Thursday , November 23 2017
Home / Eleisaun Parlamentar / Kandidatu no Deputado Fretilin Antonio 55 baku Cirildo
Antonio dos Santos 55, kandidatu numeru 16 husi FRETILIN no Deputadu aktual. [Foto: Timor Agora]

Kandidatu no Deputado Fretilin Antonio 55 baku Cirildo

Diskonfia Cirildo halo defamasaun iha kampanne PLP nian, Deputadu Fretilin, Antonio dos Santos ‘55’ baku Cirildo. Polisia konsidera ne’e agresaun fiziku no prosesa ona kazu refere.

Deputadu Fretilin Antonio dos Santos ‘55’ ne’ebe hetan numeru kandidatu 16 iha lista kandidatu Fretilin nian baku Cirildo da Costa Babo. Agresaun fiziku ne’e halo tanba razaun defamasaun ne’ebe Cirildo halo iha tempu kampanne PLP nian.

Koordemador PLP Suku Ponilala, Cirildo da Costa Babo (36), hosi Aldeia Sakoko, Munispiu Ermera, hato’o ba Jornalista TAFARA.TL katak tempu eleisaun ema hotu-hotu ba exerse nia direitu. Maibe iha tempu hanesan mosu hahalok hakarak impede ema nia hakarak atu exerse sira nia dereitu politik. Cirildo haktuir knolojia violensia ne’ebe mosu ba nia-an ba Jornalita TAFARA.TL, iha Postu Administrasaun Polisa Muncipiu Ermera/Gleno, iha loron Sabadu, 22/07/2017.

“Iha 10 horas wainhira ami to iha kurva ida no besik ospital atu ba sentru votasaun lider ne’e hamrik tia iha kurva. Depois nia trata hau dehan intelektual beikten, depois tolok no trata, nia tafui kaben mai hau nia hasan. Hau haree nia reajen, piskologikamente preukupa, no hau haree nia reaksi hau dehan ita muda tia ba leten orsida bele mosu situasaun la diak, no preturba ba sidadaun hotu-hotu atu exerse nia direitu ba vota. Ami muda tia ba Kapela, kuaze metro 300, bainhira hau tun husi kareta lider ne’e too trata hau tolok, basa hau dala rua.”

Vitima Cirildo hateten, baihira kampaña Partidu PLP nian, hau nia intervensaun lakona nia laran. Nia kestiona hau nia esteitmentu dehan nia privasidade. Hau nia esteitmentu ne’e, hau temi Ermera lama maibe momentu ne’eba, hau dehan festa demokrasia ita eskoila jogador di’ak ida hodi bele tur iha parlamentu ne’ebé ho kualidade. Iha kualidade ne’e mak hau sublina lia-fuan dehan hili reprezentante povu ida ne’ebe mak ho hanoin hanesan Ermera tuan tenki muda ba Ermera foun ho ida ne’e lider ne’e senti soke.

Hafoin hetan tiha investigasaun hosi Polisia, Jornalista TAFARA.TL kontinua dada lia ho Cirildo, nudar vitima. Vitima hateten kazu ne’e prosesu normal tenki la’o no kultura mós tenki la’o, prosesu justisa ba Ministériu Públika, maibe ami sei fo tempu. Ho nune’e vitima mos sei fó espasu mós públiku atu haree.

“Ami nia parte mantein ho ami nia prinsipiu katak ‘Não Violencia’ hanesan sidadaun lider ida ‘Wakil Rakyat, Memukul Rakyat’ ne’e seriu. Ida ne’e tenki hadia ho prosesu formal. Hau respeita nia presonalidade nia aktus lalori hau nia respeita ba nia, maibe ida ne’e ami sei tetu tuir kultura ho sei haree parte hotu, “ Cirildo hateten.

Iha parte seluk, testamuinna, Mariano Santo da Cruz, hateten problema ne’e mosu, ami sai husi uma ba iha dalan, Cirildo tula ami iha dalan atu ba vota iha sentru votasaun. Bainhira too iha kurva ida atu besik ba sentru votasaun, kuaze 10 metru ami to’o iha kurva ne’e, lider ne’e konesa soe kaben ba Cirildo. No hau hateten ba Cirildo di’ak liu ita lao tia ba leten lider ne’e liu tia mak ita mai fali bainhira ami tun besik Kapela ami foin fuma sigaru derepenti lider ne’e tu’un.

