Thursday , November 23 2017
Home / Eleisaun Parlamentar / Fretilin La Manan iha Fatin Votasaun Dr. Mari Alkatiri
Dr. Mari Alkatiri, Sekretariu Jeral Partidu Fretilin. [Foto: Zinho MD | TAFARA.TL | 23.03.2017]

Fretilin La Manan iha Fatin Votasaun Dr. Mari Alkatiri

Sentru votasaun Eskola Primaria Farol Dili hatudu ona rezultadu final, CNRT ho numeru sorteiu 7 sai vensedor primeiru no Fretilin nudar vensedor segundu.

Resultadu votus hatudu katak fatin votasaun Sekretariu Jeral Fretilin, Dr. Mari Alkatiri, nudar vensedor segundu ho votus 448, no CNRT nudar vensedor primeiru ho votus 708, no tuir ho PLP ho votus 319.

Bainhira TAFARA.TL intervista ho komunidade Nilson do Santos (36), hela iha Palapasu hateten katak, iha fatin votasaun ne’e CNRT nudar vensedor. Nilson husu ba CNRT Sekarik manan iha elisaun parlamentar, bele hakuak partidu hotu, mantein unidade nasional, estabilidade no paz.

Nilson mos husu ba povu tomak bainhira hatudu resultadu final, husu ba povu tomak atu simu ho laran luak no nafatin mantein situasaun hakmatek iha komunidade nia leet.

Joana Maria (37), ne’ebe mak akompanha sura votus iha eskolah Farol, husu ba partidu tomak atu labele hamosu odiu no konflitu entre partidu, importante mak unidade, tanba partidu ne’ebe deit mak manan, povu tomak mak manan.

Resultadu final iha Eskola Primaria Farol tuir votus validu ne’ebe mak iha katak BUP ho votus 14, APMT votus 8, Khunto votus 33, PEP votus 9, PST votus 13, PDP 0, CNRT votus 708, PR votus 16, UDT votus 51, PDC votus 4, MLPM votus 19, PLP votus 319, PD votus 101, Undertim votus 5, PUDD votus 18, PTD votus 1, Frente Mundansa 22, PSD votus 12, CASDT votus 12, PDN votus 5 no Fretilin votus 448. Buletin de votus ne’ebe nulu total 28 no branco 3.

Tuir observasaun jornalista TAFARA.TL hatudu katak maske sura votus to kalan maibe observador internasional, nasional, CNE no STAE mantein sira nian pozisaun hodi akompanha to remata. PNTL kontinua mantein hodi asegura situasaun iha sentru votasaun.* [Zevonia Vieira | TAFARA.TL | 22.07.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Teresa: Pasiente Ida Sae Kama, Dotor Sira La Atende Tanba Governu Sedauk Selu

“Surat kami bulan lalu tanggal 11 Agustus 2017, bahwa balance payment sampai Agustus 2017 sebesar …

Leave a Reply

Your email address will not be published. Required fields are marked *