun ne’e ofensa integridade fizika simples  fora husi sentru votasaun.

Maski iha akontesementu ki’ik sira ne’e, Eleisaun Parlementar lao ho dame ho insidente eleitoral ne’ebe minimu tebes kompara ho eleisaun sira ne’ebe halo iha periodu liuba. Oras ne’e dadaun kontajen votus sei lao hela, Fretilin hetan ona 30%, CNRT 28%, PLP ho PD 10%, no KHUNTO 6%.* [Martinho Moniz, Luis Soares & Ato ‘Lekinawa’ Costa | TAFARA.TL | 23.07.2017].

About Equipa Tafara

Artigu ida ne'e kobertura no hakerek konjunta/hamutuk entre Jornalistas no/ka kontribuidor TAFARA.TL.

Check Also

Xanana: Espera PR Lú Olo Kumpri Konstituisaun no Ami Sei Fo Apoio Tomak

Situasaun politika depois de elisaun Jeral 2017, hamosu preokupasaun ne’ebe mai hosi povu, hodi hein …

Leave a Reply

Your email address will not be published. Required fields are marked *