Thursday , November 23 2017
Home / Eleisaun Parlamentar / Taur Matan Ruak Lakon Iha Nia Suku Metiaut
Taur Matan Ruak, Presidente de Partido Libertacao do Povo. [Foto: The Australian]

Taur Matan Ruak Lakon Iha Nia Suku Metiaut

“Partidu Libertasaun Popular [PLP] la manan iha suku ida ne’e, maibé PLP kontinua esforsu, sira manan liu oitoan deit, la tur iha Governu ka Parlamentu ba mos Ami Servisu nafatin ba PLP.”

Deklarasaun ne’e hato’o husi Koordenador Partidu Libertasaun Popular [PLP] Suku Metiaut, Antonio Amancio da Silva “Mau Masi” hafoin apuramentu iha Sentru Votasaun Suku Metiaut, Dili. Lider Partidu Suku ne’e afirma liu tan katak la odiu ema ida, la hirus ema ida, nafatin hamutuk servisu ba Timor-Leste.

Vice Koordenador CNRT Suku Metiaut, Aurio Franscisco da Costa informa ba Jornalista TAFARA.ORGsente orgullu ho rezultadu mak iha, tamba ho esforsu mak iha bele konsege manan iha Suku Metiaut.

“Nudar Estrutura Partidu CNRT ninian iha Suku Metiaut, hanesan mos Vice-Kordenador Nurep senti kontenti tamba kuaze fulan ida, estrutura CNRT suku Metiaut servisu maka’as oinsa mak bele hetan Vitoria iha tinan lima mai, liu husi prosesu demokrasia mak eleisaun no CNRT manan duni iha Suku ida ne’e ho votus 285.”

Vice Koordenador ne’e afirma liu tan katak, manan ida ne’e la’os CNRT mak manan maibe povu Metiaut tomak. Hanesan maun boot Xanana Gusmão koalia, CNRT manan la’os maun boot Kayrala Xanana mak manan, militantes CNRT mak manan deit maibe Povu Timor tomak manan.

Iha fatin hanesan Membru Komunidade Suku Metiaut Anita de Sousa Gama ba TAFARA.ORG afirma, “Partidu ne’ebe mak manan ne’e hanesan deit, tamba mesak Timor-oan. Importante mak Povu hakmatek, ami lakoi krize mosu tan hanesan 2006. Ami presija asesu ba Estrada, eletricidade no bee mos”, dehan Anita iha Centru Votasaun Metiaut, Dili.

Membru Komunidade Suku Metiaut, naturalidade Bobonaro Cidalia Guterrres Gusmão mos salienta liu tan katak ba se deit mak manan ne’e ita nian hotu, “ami presija rai ne’e hakmatek, dezenvolve tan edukasaun ba Oan sira, Saude no Estrada iha teritóriu nasionál”

Tuir dadus STAE nian eleitores iha Suku Metiaut hamutuk 1,112, mak tuir eleisaun 873. Husi total votantes mak iha Votus validu 853 no Nulu 20. Husi Votus validu ne’ebe mak iha Bloku Unidade Popular [BUP] hetan votus 5, APMT 3, KHUNTO 23, PEP 19, PST 1, PDP 4, CNRT 285, PR 7, UDT 7, PDC 3, MPLM 1, PLP 265, PD 23, UNDERTIM 0, PUDD 6, PTD 2, FRENTE MUDANÇA 3, PSD 5, CASDT 0, PDN 0 no FRETILIN 190.* [Martinho Moniz | TAFARA.TL | Editor Zevonia Vieira | 22.07.2017].

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

Komunidade Unidade VI Quelecai Relembra Masakre Santa Cruz 12 Novembru

Loron 12 fulan Novembro 1991 loron nakukun ba Juventude Timor-Leste, iha ne’ebe Jovens barak fakarak …

Leave a Reply

Your email address will not be published. Required fields are marked *