Thursday , November 23 2017
Home / Eleisaun Parlamentar / Populasaun Suku Lauana 200 Resin La tuir Elisaun Parlamentar
[Foto: Timor Agora].

Populasaun Suku Lauana 200 Resin La tuir Elisaun Parlamentar

Populasaun suku lauana, postu Administrativu lete-foho, munisipiu Ermera, hamutuk 200 resin la ezerse sira nia direitu iha loron eleisaun parlamentar tamba kondisaun saude la permite.

Tuir Xefe Brigada Suku Lauana, Tomas dos Santos dehan, populasaun suku Lauana konta hamutuk eleitores 1795 tuir lista ne’ebe mak ami simu hosi STAE.

“Tuir eleisaun hamutuk 965 no hare ba populasaun Suku Lauana ne’ebe barak ne’e mak ami fahe tiha ba sentru estasaun votasaun rua no tamba aldeia tolu ne’ebe dook husi fatin sentru votasaun mak Leubasa, Alosai no Liabe tan ne’e mak ami tau ida iha Leubasa no ida iha sentru Launa no 500 resin mak tuir iha estasaun votasaun iha Leubasa maibe 200 resin mak la tuir”, dehan Tomas iha Sentru Votasaun Lauana,22/07.

Hatan ba kestaun hirak ne’e Xefe Suku Lauana Miguel Maia hateten kontente tebes bainhira hare populasaun sira partisipa iha loron elisaun, hodi ezerse sira nia dirietu nudar sidadaun Timor oan.

“Suku Lauana iha Aldeia 10 ho nia populasaun 1795 tuir lista ne’ebe mak simu husi STAE entaun husi populasaun hirak ne’e, balun mak ohin mai ezerse duni sira nia direitu, hanesan sidadaun Timor oan maibe 200 resin mak la tuir eleisaun. 200 resin laos deit joven sira maibe ne’e maioria katuas no ferik sira deit, razaun tamba deit sira nia kondisaun balun moras labele lao no balun mos labele lao duni to iha sentru votasaun rua tamba hela fatin ho distansia ne’ebe dook husi sentru votasaun no ami labele duni fasilita sira atu mai tuir Eleisaun”, dehan Miguel.

Iha parte seluk kontribuitor TAFARA.TL koko dada lia ho populasaun Atanasio Soares katak, hanesan joven no sidadaun sente orgullu tamba bele partisipa iha eleisaun ne’e hodi desidi nai ulun ida hodi ukun rai ne’e.

“sente apresia tebes tamba ohin loron populasaun Lauana halao elesisaun ne’ebe ho situasaun hakmatek hodi bele hili no deside ami nia nai atu bele ukun Timor no hau espera katan nai ulun sira hakmatek hatudu sira nia matenek, hodi simu rezultadu ne’ebe mak povu sira deside. Hau husu ba nai ulun sira ida ne’ebe karik sei hetan fiar husi povu, ukun didiak ba rai ida ne’e no tau matan ba povu sira nia terus no halerik hotu, tamba ami povu lakohi nasaun ida ne’e liberdade ona maibe sei iha nafatin terus no halerik iha ami povu nia moris. Ami povu husu ukun nasaun ne’e ho didiak ba hodi dezemvolve rai ida ne’e atu nune’e ba futuru timor mos bele sai hanesan ema nia rai sira seluk,” dehan ATANASIO.

Tuir observador kontribuitor TAFARA.TL situasaun iha sentru votasaun lao ho diak no hakmatek tamba hetan seguransa maximu husi PNTL no Juventude Suku Lauana nian, durante loron Eleisaun to remata. Henrique Soares de Jesus TAFAR.TL.* [Henrique Soares de Jesus | Kontributor TAFARA.TL | Editor: Zevonia Vieira | 23.07.2017].

About Henrique Soares de Jesus

Check Also

Tama Ona Tinan 15 Nia Laran, Komunidade Suku Liurai Sedauk Asesu Eletrisidade no Bee Moos

Eletrisidade fator importante iha fatin ida, atu bele apoia ema ida nian atividade, bainhira eletrisidade …

Leave a Reply

Your email address will not be published. Required fields are marked *