Thursday , November 23 2017
Home / Eleisaun Parlamentar / Xefe Suku Lauala, Ermera Orgullu, Eleisaun Lao ho Hakmatek
Xefe Suku Carlos Manuel Babo, hosi Suku Lauala, Munisipiu Ermera. [Foto: Luis Soares | TAFARA.ORG | 22.07.2017]

Xefe Suku Lauala, Ermera Orgullu, Eleisaun Lao ho Hakmatek

Povu iha suku ida ne’e partisipa iha Eleisaun Parlementar ho kontete hodi ejerse sira nia direitu nu’udar sidadaun timoroan. Povu orgullu tebes tanba laiha desintendimentu husi parte seluk.

Iha eleisaun parlementar ne’e, Xefe Suku Carlos Manuel Babo, hosi Suku Lauala, Munisipiu Ermera dehan ba Jornalista TAFARA.ORG, “povu iha suku ida ne’e mai no ejerse sira votu ho kesensia, povu iha suku ne’e rasik mós aprende ona saida mak demokrasia, la iha obrigatoriu ruma maibe povu iha suku ne’e mai vota ho konsensia nu’udar sidadaun,” Carlos hatete lia ne’e iha Sentru Votasaun hatete, iha 22/07/2017.

Xefe suku ne’e salienta liu tan, seguransa no estabilidade iha suku ne’e rasik la’o normal. Hahu hosi kampaña partidu polítika sira laiha problema, to’o ohin loron povu mai ejerse sira nia dereitu ba vota. Periodu ida ne’e nudansa tebes tanba direferente ho periodu kotuk liu ba bainhira kampaña partidu polítika hahu povu sira komesa trauma, tauk no dala ruma mai vota hetan presaun husi Partidu sira.

“Hau orgullu ba hau nia komunidade sira tanba sira komprende ona moris ida agora ne’e sira komprende saida mak demokrasia. Ida ne’e mai hau orguillu tebes, ba komunidade iha suku ida ne’e” dehan Xefe Suku Carlos.

Xefe suku ne’e mos hato nia mensajen ba nia populasaun sira hotu, nia hatete katak, “Hau hakarak hato ba komunidade sira hotu katak ohin festa demokrasia ida ne’e loron importante ba populasaun sira hotu ne’ebé mai vota nu’udar sidadaun, tenki mai vota, vota ida ne’e bele muda ita nia situasaun dezenvolvimentu ba ita nia rai-laran espesiál ba hau nia suku ida ne’e, “ dehan Carlos.

Xefe Suku ne’e mos husik hela nia mensajen ba partidu polítika sira ne’ebé karik hetan votu maioria hodi ba tur iha governu, labele haluhan komprimisiu politika sira ne’e mak durante ne’e mai hato hela ba povu sira.

“hakarak rekomenda de’it ba partidu politika ne’ebé mak hetan votu maioria husi komunidade ida ne’e sebele durante periodu tinan lima tenki halo komprinisiu politika ne’ebé mak mai hato hela ba komunidade sira,” Carlos hatutan.

Iha parte seluk membru komunidade José Antonia Dedeus hosi Suku Lauala mos kontente tebes ba festa demokrasi ida ne’e. Ami nia hakarak ba oin tenke la’o ho estabilidade bazea ba sistema demokrasia ne’ebé ita iha. Ami espresa ami nia lia menon bazeia ba ohin ami deside tuir ida-idak nia konsiensia,.

“tenki halo tuir komprimsiu polítika ne’ebé mai hato hela, tenki halo mudansa mós ba sistema ukun nian atu nu’une’e halo ekilivre ba ema hotu-hotu. Labele uza partidaria hodi dezanima ema seluk,“ dehan José.

Nune’e Joven suluk Lauana Natalina Lemos hatete ami joven iha suku ida ne’e ami kontete ba loron vota ida ne’e tanba ita bele deside ka hili ita nia nai ulun ida ne’ebé mak serve atu bele ukun nasaun ida ne’e ho responsabilidade.

“hanesan joven ami nia ejijensia ba governu foun tenke tau prioridade ba atividade joven iha ami nia suku rasik. Eletrisidade ne’ebé mak ami nia komunidade husi aldeia balun seidauk asesu no estrada. Ami nia ejijensia mak ne’e, tenki halo mos komprimisiu polítiika ne’ebé mak mai hato hela ba komunidade sira,” dehan Natalina iha sentru votasaun suku Lauala ho konteten.

Observasaun Jornalista TAFARA.ORG, durante vota iha Suku Lauala to remata hetan votus barak liu husi Partidu CNRT ho total votus 371, tuir kedas Partidu PD ho total 271, Partidu Frente Mudansa ho total 111, Partidu FRETILIN ho Total votus 99. Iha suku ne’e rasik maioria mak vota, situasaun la’o hakmatek. Regulamentu ne’ebé ba vota sidadaun sira komprende, no halo tuir ba buat ne’ebe proevidu atu labele lori tama ba vota. Staff monitoring ba eleisaun kontrolu prosesu forma, inan ne’ebé gravida, defisiente, ferik no katuas sira ejerse sira nia dereitu uluk. Eleisaun ne’e hetan partisipasaun maxinu husi seguransa PNTL, no Autoridade Lokal, durante oras votasaun to remata.* [Luis Soares | TAFARA.ORG | Editor: Ato “ Lekinawa” Costa | 22.07.2017].

About Luis Soares

Luis Soares, Jornalista TAFARA.TL desde tinan 2015 ate a data.

Check Also

Dividas Barak Ne’ebe Estadu Tenke Selu ba Kompania

Dividas ka obrigasaun estadu nian hodi seluk mak total $53.549.085 pagamento dividas ba Timor Telecom, …

Leave a Reply

Your email address will not be published. Required fields are marked *