Mariano hasara tuir lider ne’e koalia, “dehan o intelektual ida mos ó koalia beikten la halimar, ó hakarak ba partidu PLP ó ba de’it. Ne’e demokrasia ó lalika dehan Ermera tuan. Nusa dehan FRETILIN rahun, FRETILIN lahalo buat ida. Ne’e ó labele temi, o hakarak ba ida ne’eba ó ba, ó labele dehan hau nia pribadi hanesan ne’e. Hafoin lider ne’e koalia tiha nune’e, komesa basa Cirildo dala rua,” dehan Testemuinna Mariano.

Mariano mos esplika katak momentu ne’e ema kaer sira nain rua separa tiha no hakalma sira. Hafoin lider ne’e fila tiha no ema sira asisti ne’e kontinua ba vota.

Vitima nia espoza, Cezaltina Angela Soares, hatete ho matan been ba Joranalista TAFARA.ORG hateten, “nudar familia sentimentu emosaun ne’e sempre iha, maibe ami familia simu ida ne’e ho maturidade tanba situasaun ida agora situasaun liberdade. Demokrasia ba povu Timor atu ezerse sira nia diretu ho liberdade atu ba vota. Hahalok lider nian ne’ebé hatudu ba hau nia kaben ne’e tuir loloos ne’e la merese, tamba ami nia Suku ponilala ne’e populasaun ne’e mais votadu ba Partidu FRETILIN. Iha Munisipiu Ermera ne’e baze FRETILIN, maibe nia hatudu ida ne’e iha Suku Ponilala iha militante sira nia oin,” dehan espoza Cirildo ho laran triste.

Ho akontesimentu ne’e Jornalista TAFARA.TL dada lia mos ho Koordenador Nukleu Aktivista da FRETILIN, Abilio Xavier de Arujo alias Lebo iha kedan Postru Administrsaun Sentru Polisia. Nia hatete, hau komunga organizasaun nia liafuan ida dehan ho nia moto ‘jero iminigo 100% amigo.’ Hanesan militante halo intervensaun tama iha klaran hodi hakalma situasaun la’o normal.

Aktivista FRETILIN ne’e koalia ho lider ne’ebe halo problema no vitima atu ajuda hakalma situasaun. Atu nune’e militante sira la provoka malu.

Lebo, nudar veteranu senti triste ituan. Nia dehan loloos ne’e akontese iha ema kiik sira, atu nue’e ita ema boot sira bele resolve. Maibé agora pela kontariu ita lider halo tia se mak tu resolve ho ida ne’e ami triste buat kiik ida ne’e.

Komamdante Superintidente Munisipiu Ermera, Natercia Martins hateten ba Jornalista TAFARA.TL, “Polisia nia Knar mak iha kualker akontesimentu ne’ebé mak akontese polisia halo atuasaun lori mai hodi rona sira nia deklarasaun depois enkaminna ba iha Ministériu Públiku. Hodi nune’e hein karata husi Minitériu (MP) atu halo enkeritu ou Prukuradór mak sei ke klean problema ne’e hodi bele halo akuzasaun ba iha Autor.”

Komandante ne’e mos hateten, “motivu husi kazu ne’e seidauk loos, tanba parte rua sei defende aan tuir ida-idak nia parte. Informasaun husi parte ida nia interligadu ba iha afiliasaun partidu ida ba fali partidu seluk. Iha parte seluk dehan lae tanba defamasaun ida ne’ebé mak nia halo ona ba hau, ho ida ne’e polisia lahalo enkeritu, polisia rona informasaun husi parte rua ne’e akumula informasaun lori ba iha Ministériu Públiku mak hodi loke investigasaun atu hatene motivu loloos husi kazu ne’e saida,” dehan Natercia.

Komamdante Super-Entidente Munisipiu Ermera konsidera kazu hanesan krime públiku, tanba ninia asaun ne’e ofensa integridade fizika simples fora husi sentru votasaun.* [Luis Soares | TAFARA.TL | Editor: Ato “ Lekinawa” Costa | 22.07.2017].

About Luis Soares

Luis Soares, Jornalista TAFARA.TL desde tinan 2015 ate a data.

Check Also

Dividas Barak Ne’ebe Estadu Tenke Selu ba Kompania

Dividas ka obrigasaun estadu nian hodi seluk mak total $53.549.085 pagamento dividas ba Timor Telecom, …

Leave a Reply

Your email address will not be published. Required fields are marked *